جديد فى السواقة أجيب فيلشيا ولا 128 أتعلم عليها

**زكى63** · 10-01-2015 09:44 PM

أنا عضو جديد معاكم وأتشرف للانضمام عليكم / عايز اجيب عربية فيلشيا !!! لكنى جديد فى السواقة وخايف أخبط بالعربية الفيلشيا / بافكر أجيب عربية 128 فى حدود 10 - 12 الف اتعلم عليها كويس واهضم السواقة واتقنها وبعدين اشترى الفيلشيا اللى نفسى فيها !!! ما رأيكم !؟ هل هذا تفكير سليم / ماخاب من استشار / وأعتذر عن التطويل ...

**mo7a_mo7a** · 10-01-2015 10:09 PM

فيلشيا

**Kirolos Edward** · 10-01-2015 11:03 PM

اشتري الفيلشيا علي طول

**زكى63** · 10-01-2015 11:14 PM

اشكرك على الرد اخى ادوارد بس خايف أخبط بيها وأنا بطبيعتى بحب أحافظ ع الحاجة

**Kirolos Edward** · 11-01-2015 12:44 AM

اي عربية هاتتخبط انت بس في الاول امشي براحة و ركز كويس و دايماً تبقي شايف ابعادها في الاول بس و هاتبقي تمام و كدا كدا الفيلشيا مش كبيرة

**AYMAN616** · 11-01-2015 06:26 AM

أخى الفاضل ٠٠٠٠ أنا كنت جبت فليشيا من تسعة أشهر و إتعلمت عليها و الحمد لله الدنيا زى الفل و بسافر بيها كتير ٠٠ أهم حاجة اللى يعلمك يكون فاهم أصول السواقة و عنده طولة بال و انت بمجرد ما بتبتدى تمشى بالعربية و تتجرأ خلاص ٠٠٠ أهم حاجة تتعلم فى مكان واسع علشان تعرف تجيب الغيارات براحتك ٠
بالنسبة بقى الخبط و الذى منه ٠٠٠ إنت ممكن تكون سواق و زى الفل بس فيه لمؤخذة شوية ٠٠٠٠٠ وخدين الدنيا عافية فانت لو راكب ايه حيخبطك ٠ أهم حاجة إتعلم واحده واحده دايما تخليك فى اليمين فى الاول و دايما و انت ماشى مشغل الانتظار علشان محدش يجى نحيتك ٠
الاهم بقى لو كان نصيبك فى الفليشيا المنتدى هنا فيه ناس محترفين فى الفليشيا و يسعدوك فى اى مشكلة تقابلك اول باول و يتابعوا معاك حتى تحل المشكلة٠
بالتوفيق إن شاء الله

**زكى63** · 11-01-2015 12:56 PM

شكرا أخى أيمن على الرد ونصائحك وان شاء الله فيلشيا .. وشكرا للمرة الثانية للأخ ادوارد

**أحمد جودة** · 14-01-2015 01:49 AM

المشاركة الأصلية كتبت بواسطة زكى63

أنا عضو جديد معاكم وأتشرف للانضمام عليكم / عايز اجيب عربية فيلشيا !!! لكنى جديد فى السواقة وخايف أخبط بالعربية الفيلشيا / بافكر أجيب عربية 128 فى حدود 10 - 12 الف اتعلم عليها كويس واهضم السواقة واتقنها وبعدين اشترى الفيلشيا اللى نفسى فيها !!! ما رأيكم !؟ هل هذا تفكير سليم / ماخاب من استشار / وأعتذر عن التطويل ...

اخي العزيز انا كنت زي حضرتك وفضلت الفليشيا اتعلمت عليها وسافرت وجريب بيها وبعد استعمال اكتر من سنة قلبي ماطوعنيش روحت للميكانيكي يربط عفشة قاللي العفشة تمام ياباشا كأنك ممشتش بيها اكيد اانتا عارف ان ال80 مع كل مطلب للخلف دووووور تربيط عفشة ولاذي منه

توكل على الله دي وجهة نظري