مشكله في الفرامل ارجو الافاده

**HAMADA1996** · 11-01-2015 01:05 PM

السلام عليكم

المشكله بدات انيي لما بدوس فرامل البدال مش بيرجع تاني ( بيفضل دايس مع اني سبتو ) رحت للميكانيكي غير تيل و سنفر الطنبور و المشكله انتهت وقتاها (الكلام ده من فتره ) بس الي حصل انها رجعت تاني اليومين دول بس بشكل اكبر الميكانيكي قالي التيل خالصان غيرتو وطلعت اجرب لاقيت نفس المشكله رجعت الي المستر العمومي غيرتو بردوو ظبتت كام يوم و رجعت تاني بس المرادي بقا بيبقا في صوت تنفيس مستمر مع الفرامل و العجل الامامي بيتقل مع السخونيه (يعني اول مطلع بالعربيه الصبح بتبقا تمام بعد مثلن 5 دقائق تبداء تتقل ) المهم رجعتلو قال لي سيرفو عشان صوت التنفيس ده و تقالان العجل + المشكله الاساسيه

السؤال بقا ده عيب سيرفو فعلان ولا لا ؟؟
ولو سيرفو ده بيتصلح ولا لا عشان انا مش لاقيه جديد اصلان كل مسئل حد يقول لي 350 جنيه و مش موجود هاتو استعمال ؟؟

ولو في حد يعرف حد بتاع فرامل في الاسكندريه اكون شاكر ليه جداا

شكرا

**waell2007** · 12-01-2015 10:20 AM

راجع علي خراطيم الهواء اللي داخلة علي السيرفو وفيه كوعة خلف الكربراتير شوفها كويس علشان كانت عندي لما بدوس علي الفرامل علي سرعة بتعمل رجعة جامدة الكل قالي طنابير بس بالصدقة طلع الكوعة اللي خلف الكربراتير مقطوعة لفيت عليها شريط لحام واشتغلت تمام

**HAMADA1996** · 12-01-2015 05:22 PM

حراجع عليهم متشكر جدا علي اهتمامك

**HAMADA1996** · 14-01-2015 01:16 PM

طب حد يعرف محل عندو السيرفو ده جديد لان حتي الان مش موجود انا سالت عند
1- يحيي راشد
2-هوب موتورز
3-العالميه
و في الاستعمال ب 450 و مش موجود عند فينسيا
النهارده حشوف فلفل و عزاز و يا مسهل

**Hany 82** · 14-01-2015 08:20 PM

علي فكره انا جبت سيرفو استيراد مع الماستر العمومي بتاعه من عزبه سلبي في شهر 11 و خدتهم 220 جنيه .. و السيرفو لوحده كان 120 جنيه بس انا لاقيت الماستر ما يتسبش فاخدته .. لكن 450 جنيه كتير قوي ..

**waell2007** · 15-01-2015 11:20 AM

المشاركة الأصلية كتبت بواسطة Hany 82

علي فكره انا جبت سيرفو استيراد مع الماستر العمومي بتاعه من عزبه سلبي في شهر 11 و خدتهم 220 جنيه .. و السيرفو لوحده كان 120 جنيه بس انا لاقيت الماستر ما يتسبش فاخدته .. لكن 450 جنيه كتير قوي ..

عزبة شلبي

**HAMADA1996** · 17-01-2015 02:18 AM

المشكله اتي من الاسكندريه

الحمدلله حليت المشكله روحت لمتخصص فرامل صرفت بالكتير 85 جنيه وظبتلي الفرامل بصراحه

**elandlos** · 04-02-2015 03:06 PM

المشاركة الأصلية كتبت بواسطة hamada1996

الحمدلله حليت المشكله روحت لمتخصص فرامل صرفت بالكتير 85 جنيه وظبتلي الفرامل بصراحه

الف مبروك والحمد لله وياريت قلت لنا كانت ايه المشكله واتحلت ازاى وعند مين ولك جزيل الشكر حتى تكتمل الفائدة

**AHMED GEOX** · 22-01-2016 10:54 PM

فين فى الاسكندرية متخصص الفرامل ده ارجو الافادة

**HAMADA1996** · 04-02-2015 04:47 PM

بص يا باشا موضوع الفرامل ده طلع عيني بصراحه بس الحمد لله اتحل
المسكله كانت لما بدوس فرامل البدال مش بيرجع بييفضل دايس فرامل روحت لواحد بتاع فرامل في شارع 13 في 45 ظبطلي الدنيا و البدال اصبح عالي و الفرامل بقيت تمام بعد كده بشويا رجع تاني بس لما بدوس دبرياج تعمل كده لما ادوس فرامل بس متعملش كده روحت للميكانيكي غيرت بدالات ب 300 و الحمدلله بقيت كويسه