عربيتى ستروين ax 95 بتتعبنى الصبح ف الدوار
عربيتى ستروين ax موديل95 كويسة جدا معاية سحب وسرعة وثبات لكن بطلع عينى الصبح وهى نايمة عقبال ما تسخن. العيب كالاتى... اول ما آجى اشغلها الصبح تلقط مارش عادى وتسمع صوت الموتور ثانية واحدة او أقل وتبطل لوحدها وهى ممورة حتى لما تسندها بنزين (تكارك) سواء قبل المارش او معاه او بعده ما تنطق برده تبطل مع انى دايس ببنزين تلتقى الموتور بيعلى وبعدين يهبط تانى لوحدو لغاية ماتبطل كل دا مع انى بدوس بنزين وافضل اكرر الحكاية دى
لغاية ما تشتغل بعد خمس او ست مرات وكل شوية العيب دا يزيد.. قالولى عيب كاربراتير رحت للراجل بتاع شبرا نظفه وغير باب وجلب والعيب زى ماهو مع العلم العيب دا لما تركن العربية فترة طويلة اكتر من اربع ساعات مثلا اما لما تكون العربية لسة سخنة تشتغل علطول وتسندلها بنزين وتعلى معاك عادى ولا كأن فيه حاجة انا احترت ومش لاقى حد يدلنى صح علما بأنى لسه خبرتى قليلة ف العربيات وسواق جديد. وشكراا جدا
