مشكلة وحلها لعل الاخوة يستفيدوا منها
بادور العربيه النهاردة دارت عادى بس جيت اطلع بيها لاقيت العربيه محجرة معايا مش عايزة تطلع نزلت ابص على العجل الخلفى لاقيت الكاوتش عامل علامه فى الارض للعجله الخلفيه شمال ومش عارف اطلع بالعربيه كانفرامل اليد مكلبشه
حاولت اطلع كذا مرة مفيش فايدة كلمت احد الاصدقاء قالى زيت الفرامل محجر فى المواسير بسبب البرودة الشديدة والموضوع ده حصل معاه النهاردة بردو نصحنى بمحاوله الطلوع تانى كذا مرة لحد ما العربيه حسيت انها كانت مربوطه واتفكت وطلعت معايا بعد كده عادى خالص وكملت مشوارى والعربيه معايا تمام مفيش اى مشاكل
سالت ميكانيكى قالى خلى بالك ممكن يكون فى مشكله فى الماستر العمومى انه بيكبس زيت ومش بيرد تانى
فهل حد عدى عليه الموضوع ده قبل دة وايه رايكم فى كلام الميكانيكى؟