الموضوع: رأيكم أعملها ولا بلااااااش

طب ماتجرب أنت وتقولنا التفاصيل لأنى معتقدش أن حد هنا فى المنتدى عملها وكمان أنا كنت ناوى أعملها بس قلقت لحسن حاجه تتخربش أو مترجعش زى الأول وتفضل تزن وتجننى معاها فكبرت دماغى و ركبت الfm modulator

بس ياريت ماتنساناش و تقولنا أخبارها أيه بعد ماتركبها

المشاركة الأصلية كتبت بواسطة fat7elbab

السلام عليكم

امبارح روحت توكيل بلاوبنكت بتاع الcd اللى فى الجين تو

وسئلته على موضوع إنى أوصل mp3 بالكاسيت

فقالى إنه هيفك الكاسيت ويدخل جواه وصله

هيركبها جوه يعنى ...وبعدين هيطلع منها وصله أحطها فى الmp3على طول

والحكاية دى هتتكلف 125 جنيه

ايه رأيكم أعملها ولا بلاش ....

هو انا خايف طبعا إن حد يفتح السى دى وكده ....

بس ده التوكيل بتاع الكاسيت يعنى ....اعتقد هيكونوا فهمين

ده غير كده انا قابلت واحد فى الصيانه وقالى إنه عملها عنده

والصوت بتاعها تمام ....ومحصلش مشكله الحمدلله ...

وانا مش عايز أركب الحوار بتاع محول الfm ده ...لان الصوت مش عجبنى

فأيه رأيكم ...أروح توكيل بلاوبنكت واعملها ...ولا بلاش

ولو حد جرب الموضوع ده ياريت يقولنا على التفاصيل ....

وشكرا ياشباب

hwa msh el cassete aslan feh Aux port?!! i think enoh enta momken bas terakeb wasla mn aux dh w tshghal beh mp3 player 3ady.
kan feh mwdo3 hena f el montada byshra7 el fekra de bas msh faker fen...
es2al mr. tut f resala 3leh w howa y2olak.

انا مش هقدر افتى فى عربيتك, بس مكن اقول شوية حاجات فى الBlaupunkt لانة معايا بقالة سنتين و جربت فية كل حاجة.



دة شكل الBlaupunkt من ورا و الوصلات دية standard فى 90% منة.

الjac اللى تحت بالعرض بتاع الPower و الاريال الكهرباء و اى حاجة ليها علاقة باكهرباء.

الjac اللى فى النص بالعرض بتاع الAudio و دة فى تقسيمة ال4 سماعات.

نيجى بائة للjac اللى بالعرض فوق, دة يركب فية 3 وصلات, وصلتين للتليفون (صوت داخل و صوت طالع و لونهم عادة اصفر و اخضر) و الوصلة التالتة اللى هى اصلا بتاعة الCD-Changer (لونها عادة ازرق) و بنستعملها فى الAux-In و دية اللى انت بتشتريها و هو بيركبهالك.

فية بائة الوصلة اللى واقفة بالطول (عادة لونها احمر) عشان لو انت موصل CD-Changer و عايز توصل Aux-In غيرة تستعمل دية.

يعنى من الاخر, الBlaupunkt فية 2 Aux-In بس لازم تجيب الوصلات بتاعتهم و انت تعرف تركبهم بايدك و متخليش حد يلعب فى عربيتك و د اللى انا عملتة انى اشتريتها من برة (من سنتين الكلام دة ف مكانتش بتتباع هنا) و ركبتها بايدى.

و شكلها ممكن يبقى واحد من دول, و انا عن نفسى جايب الوصلة الاولى.

توكل على الله و القلق كله فى موضوع الخرابيش بس مادام التوكيل بتاع الكاسيت يبقى اكيد محترفين و فاهمين شغلهم و ابقى طمنا ايه الاخبار

المشاركة الأصلية كتبت بواسطة ahmed ismail

سلام عليكم

معلهش بقالى فترة متغيب بس قولت بقى كفاية استندال ولازم اخش اساعد الناس شوية عيب بقى


المهم مطولش عليك يا سيدى


انا عملت الوصلة بتاعت ال aux ديه فى توكيل بلو بانكت اللى الشارع الواصل بين ميدان سانت فاتيما وميدان الحجاز
وعملتها ب 45 جنية بس مش عارف اكيد موضوع 125 جنية ده نصب عشان انا لسه عاملها الخميس اللى قبل اللى فات

كان تمنها 45 جنية و ت ركيبها مجانا بس انا اديت خمسة جنية اللى بيركبها و هى تركيبها مش صعب خالص الواد الفنى بسم الله ما شاء الله حافظ تابلوة العربية فى دقيقتين كانت راكبة بدون اى مجهود و شغالة ميت فل و اربعتاشر وديه صورتها بالظبط

http://www9.0zz0.com/2008/11/04/09/141328538.jpg

ايه ده ياريس ...

انت متأكد إنه مابين سانت فاتيما والحجاز

أصل التوكيل اللى انا روحته بلو بانكت ده مابين الحجاز والألف مسكن

قصاد عمر أفندى الناحية التانيه

جنب جاد كده ....

فهو هو ....ولا انت قصدك كده على واحد تانى ....

المشاركة الأصلية كتبت بواسطة fat7elbab

ايه ده ياريس ...

انت متأكد إنه مابين سانت فاتيما والحجاز

أصل التوكيل اللى انا روحته بلو بانكت ده مابين الحجاز والألف مسكن

قصاد عمر أفندى الناحية التانيه

جنب جاد كده ....

فهو هو ....ولا انت قصدك كده على واحد تانى ....

هو دة المركز اليابانى و المفروض المركز الرئيسى جنب جاد الحجاز و الفرع بتاعة قبل سانت فاتيما

اعملها....