ياجماعه انا رايح اعاين عربيه ماروتي كمان ساعتين ، ياريت تقولولي علي الحاجات المهمه اللي لازم ابص واسأل عليها صاحبها وكمان اشيك علي ايه واتأكد إزاي ؟
وشكرا مقدما
عرض للطباعة
ياجماعه انا رايح اعاين عربيه ماروتي كمان ساعتين ، ياريت تقولولي علي الحاجات المهمه اللي لازم ابص واسأل عليها صاحبها وكمان اشيك علي ايه واتأكد إزاي ؟
وشكرا مقدما
خد معاك ميكانيكي تثق فيه .
شيك على جسم العربية داخليا وخارجيا .
جرب العربية خدها لفة .
موديل كام ومطلوب فيها كام ؟
وفيها اوبشن؟
في انتظار ردودكم
الشاسيه
العفشة
حالة الموتور
الأفضل تاخد العربية محطة بنزين تكشف عليها تتأكد من:
1 حالة الشاسيه
2 قوة الموتور
3 هل فيها خبطات سابقة اثرت على البودى
4 الكاوتش و البطارية هل حالتهم جديدة و ألا حتضطر تجيب كاوتش و بطارية .
5 الكماليات حالة التكييف و السنترلوك شغال و ألا لا الإزاز لو كهرباء و لو عادى تمام و ألا فيه مشكلة
6 الكاسيت شغال تمام و ألا لا
أهم حاجة تشوف العربية بالنهار بالليل بيكون صعب تحكم على عربية
و ربنا يوفقك
الحمد الله تم شراء العربيه بس هاتحتاج شوية مصاريف
وهي عامتا ماروتي 2007
شكرا اخي makarther
وكل الاعضاء المحترمون
star mido
العفو يا أستاذ ربنا يديك خيرها و يكفيك شرها
يا ريت لو تعرف من اللى إشتريتها منه شزية حاجات عن اللى عمله فيها من قبل من صيانة
و لو تقدر تشوف هو مغير الكاوتش لإن الكاوتش المفروض يتغير كل 5 سنوات حسب الرأى السائد
البطارية إيه اخبارها
البوجيهات أخر مرة غيرها إمتى
الزيوت
تنظيف الردياتير
لو العربية فيها تكييف بص على فلتر التكييف
السوزوكى عربية ممتازة كان عندى عربيتين بالينو
إستهلاك بنزين إقتصادى قطع غيار معمرة
ألف ألف مبروك عليك العربية الجديدة
شكرا ليك
بس اللي قبلي ماكنش مهتم ، عشان كده انا عملتلها جزء كلير من صيانتها الدوريه
رب يباركلك فيها و يملهالك بركة إن شاء الله
محمد