S×4 2015

**mody basha** · 10-01-2015 10:38 PM

تحياتى لمحبى سوزوكي، أوضح لكم انى أقدمت ولأول مرة فى حياتى على شراء S×4 S CROOS واستلمتها فى أكتوبر الماضى عربية ناعمة جدا واسعة تأخذ 5 أفراد مستريح ثابتة على السرعات العالية تتوفر فيها اوبشن كتيرة:
1- الزينون الأصلى عالى وواطى
2- الليد بالفوانيس الأمامية+فوج لايت
3- مثبت ومحدد سرعة
4- اتوماتيك 5 سرعات
5- CD+USB+كاسيت نقى الصوت+6 سماعات
6- مرايات ضم كهربائية وبها الإشارات
7- حساسات مطر واضاءة Follow me
8- جنوط اسبور 16 بوصة
9- حساسات ركن أمامية وخلفية
10- مراية الصالون تعتيم اتوماتيك
11- السيارة مواصفات ياباني تقفيل مجرى بشياكة التقفيل الأوروبى وده من الأسباب اللى خلاني أفكر فيها واقتنى هذه السيارة رغم أن سعرها عالى 185000 جم ولكن بخبرة يبانى وتقفيل المجر .أى سؤال انا تحت أمركم.

**Dr_Smart** · 11-01-2015 12:50 AM

ربنا يباركلك فيها عربيه ممتازة

بس تصحيح الفتيس cvt مش ٥ سرعات ولا ايه ؟

واخبار عفشتها ايه معاك ؟

**Hany A.moniem** · 11-01-2015 01:12 AM

المشاركة الأصلية كتبت بواسطة mody basha

تحياتى لمحبى سوزوكي، أوضح لكم انى أقدمت ولأول مرة فى حياتى على شراء s×4 s croos واستلمتها فى أكتوبر الماضى عربية ناعمة جدا واسعة تأخذ 5 أفراد مستريح ثابتة على السرعات العالية تتوفر فيها اوبشن كتيرة:
1- الزينون الأصلى عالى وواطى
2- الليد بالفوانيس الأمامية+فوج لايت
3- مثبت ومحدد سرعة
4- اتوماتيك 5 سرعات
5- cd+usb+كاسيت نقى الصوت+6 سماعات
6- مرايات ضم كهربائية وبها الإشارات
7- حساسات مطر واضاءة follow me
8- جنوط اسبور 16 بوصة
9- حساسات ركن أمامية وخلفية
10- مراية الصالون تعتيم اتوماتيك
11- السيارة مواصفات ياباني تقفيل مجرى بشياكة التقفيل الأوروبى وده من الأسباب اللى خلاني أفكر فيها واقتنى هذه السيارة رغم أن سعرها عالى 185000 جم ولكن بخبرة يبانى وتقفيل المجر .أى سؤال انا تحت أمركم.

يا برنس الليالي يا رمانة الميزان .... فينك من زمان
اولا الف مبروك ربنا يديك خيرها و يكفيك شرها.... معلش اصل انا محتار جدا في العربية دي. عاجباني جدا و كنت بسأل ايهما افضل هيا ولا الكارينز أول فئة و كانت اغلب الردود في صالح السوزوكي الكروس
قلقي كان ان مفيش معلومات عن حد معاه العربية دي. بصراحة انت جيت في وقتك.

عندي حبة أسئلة اتمنى الاقي اجابات ليها عندك عشان نفسي اجيبها و مرتاحلها جدا
١. ايه اخبار العزل بتاع العربية... في الريفيوهات بتاعتها برة بيقولو الموتور صوته عالي على ال ار بي ام العالي و فيه صوت للهواء والطريق على السر عات بتاعت السفر.

٢. هل العفشة ناعمة ولا بترزع (في فواصل الكباري مثلا) بسبب انها تورشن بيم؟

٣. اخبار الصيانات و توافر واسعار قطع الغيار ايه، و اخبار التوكيل ايه؟

٤. اخبار الثبات على الطريق عامة؟ و كمان في المطر والجو اللي احنا فيه ده؟

٥. استهلاك البنزين في المدينة و على طرق السفر.

٦. وصلت بيها ل كام كيلو لحد دلوقتي

معلش تقلت عليك في الاسئلة :)

**mody basha** · 11-01-2015 11:42 AM

تحياتى هانى بيه العربية ناعمة جداً العزل ممتاز صوت الموتور هادى جداً بالنسبة للعفشة رياضية الرزع بسيط لو استعملت النيتروجين ، عملت صيانة 1000 كم فى التوكيل فرع الهايكستب معقولين نوعا ما، قطع الغيار متوافرة على حسب كلام التوكيل ، الثبات ممتازة فى الملفات ، موفرة فى استهلاك البنزين، عملت 3000 كم مشاء الله أنصحك بشرائها سريعا قبل زيادة سعرها حسب كلام التوكيل وهى احسن بكتتير من الكارينز انا ركبت الكارينز ما عجبتنيش عربية كورى غير متوافر بها المواصفات الأوربية نسيت اقولك فيها اوبشن خطير وهو الثبات الالكترونى esp وده مش متوافر فى عربيات كتيير من نفس الفئة.

**manny3000** · 20-01-2015 09:30 PM

انا شفتها وركبتها فى التوكيل بتاعها اللى فى الدقى و سؤالى ارتفاعها عن الأرض اوطى من البريليانس و السبورتاج فمع ركوب 5 افراد و مطبات البلد الغريبة هل العربية بتخبط من تحت و سؤالى التانى تجميعها فى السرعات معاك عامل ايه - و هل فى التوكيل عندهم bluetooth ليها بيركبوه عشان قالى اى حاجة توصلها بره التوكيل بيلغى الضمان

**mody basha** · 21-01-2015 12:58 PM

العربية ارتفاعها عن الأرض 17 سم وانا شخصيا ركبت 5 أفراد معى ممتازة فى المطبات الصناعية وعالية ولا يوجد احتكاك من أسفل التجميع فوق الممتاز مع النعومية لا يوجد بالسيارة bluetooth والتوكيل للأسف ما عندوش بلوتوث محترم كلها أنواع رديئة وطبعاً المقولة المشهورة للتوكيلات عموماً لو ركبت أى حاجة برا الضمان يلغى تحياتى.

**Mohamed.Ramah** · 21-01-2015 03:22 PM

اولاً مبرووك العربية ركبتها جميلة جداً وفيها مميزات كثيرة ربنا يباركلك فيها ، ياريت حضرتك تنقلنا تجربتك مع التوكيل كصيانة وتوفر قطع غيار وشكراً

**profimh** · 22-01-2015 01:30 AM

الف الف مبروك ربنا يباركلك فيها و يهنيك بيها
ان ليا سؤال هى العربية 4x4 و لا جر امامى بس
و يا ريت لو امكن متبخلش علينا بشوية صور لايف
و متنسناش فى تقرير مطول فى اول فرصة لانى بصراحة بفكر فيها

**mody basha** · 22-01-2015 01:25 PM

المشاركة الأصلية كتبت بواسطة profimh

الف الف مبروك ربنا يباركلك فيها و يهنيك بيها
ان ليا سؤال هى العربية 4x4 و لا جر امامى بس
و يا ريت لو امكن متبخلش علينا بشوية صور لايف
و متنسناش فى تقرير مطول فى اول فرصة لانى بصراحة بفكر فيها

الله يبارك فيك ، السيارة جر امامى ولكن اول قطعة نزلت مصر فى معرض الفورميلا 2014 كانت 4× 4 فعلا ولكن عند الحجز قالوا الحقيقة لو نزلت 4× 4 هيوصل سعرها 220 الف جنية ومش هتتباع .اوعدك انى هانزل صور لايف. بس لو عجباك اتكل على الله واشتريها عربية فوق الممتازة واسعة من الداخل وممتعة فى السواقة.