بصراحة عم حمدي رجل ما شاء الله عليه مافيش منه كتيير و الله العظيم
أستاااااااااااااااااااااا ااااذ ، فهم و مصنعية و ضمير في الشغل
محترم و اخلاق و خدوم و قنوع عن تجربة شخصية
ربنا يبارك ليه و يوسع ليه رزقه
رقم العضوية : 39162
تاريخ التسجيل : 29Apr2009
المشاركات : 10
النوع : ذكر
الاقامة : cario
السيارة: nana
السيارة[2]: nana
الحالة :
السلام عليكم ورحمة الله وبركاته ، معايا عربية كروس فوكس 2007 لسة مسقط ماتور وركبت بتاع بولو عيون 2003 الا 1400 الكلام ده كان فى ورشة تانية فى المهندسين بس تقريبا بتاعت الناس الاجانب بس بمعنى اصح الناس الامالهاش فى المكانيكا ولا العربية فيها ايه غيرنا الماتور اول غلطة كانت حساس الشكمان راكب غلط عامل رجة فى الماتور المهم اتفكت الدنيا واتركب صح خدت العربية ومشيت علشان اجربها خبط مشوار من شبرا الى المريوطية دائرى ماشى 60/80 علشان ماقرصش على الماتور وانا راجع مرة واحدة بدون مقدمات ترزيع جامد تحت فى العربية ركنت على جنمب العربية دايرة واواخدة غيار ومش عايزة تمشى كلمت المكانيكى قالى دبرياج الاسطوانة اتكسرت او بلية قفشت قولت اشوف حد يقطرنى لانها عطلت بالظبط عند نزلة المهندسين سواق تاكسى وقف بص عليها قالى الكوبلين الداخلى حل من بعضه االمسامير فكت بتاعت الكوبلين 6 مسامير لاتتعجب فانها اردة الله المهم وديت العربية للمكانيكى ربط المسامير وبدون اى تعليق منى ولا سئالت من ايه وايه الا يفك 6 مسامير لان الباشا مفكرش يتكلم مع الصنايعى الاكان شغال فى العربية اخدت العربية ومشيت وتانى يوم قررت انى اروح لحمدى اول شكوتى الفتيس كان تقيل وبيعض جدا تانى شى الاول فى العربية مكنتش بمشى عليه لانه كان بيشتم لما بمشى عليه فى زحمة كانت ماشى ع التانى على طول ثالث شى كان عندى اعتراض على عدلت الماتور الماتور مايل شمال خالص ولما سئالته قالى ده عادى وضعيته كدة غير بتاعك صوت الماتور كان عالى السحب مافيش كانت حاسس انى راكب توكتك روحت لحمدى اول شى اعترض عليه وضعيت الماتور وقالى لازم يبقى متساولى وركبلى تخشينة زاى الماسورة كدة علشان يتعلى بس قالى دى الاعندى ومش حلوة الافضل عمل عند الخراط اخدنى بعربيته وروحنا للخراط عملى الا 3 رفعات دول وركبهم وغيرت الكاوتشة بتاعت الكوبلين لانها اتقطعت وظبطلى الفتيس كتير عن الاول بس الصراحة لسة محتاج ظبط تانى بس انا الا ماردتش اكتر علشان كان خلاص الساعة 10 بس مش ها اسيبه وهاروحله ومش هامشى المرة الجاية الا لما يكون الفتيس اصفرله يدى الغيار لوحده تجربتى للعربية وانا مروح دائرى صوت الماتور واطى ماشاء الله السحب العربية كانت بتجرى لوحدها كان فيه ترزيعة من تحت كدة راحت برضه الاعجبنى باقة فى عم حمدى ان كل حاجة عملها ورنى هو بيعمل ايه من غير ما اطلب وهو الا راح معايا عند الخراط مش بعت حد وماشاء الله عنده طولت بال المهم بس ان العربية تفضل كدة وماروحش له علشان نفس الحاجات تانى بس هو قالى انسى لما نشوف ها اتابع برضك معاكم فى نفس الموضوع بعد اسبوع كدة نشوف احوال العربية وربنا يكفينا شرها ....
رقم العضوية : 89789
تاريخ التسجيل : 27Feb2011
المشاركات : 677
النوع : ذكر
الاقامة : Alexandria / Jeddah
السيارة: KIA
السيارة[2]: KIA
الحالة :
بصراحة عم حمدي رجل ما شاء الله عليه مافيش منه كتيير و الله العظيم
أستاااااااااااااااااااااا ااااذ ، فهم و مصنعية و ضمير في الشغل
محترم و اخلاق و خدوم و قنوع عن تجربة شخصية
ربنا يبارك ليه و يوسع ليه رزقه
سبحان الله و بحمده ... سبحان الله العظيم
رقم العضوية : 128
تاريخ التسجيل : 24Apr2007
المشاركات : 975
النوع : ذكر
الاقامة : cairo
السيارة: لسة ان شاء الله
السيارة[2]: bmw
دراجة بخارية: لا يوجد
الحالة :
مكانة فين عاوز اروحلو يعملي صيانة للفتيس زيت و فلتر و كدة بس انا استيرونيك شغال و لا اه
رقم العضوية : 66193
تاريخ التسجيل : 26Mar2010
المشاركات : 1,233
النوع : ذكر
الاقامة : cairo
السيارة: no
السيارة[2]: verna
دراجة بخارية: لا يوجد
الحالة :
هو شغال فى الاتوماتيك بس؟؟؟
ومكانوا فين؟
رقم العضوية : 49823
تاريخ التسجيل : 13Oct2009
المشاركات : 937
النوع : ذكر
الاقامة : مصر - ام الدنيا
السيارة: F3 2007
السيارة[2]: جولييت
الحالة :
حمدى الفنى
نزلة المعتمدية
01065229805
( ادخلوا مصر ان شاء الله امنين )
رقم العضوية : 39162
تاريخ التسجيل : 29Apr2009
المشاركات : 10
النوع : ذكر
الاقامة : cario
السيارة: nana
السيارة[2]: nana
الحالة :
انزل نزلة المعتمدية من على الدائرى ولف الملف وخش اول شارع يمين امشى فيه ها تلاقى نزلة تحت الكوبرى انزلها وكمل على طول ها تلاقى مسجد الحرمين وعلى نصية الشارع حداد لو ما عرفتش توصل خالص اسئال على بتوع الرمل وممكن تتصل بيه يوصفلك او يبعت حد يخدك
رقم العضوية : 132781
تاريخ التسجيل : 27Dec2012
المشاركات : 143
النوع : ذكر
الاقامة : الجيزة
السيارة: بى واى دى
السيارة[2]: شاهين
الحالة :
hانا متشكر لزوقكم جميعا انا عملت الصح المتور عند الاستاز احمد كان قالب لفوق اكتر من 4سنتى وده كان ماسر على الكبالن والغيارات والقواعد كانت بتخبط فبعضها حتى الفتيس كان ناقص تلت مسامير فالداير اهمهم مسمار رائيسى كان ممكن يفتح الفتيس من المتور مع الضغط على الدبرياج احنا عدلن وضع المتور من خلال 3جلب مسافة عملناهم عند الخراط وتم ضبط باقى القواعد وطول الجلبة كان 4ونص سنتى على فكرة اى شغل فالفتيس الاتوتماتك انصح بمتخصص فتيس اتوماتك ما عدا زالك انا تحت امرو
رقم العضوية : 165019
تاريخ التسجيل : 06Sep2014
المشاركات : 621
النوع : ذكر
الاقامة : المعادي
السيارة: opel vectra
السيارة[2]: peugeot 406
الحالة :
متابع
رقم العضوية : 24371
تاريخ التسجيل : 07Nov2008
المشاركات : 6,251
النوع : ذكر
الاقامة : القاهرة
السيارة: لايوجد
السيارة[2]: لايوجد
دراجة بخارية: لا يوجد
الحالة :
رقم العضوية : 19326
تاريخ التسجيل : 17Sep2008
المشاركات : 17
النوع : ذكر
الاقامة : القاهرة
السيارة: باسات
السيارة[2]: فيات
دراجة بخارية: حلاوة
الحالة :
ودي تجربتي
الأخوة الكرام .. السلام عليكم ورحمة الله ..
بعد أنقطاع فترة عن متابعة المنتدي الكريم .. يهمني أن أعرض عليكم تجربتي في السيارة البونتر بمركز راشد بالمعادي .. بما له وعليه ...
ويهمني الذكر بأن السيارة كانت متوقفة لفترة إلا أن صديقي الشاب اصر علي إخراجها من الجراج وتجهيزها وبالتالي قمنا بأدارتها واللف بها في شوارع المعادي ثم فجأة السيارة تعطلت أمام مركز راشد .. وطلب صديقي الشاب منهم الكشف علي السيارة ..........!!!!
فطلبوا أدخالها للمركز وقام بعض العمال من عندهم بزقها للداخل وكان هذا الأمر ليلا .. فأكدا بأنهما سيكشفان عليها صباحا ...
وفي الصباح أتصل المركز بصديقي وقالوا له أن السيارة لاتريد الدوران وأنهم يشكون في ان الموتور قافش وأن هناك وش سلندر .. ثم أتصل بي المركز وقال نفس الكلام .. فأكدت للمهندس بأن ظروفي الصحية لاتجعلني مستوعب مايقول لكن أعمل الصح لتدوير السيارة حتي نأخذها للعودة إلي الجراج ....!!!
وبعد يومان اتصل بي المركز وقال أنهم فتحوا الموتور .......؟؟؟؟
وقاموا بعمرة وش سلندر ..؟؟
أنا : أيوة بس حضرتك السيارة الزيت كان مضبوط ومش مختلط بالمياه ..؟
هو : مش مهم .. الموتور كان قافش واحنا فتحنا علشان نكشف ..؟
أنا : أيوة طيب دا كا مش وش سلندر .. ؟
هو : لأ حضرتك أحنا عملنا الصح ..؟
أنا : يعني أنت شايف كدة .. طيب الحساب كام .. ؟
هو : حوالي اربعة الاف جنيه ...!!!!
أنا : ليه وش سلندر باربعة تلاف .. ؟
هو : لأ أحنا غيرنا زيت وبيوجهات .. !
أنا : طيب أنتم كشفتم علي الموتور وحالتة الكبس ..
هو :لأ لما العربية تتظبط بعد ماتخدها تجربها ..!
أنا : بس المبلغ كتير ..؟
هو ممكن نعملك خصم ..؟
أنا : كام ؟
هو هنشيل مية جنيه ..
أنا : ...............................................
أنا : طيب العربية كدة تمام يعني ناخدها نسافر بيها ؟
هو : أيوة بس لسة لما نكشف علي العفشة ..
أنا طيب شوفوها .. ؟
هو : بس دي ليها حساب تاني ..! وماتقلقش هنعملك خصم ..
أنا : هبعتلك سواق ياخدها يدخلها الجراج لحد ما أسترد صحتي وأنزل أشوفها ..
هو : مفيش مشكلة بس متنساش فلوس الفاتورة ..
أنا : حاضر ...
بعد عشرة ايام ذهبت لمشاهدة السيارة في الجراج .. وجدت السيارة بتدور ولكن الموتور بدون سحب نهائية وأقصي سرعة ممكن تجيبها السيارة 40 ك .. !!!!!!!!!!
ودخلت بالسيارة عليهم وبعد الترحاب والكركدية .. السيارة الموتور مابيسحبش خالص ..
هو : أيوة أصل وش الأسبراتير عايز يتغير ...؟
أنا : طيب خرجت العربية أزاي وقلت أنها مظبوطة ..؟
هو : أنا كنت أقصد أن الموتور مظبوط ..
أنا : وازاي الموتور مظبوط ووش الأسبراتير وصباع الحرارة مش شغال ..
هو : لو عايزني أغيرهملك مفيش مشكلة .. ؟
أنا :بكام وش الأسبراتير ..؟
هو : لحظة (يذهب للعب في الكومبيوتر ) ب390 جنيه ..
أنا : أصلي ؟
هو : صيني بس علي مسؤليتنا ..!
أنا وصباع الحرارة ..؟
هو : ب900 جنيه ..!!
أنا طيب لحظة
وقمت بالأتصال بأحمد صالح في التوقيقية .. لقيت وش السبراتير ب 40 جنيه وصباع الحرارة 110 ..
أنا : طيب أنا هبعتلك الحاجة مع صديقي الشاب ..
هو : مفيش مشكلة ..
وبعد جلب البضاعة قام بالأتصال بي المهندس ..... راشد ..
هو : أيوة .. حضرتك صباع الحرارة دا مش بتاعها .. ووش الأسبراتير .. أحنا عايزين اسبراتير كامل ..
أنا : مش انت قلت عايوز وش بس ..
هو : أصل أحنا قلنا لازم نظبط العربية ...
أنا : طيب أظبطها .. بكام السبراتير ..
هو : بعد الخصم 1760 جنيه ..
أنا : ألو أحمد صالح بكام الأسبراتير كامل عندك .. ب300 جنيه .. ..
وأرسلت الأسبراتير وغيرت صوابع الحرارة مرة ثانية .. علي أمل ...!!!
وبعد تغير الأسبراتير أصر المهندس أن صباع الحرارة مش أصلي .. مش بتاعها .. مش شغال ..
أنا : طيب هات من عندك .. بس أعمل خصم ..
هو : من عينية .. بس هشوف في المخزن ..
أنا : أنا خايف تقولي غير الفانوس عشان العربية تتظبط ..!
هو : أحنا بنعمل الصح وبنراعي ربنا .. وزي ما انت شايف كل العربيات اللي عندنا باسات ....!!!
وبعد حوالي عشرة ايام قال أن صباع الحرارة مش موجود وهيكلم التوكيل يجيبه منه ...!
أنا طيب بعد اذنكم شيلوا البطارية من القواشيط عشان ماتتلفش ..
هو : حاضر .. ماتقلقش ..
وأستمر الوضع هكذا أربعون يوم ..
وأرسلت لهم السائق ..
لاحظ المهندس بفراسته أن سيارة السئق تتبع جهة ....
هو : أنت شغال في ...
السائق : أيوة ........
هو : أحنا عندنا توكيل تاتي للجيب والي بي أم لو عرفت تجيب العربيات بتاعة الجهة هنا .. هتكون مصلحة كويسة ..
السائق : ان شاء الله .. بس العربية بتاعة ال ..... دي عربيته الخاصة .. وبقالها شهرين ..
هو : هنخلصها .. وخد تليفوني وأي خدمة ..
وبعد حوار السائق أضررت بعدم أرساله هناك مرة أخري وذهبت بنفسي .. أرجوكم انا عايز العربية دلوقتي .. استني أسبوع ونجيب صباع الحرارة ..
أنا : لأ دلوقتي ... وصممت علي الدخول للورشة وشاهدت السيارة عليها طن تراب .. ثم لاحظت خبطة في أكرة الباب ,, ثم قاموا بشحن البطارية ..
أنا : هو مش أنا قلت شيلوا البطارية من القواشيط ..
هو : ماحصلش ..
أنا : يعني أنا كذاب ..
هو : البطارية مش هيحصلها حاجة أنا بركن عربيتي بالثلاث شهور والبطارية عادي بتشتغل ...
أنا : حالة الموتور سيئة ..
هو : بالعكس أحنا كشفنا عليه
أنا : مش أنت قلت ماينفعش تكشف غير وهي دايرة
هو : ساعات بينفع ننكشف من غير ماتدور
وبعد أحساسي بالقرف .. تركتهم وأنصرفت ..
هو : سوف نرسل لك السيارة للجراج ..
أنا : شكرا ..
وبعد ساعتين
هم : الو .. أحنا ودينا العربية جراج حضرتك ..
أنا : طيب العربية شغالة ..
هم : مش عارف يافندم ..
أنا : يعني أنت وديت العربية مش عارف وديتها زق ولا دورتها ..
هم : طيب هتصل بيك تاني ..
بعد خمس دقائق
هم : الو أيوة يافندم .. العربية شغالة وكله تمام .. وسبنا المفتاح مع البواب ..
وبعد يوم .. أرسلت صديقي الشاب ..
الشاب : ايوة أنا جيت .. العربية مابتدورش .. جبت كهربائي .. قال البطارية باظت .. والعمة مفكوكة ومفيش مسامير ..
وتستمر الأحداث مع مركز راشد ....
عذرا للأطالة والرغي لكن هذا ماحدث بحذافيره ..
وأدعوا الكرام أعضاء المنتدي لترشيح حد محترم في صقر قريش لتركيب صباع الحرارة ...
المفضلات