.:فقط يحدث فى مصر - اكسب من5 الى 10 الاف فى عربيتك الزيرو !!!!! ::..
فى واحد معرفة من بعيد متخصص فى الموضوع ده ..
-لما بتنزل عربية معينة ويكون عارف ان عليها اقبال فى الحجز
يحجز عربية او اتنين لما تنزل ويكون عليها ضغط كبير فى الحجز .. ولما يستلم يبيع على طول ..
-
وهو عنده خبرة فى الموضوع ده كبيرة .. وأحيانا بتصيب معاه .. اخر عربية جابها كانت سيفيك 2007 سوداء وباعها على 146000 بعد ماكان
جابها بالحجز على 139900 ...
-
ولما نزلت الاسبيرانزا كان فاكر انه حيكسب منها كتير وحجز عربيتين لكن مكسبش فيهم حاجة .. ونفس النظام لما الكورولا الجنوب افريقى نزلت حجز واحدة وكسب فيها 2000 جنيه لما باعها ..
-
طبعا الكلام ده لايحدث الا فى سوقنا العزيز .. واللى سمعته ان فى ناس متخصصة فى الموضوع ده ومكسبه أحسن من تجارة المستعمل وكمان مضمون ..؟! هل فعلا الحكاية دى منتشرة??
