لكل اللي بيقول مش عاجباك مصر ليه

**أحمد كمال** · 15-01-2015 05:05 PM

انا اما رحت اندونيسيا اللي هي بلد سياحي و لقيت عاملين طابور جوازات للمواطنين فقط احترمتهم

ناس محترمة و راسها فوق و كرامتها متصانة ......

**أحمد كمال** · 16-01-2015 04:24 PM

المشاركة الأصلية كتبت بواسطة curbis

مش شرط...

داعش آعدمت صحفيين أمريكان وانجليز وفرنسيين وألمان... وحكوماتهم رفضت تدفع مليم عشانهم

وفي صحفيين محبوسين هنا كمان ومحدش منهم قادر يفتح بقه :)

والهند وباكستان طلعوا الفضاء وعندهم صواريخ باليستية عابرة للقارات وقنابل نووية وبيتعاملوا أسوأ معاملة في العالم كله.... المصري بيتعامل أحسن منه مليون مرة

والصين أكبر اقتصاد في العالم والقرن الواحد والعشرين بيسموه بره القرن الصيني.... انما العمال الصينيين بيموتوا من المعاملة اللاآدمية في مصانع أبل في الصين نفسها... ممكن تتخيل بره الصين الوضع عامل ازاي

الدنيا مش أبيض واسود.... في رمادي في النص

داعش ما فاوضتش على فلوس ...... داعش قتلت على طول اساسا ...... و اساسا الحكومات دي ما بتفاوضش ارهابيين

الصحفيين اللي هنا حكومة استراليا مش ساكتة عالاسترالي ..... حكومة كندا ساكتة لان الكندي معاه جنسية مصري و مش من حقها تتدخل في الحالة دي

الصين انا مالي و مالها دي بلد شيوعية البني ادم مالوش تمن فيها

و برضه مش ابيض و اسود بس مصر معروفة انها مش بتراعي مصالح ولادها برة مصر خالص ....... و اسال اي مغترب

**أحمد كمال** · 16-01-2015 04:30 PM

و بعدين مش فاهم وجهة نظرك ...... بتفكرني اما تلميذ فاشل بيبرر فشله لأبوه ان فيه تلامذة افشل منه

هو لازم نبص لتحت دايما؟

**Curbis** · 17-01-2015 10:26 AM

المشاركة الأصلية كتبت بواسطة أحمد كمال

و بعدين مش فاهم وجهة نظرك ...... بتفكرني اما تلميذ فاشل بيبرر فشله لأبوه ان فيه تلامذة افشل منه

هو لازم نبص لتحت دايما؟

داعش طلبت فلوس (فدية في الشريعة الاسلامية) والحكومات رفضت لأنها بتقول فعلا انها مش بتتفاوض مع ارهابيين (لكن هما ممكن يمولوهم ويدريوهم ويدوهم سلاح و لجوء سياسي عادي جدا)

في النهاية مستوى معيشة المصري ومتوسط دخله أحسن من الأندونيسي.... يعني أكيد الأندونيسي هيبقى أكتر رغبة في الهجرة لمصر من رغبة المصري في الهجرة لأندونيسيا (افتراضيا يعني لكن الواقع ان لا المصري عاوز يهاجر أندونيسيا ولا العكس)

أنا مش مختلف معاك ان مصر مش بتراعي مصالح المصريين بره نسبيا بالمقارنة بدول تانية

وموضوع المعاملة بره ده في النهاية شخصي أكتر منه متعلق بجنسية أي دولة.... يعني الهندي مش بيتعامل بشكل سيء عشان هو هندي.... لأ عشان هو مش مهم ومش معاه فلوس.... لو هو مهم ومعاه فلوس هيتعامل كويس.... ونفس الكلام بالنسبة لأي جنسية.... يعني ساويرس مصري... لكن أكيد بيتعامل أحسن من الأمريكاني والأوروبي وأي حد... لأنه مهم ومعاه فلوس

الموضوع مش تبرير الفشل.... وجهة نظري ببساطة ان واحد جاله دور برد في الشتا.... أنا بقول عادي ما كل الناس بيجيلها دور برد في الشتا.... انت واخد وجهة نظر الأم اللي هي "لو كنت لبست البلوفر التقيل زي ما قلت لك إلخ إلخ" :))

**أحمد كمال** · 17-01-2015 10:26 AM

فيه ضغط في استراليا عالحكومة لمقاطعة مصر اقتصاديا لحين الافراج عن جريست

لو ده حصل كيلو اللحمة هيتضرب في 2 ساعتها

**أحمد كمال** · 17-01-2015 10:27 AM

المشاركة الأصلية كتبت بواسطة curbis

داعش طلبت فلوس (فدية في الشريعة الاسلامية) والحكومات رفضت لأنها بتقول فعلا انها مش بتتفاوض مع ارهابيين (لكن هما ممكن يمولوهم ويدريوهم ويدوهم سلاح و لجوء سياسي عادي جدا)

في النهاية مستوى معيشة المصري ومتوسط دخله أحسن من الأندونيسي.... يعني أكيد الأندونيسي هيبقى أكتر رغبة في الهجرة لمصر من رغبة المصري في الهجرة لأندونيسيا (افتراضيا يعني لكن الواقع ان لا المصري عاوز يهاجر أندونيسيا ولا العكس)

وجهة نظري ببساطة ان واحد جاله دور برد في الشتا.... أنا بقول عادي ما كل الناس بيجيلها دور برد في الشتا.... انت واخد وجهة نظر الأم اللي هي "لو كنت لبست البلوفر التقيل زي ما قلت لك إلخ إلخ" :))

داعش ما طلبتش فدية بس ما علينا .....

انا وجهة نظري ان المفروض الحكومة المصرية و السفارات يدعموا مواطنيهم بالخارج

اسال اي مغترب مصري - بغض النظر عن توجهاته السياسية - في اي بلد عالسفارة و القنصلية المصرية و اسمع الدرر اللي هيقولهالك

الموضوع: لكل اللي بيقول مش عاجباك مصر ليه

LinkBack

أدوات الموضوع

عرض

-

-

-

-

-

المواضيع المتشابهه

اللي بيقول الجزائريين مش عرب إثبات بعلم الجينات

كل واحد يحكي عن الحادثة بتاعتوا اللي عملها أو كان راكب ورا اللي سايق أو هو اللي شافها

لوعربيتك جامدة و عاجباك حط صورها معاك وهنا

لو مش عاجباك السواقه في مصر... تحب تروح السعوديه ولا أيران ولا أمريكا ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة