محتاج رأيكم فى سيارة مستعملة ( برايد - ريو - سيفيا )

**moftakesegy** · 11-01-2015 12:16 AM

السلام عليكم و رحمه الله و بركاته

محتاج رأيكم فى سيارة مستعملة ( برايد - ريو - سيفيا )

البرايد سيدان مو 1999
و السيفيا مو 2000
و الريو مو 2001

و المبلغ فى رينج 40000

عاوز اعرف ايهم احسن فى اسعار قطع الغيار و توافر قطع الغيار و الثبات على الطريق

هل الأختيار كدة صح ولا فية موديلات اخرى اقدر افكر فيها و تكون فى رينج المبلغ اللى معايا ؟؟

هنتظر ردكم و مساعدتكم لى

شكرا

**C. MAHMOUD** · 11-01-2015 03:55 AM

السيفيا 2 هى مو2000 او 2001افضل عربيه فى الاختيارات دى وعن تجربه وبالنسبه لقطع الغيار هى بعضها رخيص جدا ومتوفر وبعضها غالى علشان لازم تشتريه اصلى توكيل ..بالنسبه لثبات العربيه ع الطريق ممتاز استهلاك البنزين معقول صالون العربيه واسع ..بس اهم شيئ تشترى عربيه تكون حاله كويسه وبلاش موضوع تشتريها عايزه مصاريف لآن زى ما وضحت لحضرتك فى بعض قطع غيرها غاليه ولو حضرتك محتاج تعرف اى حاجه عن العربيه ممكن افيد حضرتك بنسبه كبيره عن تجربه سنتين

**pepo2011** · 11-01-2015 08:54 AM

طبعا السيفيا افضل الاختيارات وابعد عن الريو

والبرايد كويسة استهلاك وحجم وكده لكنها عربية فقيرة

**moftakesegy** · 17-01-2015 09:21 PM

شكرا لردكم بأن أركز على الكيا سيفيا

طيب أية رأيكم فى الكيا سبكترا ؟؟ هى ولا السيفيا ؟؟

**محمداللبان** · 18-01-2015 12:24 AM

البرايد قطع غيار متوفرة جدا وسعرها كويس ....السيفيا ممتازة جدا افضل من البرايد بكثير وقطع غيارها اغلى من البرايد بكتير ...ابعد عن الريو والسبكترا ....قطع غيارهم مش متوفرة وقليلة فى السوق واسعارها غالية جدا

**moftakesegy** · 25-01-2015 10:39 PM

شكرا جزيلا لردكم و ربنا يقدم اللى فية الخير

انا بنزل و بدور فى السوق على برايد او سيفيا نظيفة

ياريت تقولولى ادور على موديلات سنة كام لأن فية موديلات برايد و سيفيا ملهاش قطع غيار

**pepo2011** · 26-01-2015 07:40 AM

باشا البرايد اخرك 2002 ودا اخر موديل كوري 100%
والسيفيا 1999 - 2000

ولو حضرتك محتاج حاجة شرفني بالاتصال

**moftakesegy** · 26-01-2015 10:27 PM

ترشحلى اى انواع سيارات اخرى اقدر افكر فيها

ولا اركز فى البرايد و السيفيا ؟؟

شكرا لردك يا بيبو

**pepo2011** · 27-01-2015 07:41 AM

بص يافندم بخصوص انواع اخري طبعا في كتير لكن طالما حصرت دائرة البحث في الموديلين دول خليك فيهم هما مش وحشين طبعا بس خد باللللللك لازم تكون حالتهم نضيفة عشان ماتتعبش معاهم
ولازم تاخد معاك حد يكون بيفهم كويس اوي وامين وزي ماقلت لحضرتك قبل كده البرايد حلوة وصغيرة واقتصادية وبتجري وموفرة وحاجتها رخيصة لكن فقيرة يعني ولا اوتوماتيك ولا باور

**Ahmed Tarek 00** · 27-01-2015 10:28 PM

البرايد عربية ممتازة جدا وقطع غيارها عند البقال ...

السيفيا كانت مع والدى وطلعت عنيه وباعها بــ 40 الف الكلام ده من 5 سنين

ابعد عن الريو تماما .. عربية موش منتشره واعادة بيع سيئة للغاية ..