كيا سيراتو 2014 بتحدف يمين ثم صوت خبط ناحية اليمين ثم صوت تزييق
السلام عليكم .....
انا عملت حادثة من فترة و غيرت فيها مقص و بارة و مساعد يمين فى التوكيل ( القاهرة أوتو) و من ساعتها العربية متظبتطش و بتحدف يمين و الحدفه فضلت تزيد لحد ما الكاوتش بدأ يتمسح من بره ، فروحت اظبط زوايا بره التوكيل و قالى محتاجه زرجينه 1 سم للأمام ، عملت الزرجينة ، متظبطتش و بدأ صوت خبط يظهر فى المطبات و الملفات اللى على سرعة بطيئة ، روحت التوكيل أظبط زاويا و أقولهم صوت الخبط ده منين ، المهندس اللى جرب العربية مسمعش صوت الخبط ده و بيقول ظبط الزاويا و ان الناحية اليمين فيها اقل من نصف درجة و مش محتاجة حاجة، المهم بعد ما رجعت من التوكيل بدأ يظهر مع صوت الخبط اللى المهندس مسمعوش ده صوت تزييق لما اجي ألف الكوتش و مع الفرامل وانا ماشى على السلانسية
فا ياريت لو حد عنده معلومة تفيدينى يقولى اعمل ايه انا بقيت راضى بالحدفه اليمين بس عايز احل صوت الخبط و التزييق دول...