عرض للطباعة
اعتقدنا يومآ ان الهامر هى اقوي سياره بما انها اصلأ صممت للجيش الامريكى ثم طلب الممثل الامريكى ارنولد بنسخه للأستخدام المدنى فكانت البدايه للهمر وابهارنا بالحجم والقدرات فماذا لو تم تحويل سياره حربيه مضاده للرصاص وحتى الألغام؟؟ مقطع ممتع بالفعل لأول مره اري الهمر مثل لعب الأطفال وما ادرانا ربما يومأ نراها فى شوارعنا ..
[youtube]https://www.youtube.com/watch?v=cDoRmT0iRic[/youtube]
على ما اتذكر كان سعرها 250 الف دولار .... و المصنع فى جنوب افريقيا ... و عربية تعقد
فعلآ المصنع فى جنوب افريقيا والاختبارات كانت في جنوب افريقيا وده ﻷنها مستعمره انجليزي بس ايه رأيك انسب عربيه لمصر :shine[1]:اقتباس:
المشاركة الأصلية كتبت بواسطة ahmed_eng2001
انا فكرت فعلا ... ليه مفيش مصنع يتنج حاجة زى كدة للاستعمال غير العسكرى ... اعتقد ده ممكن يكون شاسيه عربية نصف نقل ... زى مرسيدس مثلا ... و يتركب عليها اكس امامى ... و من غير دروع الحديد الكتير الى فى باطن العربية
و تبقى عربية سفارى !!
الرانجلر والفورتشنر شاسيهات محترمه زي بتاعة النقل والفرونتيرا برضو انا بفكر اعمل حاجه كده على شاسيه من دول:shine[1]:اقتباس:
المشاركة الأصلية كتبت بواسطة ahmed_eng2001
اتكل على الله ...
زميلنا مينا كان عامل حاجة زى كدة على عربية رانجلر ... و كان مسقط موتور ديزل و مركب 2 تانك سولار
و يقال ان شاسيهات الرانجلر كلها شبه بعض ... ما عدا الشكل الجديد .. الشاسيه مختلف شوية
بس حضرتك حتقابل شوية مشاكل فى المرور ... و تقفيل العربية مش حيطلع زى ما انت عاوز
فاكر قصة مينا بس الديزل مش فدماغى انا بفكر فكلو يكون اصلى وشاسيهات الرانجلر مش زي من 2000 العفشه الاماميه بقت كوبايه مش ورق خارج من الشاسيه زى القديمه المصرى فبالطبع مينفعش تعديل بيبقى عك لنا بفكر فى كابينه كامله وانقلها فى المرور عادي بجواب فحص واحلال من عايز استفيد بالكماليات الجديده انا مشكلتي بدخل فى اماكن كارثيه محتاجه شاسيه بمعنى الكلمه اكتر ما تك ن محتاجه دفع رباعى بس اماكن صخريه ده غير الاماكن الزراعيه ضيف على ده اني بحتاج انقل اوزان ومعايا الاكس تريل اخرها تنقل نص طن فى الشنطه لكن لو رانجلر او عربيه شاسيه وعفشه ورقى ورا حمل ولا يهمك دبابه :cat06: وضيف على ده لو عندك قاطره صغيره ده تشيل فيها فوق ال 2 طن عادي يا مسهل هتكون تجربه بس افضلهااقتباس:
المشاركة الأصلية كتبت بواسطة ahmed_eng2001
اعتقد و الله اعلم ... ان مشكلة حضرتك زى اغلب مشكلاتنا ... عاوز عربية بتاعة شغل و فى نفس الوقت عربية ركوب
الاكس تريل عربية ركوب .. و خسارة تبهدلها ... الرانجلر و الويلز القديم عربية شقى ... بس مش بتاعة ركوب خالص
بعض الاقتراحات لحضرتك .... اللاند كروزر التعلبة ... بتاعة السفارى .. فى رينج 120 الف جنيه ... و حمارة شغل
الرانجلر القديم ... الشاسيه الوسط او الطويل ... متجربة و عربية شغل
البليزر القديم ( عزيزة ) حمالة اسية ... انا كنت بشيل 350 كيلو فى الشنطة و الفتيس كان فيه مشاكل ... و مكنتش بتقول لأ .... بس 8 سلندر و مش مريحة خالص
اقتراح غريب شوية .... الجيب الروسى القديم و الاولجا ... سيارات لا تزال تعمل ... بس مش مريحة
عربية مينا كانت جيدة جدا ... يعيبها انها الشاسيه القصير .. الموتور الديزل صوته كان واطى .... و بعد فترة حضرتك بتتعود على صوته و حمال اسية .... تحميل و جر مش حيقول لأ
الى حضرتك بتفكر فيه صعب شوية ... و حياخد وقت و مجهود .. انوى العزم و اتكل على الله ... و لو عاوز مساعدة انا تحت امرك
دى البليزر ... و زيها الفورد برونكو و الدودج رام القديم
http://7rea.com/d/142122667661.jpg
و دى صور الجيب الروسى ... انا بتلخبط فى اساميهم
http://7rea.com/d/1421226676632.jpg
http://7rea.com/d/1421226676683.jpg
أنا كانت أمنية عندى زمان إنى أجيب لاندروفر ديفندر ١١٠ واعدلها بموتور الجيب ال ٤٠٠٠ سي سي لو ينفع يركب فيها واعمل شكلها زى اللاندروفر بتاعة فيلم tomb raider اللى كانت بتركبها انجلينا جولى لدرجة ان مبيعات العربيات دى زادت بعد الفيلم والشركات بتاعة الاكسسوارات بقت تنزل اكسسوارات تحويل الديفندر ل tomb raider :)اقتباس:
المشاركة الأصلية كتبت بواسطة احمد فهمى
بس بالنسبة ليك حاتنفعك اكتر الشاسية الاطول الديفندر ١٣٠ لانها بتشيل زى مانت عاوز . واحلى عربية شاسيها معمر ويتحمل معاك اى تعديلات اللاندروفر- بدليل انهم عملوا احصائية لاكتر عربيات دفع رباعى شغالة للان لقوا ان ٧٠٪ من اللاندروفر شغالة لغاية دلوقتى على مستوى العالم والمركز التانى كان بعيد عن الرقم ده .
( اللاندروفر الديفندر بينسبوها للمسافة بين الاكس الامامى والاكس الخلفى بالبوصة واشهر الطرازات ال ٩٠ وال ١١٠ وال ١٣٠ )
الحمرا دى اسمها جاز ٦٩ واللى تحتها اسمها ايواز ٤٦٩. :)اقتباس:
المشاركة الأصلية كتبت بواسطة ahmed_eng2001
الله ينور عليك :) و منكم نستفيد :3_3_102[1]:اقتباس:
المشاركة الأصلية كتبت بواسطة م/أحمد عبد الفتاح
http://nileup.com/up/uploads/nilemotors_14212457851.jpg
هل دى اقدم لاند روفر
والموديل ده اسمه ايه
وهل له قطع غيار وعملى
ولا انتهى زمنه
؟
الموديل ده إسمه land rover lll وكان بينتج من سنة ١٩٧١ إلى سنة ١٩٨٥اقتباس:
المشاركة الأصلية كتبت بواسطة abokoko
أقدم موديل كان ١٩٤٨ حتى ١٩٥٨ وإسمه Land Rover l
http://i1383.photobucket.com/albums/...ps807ff2ac.jpg
إشارات عالإكصدام وفوانيس على الشبكة
الموديل اللى بعده Land Rover ll من سنة ١٩٥٨ حتى ١٩٦١
http://i1383.photobucket.com/albums/...ps3c063b67.jpg
اشارات طلعت لفوق فى الرفارف وبرضه الفوانيس فى الشبكة
وموديل اسمه Land Rover llA من سنة ١٩٦١ حتى ١٩٧١
http://i1383.photobucket.com/albums/...psdac7b040.jpg
الفوانيس بقت فى الرفارف بس من سنة ١٩٦٩
وموديل اسمه Land Rove lll من سنة ١٩٧١ حتى سنة ١٩٨٥
http://i1383.photobucket.com/albums/...psf9ed4709.jpg
هو هو بس الشبكة الامامية بلاستيك ومحملة
الـ ٤ موديلات اللى فاتوا كلهم مقاسين ( المسافة بين الاكس الامامى والاكس الخلفى )
مقاس ٨٨ بوصة ومقاس ١٠٩ بوصة
ومن سنة ١٩٨٣ حتى سنة ١٩٩٠ نزلوا غيروا المقاسات بقت ٣ مقاسات
مقاس ٩٠ بوصة ومقاس ١١٠ بوصة ومقاس ١٢٧ بوصة ( بيقولوا عليه ١٣٠ بوصة للتسهيل)
ومن سنة ١٩٩٠ حتى الان بينزلوا اللاندرورفر ديفندر ٩٠ و ١١٠ و١٣٠
http://i1383.photobucket.com/albums/...psdad72bf6.jpg
ملحوظة : من سنة ٢٠٠٨ ولاندروفر مملوكة لشركة تاتا الهندية :)
شكرا يا بشمهندس -- م/أحمد عبد الفتاح
يظهر ان حضرتك معجب باللاندروفر
بالنسبة لى انها اصل - الجيب
ياباشا العفو ربنا يكرمكاقتباس:
المشاركة الأصلية كتبت بواسطة ahmed_eng2001
مهندس احمد موضوع الاند روفر ده ممتاز محتاج موضوع منفصل منك مش مشاركه
بس عربيه حتى المتفجرات معرفتش تعمل معاها حاجه بس هل مستواها يوصل انها تهزر مع بلدوزر او جرار عشره(نقل تقيل)
حاضر ياباشا حاظبطه فى موضوع منفصلاقتباس:
المشاركة الأصلية كتبت بواسطة احمد فهمى