المصرية للاتصالات قرفتنا فى التليفون و الانترنت

**ahmadalsattar** · 10-01-2015 07:35 PM

من شهر فصلوا الحراره عنى و قالو حنغير الى كابلات الفايبر المهم رقم التليفون اتغير و يادوب وصلت الحراره من يومين و لمبة ال adsl نورت لكن النت لم يشتغل و ليهم يومين بتوع تى اى داتا يقولولى لما الشركة المصريه تبلغنا علشان نحولك حسابك على الرقم الجديد ... و نديلك يوزر و باسورد جداد . و عمار يا مصر ...

**naser_56** · 10-01-2015 10:37 PM

حصل عندي نفس الموضوع وغيرو الكابلات فايبر ولكن المده حوالي ٢٠ يوم واشتغل التليفون وبعد يومين رجع الانترنت ولكن علي نفس اليوزر القديم

SS · 10-01-2015 10:44 PM

جرب تقدم على اشتراك جديد....على الرقم الجديد

**homme49** · 10-01-2015 10:52 PM

ما حدث معى فى 26 أكتوبر 2014 عكس ما يحدث معك الآن فقد فصلت شركة تى إى داتا خط النت الخاص بى بحجة أن رقمى سوف يتم تغييره فاتصلت بهم عشرات المرات خلال يومين متتاليين و كان الرد : هات لنا جواب من المصرية للإنصالات أن رقمك لن يتغير حتى إقتنع أحدهم بعد 48 ساعة من المحاولات أن رقمى الذى أتصل بهم منه لن يتغير قبل 15 يوم يوما كما أخبرنى السنترال التابع له رقم تليفونى - و أعاد لى الخدمة خاصة بعدما إقتنع أن إشتراكى مدفوع لمدة شهر مسبقا .
و إستمر الوضع على ما هو علي قديمه يعمل بصورة طبيعية إلى أن قام السنترال فى 2 ديسمبر 2014 بتغيير رقم الخط الخاص بى .
بما يعنى أن الفترة من 26 أكتوبر 2014 حتى 2 ديسمبر 2014 و المدفوع إشتراكها إلى تى إى داتا كانت ستبقى منفصلة الخدمة لو لم أذن عليهم باستمرار فى قسم خدمة العملاء فى تى إى داتا .