زيارة توكيل غبور لشراء إلانترا
أنا النهاره كنت فى غبور باسأل عن الإلنترا
أولا عند دخول المعرض ما كانش فيه إلانترا معروضة فيرنا و سوناتا بس (السلطان حسين - الإسكندرية)
فسألت ليه مفيش كان الرد - شاحه من السوق اليومين دول
و لما سألته عن الموديلات المتوفرة
قال موديلين فقط مانيوال و أوتوماتيك
وسعرهم 99750 و 107750 من غير جنوط و لا فوجات و لا فتحة سقف و لا حاجه تقريبا، الاساسيات بس اللى هيا
تكييف عادى و باور و سنتر و كاسيت Cd , مرايات كهرباء
و لو عايز اللى بفتحة سقف أشوفهالك
و لما سألت ليه بطلوا الموديلات التانية قال
الهاى لاين منزلتش 2008
و التكييف التاتش منزلش من 3 شهور
و سألت طيب و 2009 إيه نظامها
رد عليا زى ما قلت لك 2009 حتنزل زى ال 2008 الموجودة ، دلوقتى سياسة الشركة إننا نبيع ال I30
و لو عايز إلانترا إستنى 2010 لما ينزل الشكل الجديد
و لما سألت عن الحجز قال إدفع الثمن بالكامل و التسليم بعد 15 يوم
و لا تعليق