حكايتي مع ال dsg

**boody2** · 10-01-2015 07:35 PM

يا جماعة انا بكتب دفاعا عن ماركة و توكيل و فتيس الناس ظالمينهم....انا عندي جيتا 2011 و يوم الثلاثاء الساعة 7 وقفت مني في عباس العقاد..لا حس و لا خبر و كتبت علي الشاشة transnmition hot pls stop و رحت زي الشاطر كلمت ونش في عز البرد شحن العربية لحد البيت في المعادي....يوم الخميس نفس الونش شحن العربيه من البيت للتوكيل في ابو رواش...دخلت و حكيت قصتي ...طلبوا من انتظر في الاستراحة...كنت مستعجل ..قلتلهم العربيه عندكوا وقت متخلصوها كلموني...رحت شغلي و اخر النهار كلموني و قالوا ميعرفوش فيها ايه و بعتوا لالمانيا و مستنيين الرد...يوم الجمعة كلموني الساعة 4 وقالولي العربيه غيرت mechatronic وكله تمام ...تعالي بكرة الصبح استلم...رحت 9 الصبح استلم...مشيت الساعة 9.1 ومعايا العربية و مدفعتش نكله غير 10 جنيه للراجل الي جابلي العربيه...

حقا شكرا فولكس و شكرا للتوكيل ولا داعي نهائي للقلق من الDSG

**elkorany** · 10-01-2015 07:48 PM

وحضرتك دفعت كام للونش
والمشكلة الأكبر
لما تطلع من الضمان
والأسوء لما تكون بعيد عن التوكيل
والأكثر سوءا لما تعطل منك وانت فى حته مقطوعة
ويا سلام لو معاك الأسرة

مش بهاجم حضرتك
انا نفسى اشترى واحدة منهم
بس انا بفكر بصوت عالى مع حضرتك

**molla** · 10-01-2015 07:56 PM

يا باشا و لما تقف بيا العربيه في عز البرد و اقعد كام يوم بروح شغلي من غير عربية ده كويس و لما ابقي راكب عربية المفروض حاجة عاليه و موديل حديث و تقف بيا ده كويس ؟؟ و افرد واخد اجازة كام يوم بالعافيه و العربيه عملتها و ضربتلي الاجازة هعمل ايه ، هوة فتيس غير عملي في مصر و مش معمول انه يستحمل الزحمة

**ENG.MaRk** · 10-01-2015 08:00 PM

أحييك علي كلامك ... فيه مفاجأة سارة هتفرح كل ملاك الفتيس الجبار ده و هأكتب عنها موضوع قريب جداً و هو عبارة عن Software جديد و باقي التفاصيل إن شاء الله هتعرفوها في الموضوع نفسه

**boody2** · 10-01-2015 09:01 PM

اولا العربية بره الضمان من سنة....ثانيا...اي عربية في الدنيا معرضه انها تقف في اي وقت...ثالثا مش مهم دفعت للونش كام ...المهم ان التوكيل ما اعترضشي و مخدش مني و لا تعريفة و العربيه ما شاء الله قعدت عندهم يوم...يا جماعة متعقدوش الدنيا...العرببة حلوة...لو حد قلقان ان العربية تقف بلاش منها....

**mo7a_mo7a** · 10-01-2015 09:58 PM

هو كده حلو؟

ازاي يعني مش فاهم؟

يعني علشان اتاكد
حضرتك بتقول ان عربية موديل 2011 تمنها جديدة دلوقتي يعدي 200 الف بعد 3 سنوات استخدام باظ الفتيس بتاعها وغيرت ميكاترونكس كاملة في التوكيل مجانا وان ده ميزة وحاجة كويسة!

طب ايه رايك في عربية موديل 2000 مثلا وفتيسها لسة سليم وبدون الحاجة لاصلاحات واوتوماتيك بردو زي اللانسر والتيوتا وغيره

طب ايه الميزة؟ فرق تكنولوجيا وتسارع ؟؟؟ طب ايه الفايدة اني اخد الحجات دي وافقد الاعتمادية واعطالي تكتر وتكاليف تشغيلي تزيد؟؟

خد بالك ان معاملة توكيل فولكس ليك مش حيلاقيقها كل الناس او عربيات تانية فيها dsg زي سكودا واودي وسيات

تحياتي ي

**monamize4** · 11-01-2015 12:03 AM

و الناس اللى مش ساكنين ف القاهرة يعملوا ايه ؟!!
يعنى اللى يبوظ منه الفتيس و هو ساكن ف قنا ,, يبقى ايه وضعه ؟!!
و حتى اللى ساكن ف القاهرة ,, برضه مش ناقص عطلة