المشاركة الأصلية كتبت بواسطة Ahmed_Ta21
لسه عامل صيانة الـ 10000 للكروز النهارده في اخوان مقار في الدقي
اخدو 797 جنيه مقسمين كالتالي:
285 مصنعية
440 (غيار زيت 5 لتر + فلتر زيت حشو)
72 ضريبة مبيعات
عملوا
تغيير زيت وفلتر الزيت وتربيط العفشة ورش اسبراي علي العفشة ومراجعة كهربة العربية وتيل الفرامل
وغسلوا العربية بره وجوه
معنديش غيار زيت في 10 الاف ... انا هغير علي 15 الف
انت غيرت بزيت اية في صيانة ال 5 الاف ؟
الخلاصة غير زيت وفلتر الزيت بس ومعرفشة ليه المصنعية غالية اوي كده علي ايه معرفش!
وسالت علي تيل الفرامل عندهم بـ1100
والخفلي 980 !
ربنا يستر في الصيانات اللي جاية احنا اليومين دول بنعمل تغيير زيت وفلتر بس بندفع 800 امال لو صيانة فيها تغيير لقطع هندفع كام؟!
===========
علي الهامش بحيث نستفيد من بعض (وده طبعا بعد اذن صاحب الموضوع)
1- كانوا عايزين يغيروا الزيت موبيل 1 تركيز 5w50 قولتلهم لا واتخنقت لغاية لما خلتهم يحطوا زيت 5w30
السؤال هنا لو كانوا حطوا 5w50 كان هيكون ليه تاثير غلط علي الموتور او ايه وجه التاثير؟
معظم العربيات الحديثه بيبقي ادائها افضل مع 5w30 بس التوكيلات قدامها 10 سنين علي ما تعرف المعلومة دي ... انا برده عملت حوار عشان يرضي يحط 5w30 في الصيانة اللي فاتت
2- فيه صوت نعرة بسيطة لما بجيب الفتيس علي r هو حاجه بسيطه ولما بجيب الفتيس علي D وبجي اتحرك بسمع نفس صوت النعرة علي بسيط (هو مش صوت كبير بس ملموس لي وبستفسر بحيث اطمن لان طلبت منهم يشوفوه قالولي عادي)
3- لصاحب الموضوع فرامل الكروز ملهاش رجلاش لانها بتعمل رجلاش اتوماتيك ليها
انا حاسس انها وطيت شوية بصراحه
4- سالتهم عن فلتر البنزين قالولي الكروز ملهاش فلتر بنزين وليها حاجه شبيهة بالفلتر او فلتر بس مش بيتغير الا مع الطرمبة نفسها - الخلاصة ملهاش فلتر بنزين بيتغير هل الكلام ده صحيح؟
99% صحيح
5- ايه افضل مركز خدمة او توكيل لمنصور فيها مهندسين كويسين في الفحص والفهم للمشاكل والقدرة علي حلها ولهم خبرة في تغيير زيت وبتاخد كام لتر وتغيير زيت الفتيس يعني خدمة كويسه ومميزة وسعر مصنعية معقول
عندي نفس السؤال ... حاليا غيار الزيت و تربيط العفشه ممكن في اي مكان لكن قدام هنحتاج مكان اللي شغالين فيه فاهمين و هم قلة في توكيل شيفروليه
منتظرين الافادة وشاكر فضلكم