الموضوع: صحيفة Charlie Hebdo صاحبة حادثة القتل نشرت صور مسيئة لسيدنا محمد صلى الله عليه وسلم

انا عندى سؤال مهم

هل احنا مفروض اننا نطبق القانون او الشريعة بتاعتنا على ناس غير مؤمنة بيها فى بلدهم ؟

اللى هما عملوه يستحق القتل من وجهة نظر الدين الاسلامى و لكن لا يستحق القتل من وجهة نظر القانون الفرنسى ؟

ايه القانون اللى مفروض يطبق فى وضع زى ده ؟

مفيش حد يقدر ينكر ان فيه عنصرية ضد المسلمين فى اوروبا و فى فرنسا خاصة بس هل الحل اللى حاصل ده ؟

هل اللى حصل ده هيفيد الاسلام فى اى حاجة ؟ بالعكس ده هيسبب موجة من الكره الشديد للاسلام

على فكرة باللى اتعمل ده .. الناس ديه بقوا ابطال فى فرنسا و بقوا رمز للحرية و الموت من اجل هدف سامى و البلد كلها بقت je suis charlie ..

ده من غير الدخول فى تفاصيل فى معاناة المسلمين الايام الجاية فى فرنسا و اللى هيشوفوه من خراب بيوت و عنصرية

و اخيرا القضاء الفرنسى مش شامخ زى قضاء مصر .. كل الحكاية انه بيحكم بالقوانين الفرنسية اللى مش بتمنع اللى بتنشره الجريدة فطبيعى انه ميحكمش بوقف الاصدار ..

انا مش متخيل ان فى ناس بتبرر التفجيرات الارهابية اللى حصلت فى فرنسا او اللى بتحصل فى اى مكان حتى اللى بتحصل فى مصر
فى ظابط مات فى مصر فى تفجير قنبلة من يومين وهو بيحاول يفككها طبعا تبرير قتله موجود عند الارهابيين واتباعهم وممكن كمان يكون عندهم فتاوى لتحليل قتله

زى ما داعش والجماعة الاسلامية بيحللو القتل للمسلمين وغير المسلمين وفتاوى القتل لا تنتهى والتبريرات لا تنتهى

الجيش المصرى اللى بيموت فى سينا يوميا بيتقتلو بفتاوى من شيوخ الارهاب اللى بتبرر القتل بدعوى الجهاد

المشاركة الأصلية كتبت بواسطة mohab.nabil

اللى هما عملوه يستحق القتل من وجهة نظر الدين الاسلامى

انتا باى حق بتطلع فتوى بالشكل ده ممكن تودى بحياة بنى ادمين للقتل

انتا مش عالم دين ولا ومفتى واللى انتا كاتبه ده اسمه تحريض على القتل

المشاركة الأصلية كتبت بواسطة m.elwan

انتا باى حق بتطلع فتوى بالشكل ده ممكن تودى بحياة بنى ادمين للقتل

انتا مش عالم دين ولا ومفتى واللى انتا كاتبه ده اسمه تحريض على القتل

كلامى رد على لينك الفتوى المكتوبة فى اخر الموضوع و مش انا صاحبها

و يا ريت اسلوب كلامك يبقى احسن شوية .. انتا اصلا و لا تعرفنى و لا انا قلت انى عالم دين ولا مفتى ..

و بعدين انتا لو كلفت نفسك و قريت اللى انا كاتبه و فهمته هتعرف ايه وجهة نظرى فى اللى حصل اصلا

المشاركة الأصلية كتبت بواسطة mohab.nabil

كلامى رد على لينك الفتوى المكتوبة فى اخر الموضوع و مش انا صاحبها

و يا ريت اسلوب كلامك يبقى احسن شوية .. انتا اصلا و لا تعرفنى و لا انا قلت انى عالم دين ولا مفتى ..

و بعدين انتا لو كلفت نفسك و قريت اللى انا كاتبه و فهمته هتعرف ايه وجهة نظرى فى اللى حصل اصلا

أنا قريت رد حضرتك وباين من كلام حضرتك انك رافض فكرة القتل
بس في نفس الوقت مينفعش تقول انهم يستحقوا القتل من وجهة نظر الدين الاسلامي

المشاركة الأصلية كتبت بواسطة m.elwan

أنا قريت رد حضرتك وباين من كلام حضرتك انك رافض فكرة القتل
بس في نفس الوقت مينفعش تقول انهم يستحقوا القتل من وجهة نظر الدين الاسلامي

ماشى اولا انا بتأسف لو ردى كان حاد شوية على حضرتك ..

انا راجعت ردى تانى و فعلا يمكن خانى التعبير لأنى كنت مركز فى الكتابة عن نقطة تانية .. انا كان قصدى ان لو يستحقوا القتل بناء على الفتوى اللى فى الموضوع اللى كاتبها صاحب الموضوع بس يمكن موضحتش ده فى ردى ..

انا بوضح كلامى مرة تانية انا ولا اصدرت فتوى و معنديش علم كافى انى اصدر فتوى هل يستحقوا القتل ولا لا من وجهة نظر الدين ؟

انا كل ردى عشان اناقش نقطة تانية بس يمكن مركزتش فى الكتابة

ما حدث ادى الى ان الجانى اصبح بطل و شهيد و المجنى علية اصبح قاتل و مجرم و ارهابى بالاضافة لتشويه صورة الاسلام و انه دين دموى كما يقولون لا يعترف سوى بالقتل و التفجيرات و ارهاب الغير
يكفينا اندفاعات فياضة هذا الوقت وقت الحكمة و التعقل فالسلام و المسلمين يواجهون تشويه قاسى من الغرب بسبب داعش و امثالها فيحدث هذا لكى يرسخ و ياكد كلام هؤلاء
لابد من الحكمة فى التعامل الغرب لا تسطيع مواجهته بالقتل بل باللغة التى يفهما كما يفعلون نفعل بلغتهم وليس بلغتنا
بما حدث ماذا كسبنا او كسب الاسلام غير زيادة فى الكراهية و البغض و اثبات اقوالهم !!!!!!!