انا عايز اعرف جين 2 ولا بيرسونا احسن ولا استنا لما البريفي تنزل مع العلم هجيب قسط
عرض للطباعة
انا عايز اعرف جين 2 ولا بيرسونا احسن ولا استنا لما البريفي تنزل مع العلم هجيب قسط
البريفى حلوة
بس ممكن التوكيل يشوف لها حاجة تنزل مثلا من غير تربو لان كده مش هتبيع اصلا
لو كان يقدر علي كدة كان جاب مواتير ال cps بس بردو كانت محتاجة اوكتان عالي
البريفي نازلة بموتورين برة
الكامبرو iafm و cfe
لو نزلت بالكامبرو العادي مش مشكلة و هيمشي عادي بس إحتمال يكون قليل شوية لإنها عدت 1300 كيلو
يعني انتم شايقين في فئة 120000 جين 2 احسن حاجه
ياجدعان اين الرد
دى احسن عربية في الرنج ده من الاخر
طيب إيه مشاكلها يا رجالة وإيه موضوع إستهلاك البنزين العالي...يعني إستهلاك البنزين كام؟
معظم اللى بيشتكى عموما مبيهتمش بالرشاشات خاص
وهامل البوابة واخواتها بالسنيين
https://www.youtube.com/watch?v=WOGFvju2ZTc
وبتبقى مليانه سواد جوه
والاهم ان المانفولد محدش بيفكه ينضفه ويركبه تانى مرة كل 5/7 سنين
https://www.youtube.com/watch?v=cCjO8JThVpo
بس انا اتقالي ان جين 2 من جوه ضيقه عن البيرسونا
وانا صراحه عجبني شكل الجين 2 اكتر بس موضوع الضيق ده مقلقني
هو المنتدي برد ولا اه ؟؟؟؟؟
معلش انا مردتش عليك علشان كان عندي إمتحانات
الحاجات المتطابقة بين الجين و البيرسونا: الصاج الخارجي-الموتور-الفتيس-الشاسيه-التابلوه-الفرامل بجميع مكوناتها-الفوانيس الامامية و الخلفية.
الإختلافات:الإكصدام الخلفي ميركبش-الشبكة الامامية مختلفة بس تركب-لون العدادات ابيضxاحمر في البيرسونا و شغالة طول ما العربية دايرة-الجين احمرxاحمر و مش بتنور غير مع تشغيل النور-مرايات البيرسونا اكبر-الإشارة موجودة في المرايا في البيرسونا و الجين في الرفرف-البيرسونا فيها مثبت سرعة في الاوتو و الجين مفيش سواء اوتو او مانيوال-كراسي البيرسونا مختلفة و مريحة اكتر و كراسي الجين شبه الكراسي الريكارو-الجنوط مختلف في الشكل-البيرسونا فيها عتب جانبي و مش موجود في الجين-السبويلر مختلف في الاتنين.... بالنسبة للوسع البيرسونا اوسع من ورة و الشنطة اوسع بس الجين شنطتها اعلي.. شوف الاتنين جنب بعض و قرر إيه الاحسن.
السوق
حادف للجين2 اكتر فى البيع والشرا من البيرسونا
يعنى نسبة لا تقل عن 8 : 1
كمان الجين2 بتتباع هوا ولو فيها ايه .... علشان شكلها الرياضى الفريد وليها كاريزما كده بتخطف العين
دا غير سمعتها الهايلة خصوصا فى الثبات والمنحنيات
ولولا الجين2 لما استمرت بروتون فى مصر .... العربية انتشرت بشكل غريب خصوصا من 2010
ملحوظة
بتوع المستعمل فى الحرفيين مش ممكن يقولك للجين2 مفيش على حاجة استيراد ( استحالة )
كل اللى اقدر افيدك فيه انها مبتحكش ابدا ولو محملة صعب انها تحك
ولازم تتابع كام اعلان او تنزل السوق وتعاين وتركب وتجرب وتقرر بنفسك ضيقة ولا مش مريحة ولا .....
..... انت استقريت على انواع ايه؟؟؟؟؟
السلام عليكم
يا اهل البروتون , ايه نظام البيرسونا 2015؟
فيها مشاكل او عيوب؟ ايه نظام العفشة بتاعيتها ؟ و الكماليات؟
انا بفكر فيها بس ماعرافهاش كويس
و ايه نظام التوكيل؟