ريحة بلاستيك بيتحرق في الفيرنا موديل 2012
السلام عليكم ورحمة الله وبركاته يا شباب
معايا عربية فيرنا موديل 2012 .... امبارح وانا ماشي بيها شميت ريحة حاجه زي مايكون بلاستسك بيتحرق بس علي خفيف مش ريحة قوية في الاول افتكرت ان الريحة دي من الطريق لكن لاقيتها مابتروحش بعد شوية وقفت العربية وفتحت الكبوت وبصيت لاقيت قربة المياه مافيهاش مياه خالص الا شوية لا تذكر زي مايكون نقط مياه خضرا والريداتير طالع منه سرسوب مياه من اقصي اليمين من تحت .... رحت رايح لبتاع الريداتير فكه وكبسه كذا مرة فقالي ان فيه ماسورتين في الريداتير ضاربين عايز يلغيهم هيتكلفوا حوالي 100 جنيه ولو حبيت اركب ريداتير جديد هيبقي في حدود 350 جنيه هو هو بتاعها
المهم ركبت الجديد واتكلت علي الله بس المشكله اني بعد ماركب وحطيت مياه خضرا وكله تمام التمام برده شامم نفس الريحة لما العربية تسخن والمؤشر يطلع لمكانه الطبيعي في الوسط :Copy of majd(4):
رحت للراجل تاني بص علي الخراطيم ووبص علي كل حاجه قالي بالنسبة لي انا مش شايف حاجه غلط
قلت يمكن النهارده بس والصبح وانا رايح شغلي الاقي كل حاجه اتظبطت ولكن للاسف برده لما العربية سخنت والمؤشر رفع لمكانة الطبيعي شميت نفس الريحة اللي بتهف دي والمشكلة ان اللي بيبقي قاعد جنبي كمان بيشمها وحاسس انها جايه من جنب الباب بتاعي في اخر التابلوه والباب كده عند المفصلات
بصراحة انا مش عارف اعمل ايه والميكانيكي بتاعي لاقيته قفل الورشه وسافر والعيب نفسه عيب رخم مش واضح
فيا شباب حد فيكم عنده فكرة ممكن يكون ايه ده او علاجه ايه ؟؟؟
وشكرا مقدما واسف علي الاطالة