مشكله فى الرشاشات و صوت غريب فى الدريكسيون
مساء الخير
كانا عندى مشكلتين منفصلين كنت محتاج اراء حضراتكم فيها
انا معايا لانوس 2009 ماشيه 50 الف
من يومين كنت ماشي بيها فجاة فصلت مني المارش شغال و كل حاجه بس مش راضيه تدور
كلمت كهربائي جالى قالى كهربا الرشاشات فصلت وصلها بلدى بالبطاريه و دورت العربيه و طلعنا على الورشه
فضل تلات ساعات ماشى ورا سلوك العربيه بيدور على الفصله منين جرب الفيوزات كلها و فك ضفيره العربيه و فى الاخر اكتشف و قالى ده الخارج بتاع الكمبيوتر هو اللى فصل
عرا سلكين من الكبل اللى خارج من الكمبيوتر و وصلهم ببعض و قفل و العربيه اشتغلت
محتاج رايكم و عايز اعرف ايه حل انضف من كده لانى مش بحب موضوع التلميس و الكبارى فى العربيه ده ايه ممكن يتغير يحل الموضوع ؟؟
المشكله التانيه
انى بسمع صوت طقطقه الصبح و انا خارج بالعربيه و انا بلف الدريكسيون فى اى اتجاه و مجرد ما العربيه تبتدى تسخن الصوت بيروح
و الصوت ده مبداش يظهر غير مع بدايه الشتا
اسف على الاطاله و محتاج خبرتكم لانى ضعيف جدا فى ميكانيكا العربيات
شكرا