احذروا ... Xxx ريد بول xxx

**ozy77** · 10-01-2015 04:32 PM

اللى هقوله ده مجرد نصيحة وكل شخص حر يعمل اللى هو عايزه ... اللى هقوله ده حصل معايا شخصيا ولا سمعت بيه ولا حد حكاهولى ....

بعد يوم متعب من تمرين كرة القدم ولف ف الشارع حسيت ان رجلى خلاص مش قادرة تشيلنى قلت اجيب ريد بول مشروب الطاقة يساعدنى اكمل لحد البيت ومن غير حلفان بمجرد ما خلصت الكنزاية بتاعة المشروب ما حستش باى تعب ف رجلى او بمعنى اصح ماحستش انى ماشى اصلا واكنى طاير وبمجرد ما شفت السرير اترميت عليه وماحسيتش باى حاجة غير تانى يوم وده ابلنسبة لطبيعتى شئ غريب جدا ... شكيت ف الامر وقلت ادور ف النت اشوف ايه ريد بول العجيب ده ... والمفاجاة لقيته بيحتوى ع نسبة كحول ومش نسبة قليلة واتمنع ف الكويت والامارات ودول عربية تانية و السويد حذرت المواطنين منه ( يعنى قالتلم بالبلدى كده اللى عايز يشرب اهو عنده بس ماتجيش تشتكى ) وطبعا ما حصلش كل ده علشان فيه كحول بس لا ده طلع ليه اضرار تانية بس اتمنع واتحذر منه لان مكتوب عليه انه خالى من الكحول وطلع انه العكس .... ومن غير فشخرة ولا تعالى انا مش دماغى خفيفة بتاتا يعنى الحمد لله ولا خمرة ولا اى مخدر ولا برشام يلثر فيا بسهولة او بجرعة بسيطة ( عن تجربة ) ... فمعنى ان يحصلى كده بمجرد ما اشرب ازازة واحدة بس يبقى الحكاية مش مجرد نسبة بسيطة ... واللى عايز يتاكد يدور ع النت او حتى ممكن يشترى علبة ويدويها تتحلل ... انا قلت اعمل اللى عليا واخلص ذمتى من ربنا .... اعتذر ع الاطالة

**mk3** · 10-01-2015 04:37 PM

مش فاهم اكنى طاير كنايه عن تخفيف التعب ولا مكنتش حاسس برجلك

**Hacker5** · 10-01-2015 04:44 PM

اكيد كنت طاير عشان بيعطيك جوانج :d

**شاهين - بنز** · 10-01-2015 04:50 PM

شكرا على النصيحة مع إن أسلوبك عنيف شوية
لكن الريدبول لم يمنع في الكويت ولا الإمارات ولا يحتوي على كحل وتم التأكد من الكلام ده .

**Secret-Man** · 10-01-2015 06:10 PM

موجود فى الامارات ياعم وكل الدول العربيه وانواع تانيه كمان مش موجوده فى مصر بتتباع بنفس المكونات

**MTAK** · 10-01-2015 06:27 PM

الفكره فيه انه يحتوى على نسبه عاليه جدا من الكافيين و السكر

و لو اى واحد شاف اى علبه له هيلاقى كميه تحذيرات مكتوبه عن موانع استخدامه لافراد معينه

**Anaslbda** · 10-01-2015 09:35 PM

يااااه.
احنا في 2015 يا جماعة,
2007 عدّت من زماااان.

**SoFiMaN** · 10-01-2015 10:27 PM

حضرتك خد Sting مشروب طاقة جديد مصري من شركة بيبسي هو يعتبر نفس المكونات بس كميات اقل كتير .. طبعا مش هتحس بنفس الراحة لكن معقول.

**Mohab.Nabil** · 11-01-2015 12:03 AM

يا جماعة بلاش كلام من غير ادلة

لو المشروب فيه كحول هيتقال عليه فيه كحول .. هما مش هيتكسفوا يعنى

اساسا كل الماركات معمولة اصلا للاسواق الاجنبية و عادى جدا ان اى مشروب يبقى فيه كحول و مفيش شركة تتكسف انها تكتب ان مشروبها فيه كحول لأنه حاجة قانونية و عادية .. ازايز الخمور و كانات البيرة بتتباع جمب العصاير و المشروبات الغازية عادى فى اى سوبر ماركت فى الدول الاجنبية فمفيش اى سبب يخليه ميكتبش انها تحتوى على خمور غير ان الرقابة فى الدول الاجنبية غير مصر يعنى لو فيه نسبة كحول و مش مكتوب هيتمنع من الاسواق على طول و ريد بول مش لسه معمول امبارح و الناس اتفاجأت يعنى .. ده مشروب بقاله فترة كبيرة و بصراحة انا شفته فى دول اوروبية كتيرة جدا و مفيش اى حاجة من التحذيرات او المنع اللى بتقولوا عليه .. و اى حاجة الزيادة منها بتضر و مش مفيدة

الموضوع: احذروا ... Xxx ريد بول xxx

LinkBack

أدوات الموضوع

عرض

-

-

-

-

-

المواضيع المتشابهه

احذروا

احذروا السرقة

احذروا بنك المشرق

احذروا ..... احترسوا

احذروا من الرادار

الكلمات الدلالية لهذا الموضوع

المفضلات

المفضلات

ضوابط المشاركة