-
اغيثوني
عبيتي هي لادا 2110 وعندي مشكله حصلت غربيه جدا حصلت واولا العربيه حاله المتور ممتازه كان بيعرق ميه من الشكمان في عز الصيف درجه الحراره لا تتعدي 70 في اسوء الحالات الزيت لونه اصفر عند التغيير عمرها ما حرقت زيت وفجأه وجدت العربيه اثناء السير العربيه تلتت بمعني السحب اتخنق والمتور صوته اتغير ودربك والعربيه برجلت ولما روحت للميكانيكي خلاني اغير كبلات البوجيهات و طقم بوجيهات وكشف علي فلتر البنزين وكان نظيف وفك الرشاشات كان نظيفه الترمبه لسه مغيرلها متور من فتره قريبه صرفت حوالي 800 جنيه ولسه زي ما هي بتدور بصعوبه ومتلته ومفيش عزم تماما روحت التوكيل فحصتها علي الكمبيوتر قالي عندك 3 رشاشات قطعين والترمبه فيها مشكله والحساس اللي علي العمه بتاعت فلتر الهواء بايظ انا مش مقتنع اولا ان العربيه تدور برشاش واحد كمان احتمال الترمبه مش موجود لان انا بسمع صوتها مع فتح الكونتكت والمتور بوش نضيف جدا كمان واحد قالي الصبابات لكن ايه بيبوظ الصبابات الا لو سير الكتينه اتقطع او الدنمو وده محصلش كمان العربيه مبتكلش زيت ولا بتسخن حتي وهي متلته اغيثوني بحل لو سمحتوا بسرعه
-
أول حاجه تشوف السينسور إللى على العمة ده حساس درجة حرارة الهوا الداخل للموتور ait هل هو ده إللى ظهر معاه فى الكمبيوتر ولا إيه أو حتى شوف الأرقام إللى ظهرت فى الكمبيوتر عند الميكانيكى وقولنا عليها ؟
تنضف السينسور أو تغيره ممكن يظبط معاك القصة وممكن تختبره لما يتفك علشان تعرف بايظ ولا سليم عن طريق قياسه بالأوم ميتر او الافوميتر (على وضع قياس المقاومة ) فى درجة حرارة الجو وتشوف حيقرا مقاومة كام - وبعدين يتسخن عليه شوية بالسيشوار ( مش بلمبة تسخين علشان مايبوظش) وتشوف حيقرا مقاومة كام المفروض وهو بارد يدى مقاومة أعلى من وهو سخن . لو المقاومة متغيرتش أو قرا صفر مقاومة يبقى بايظ وتغيره.
-
متخليش حد يلعب لا فى صبابات ولا فى رشاشات لغاية ماتشوف السينسور وبعدين قلنا النتيجة علشان لو محصلش تغيير يبقى نشوف المرحلة إللى بعد كده - معلش العملية عاوزة شوية صبر علشان محدش يلعبلك فى العربية . وبالتوفيق إن شاء الله
-
مكن فى الأول بس تشوف لحسن يكون البنزين مش كويس
-
دي مشكلة بنزيم وسخ ياطقم كهربا
-
Content Relevant URLs by
vBSEO 3.6.0 PL2