يريت تفودونى انا كان معايا لانوس 2005 وبعتها وجبت لانسر بومه 2008 سوبر اكشن اقسم بالله عربيه مفيهاش غلطه وبعدين بعتها من سنه ب101000 عشان اتجوز ودلوقتى معييش عربيه وحاليا اخدت قرض ب 100000 وممكن اتصرف فى 5000 كمان فعايز راى حضراتكم ممكن اشترى ايه دلوقتى بس فيه كذا حاجه محيرانى
1- النترا 2010
2- لانسر بومه2008سوبر اكشن
3-اوكتافيا 2005
4-جولف 2005
بس اهم حاجه اتوماتك ( مشاكل الفتيس )
وشكرااااااااااا:worried:
مبروك علي الجواز اولا
ثانيا ايه رايك تضيف في اختياراتك نيسان صني الشكل الجديد
هتبقي كسر زيرو اتو او مانيوال وعربيه محترمه بنفس المبلغ اللى انت محدده
يعني عربيه ياباني وهتعبتر انت اول مالك ليها بدل ما تجيب عربيه موديل 2005 هتصرف منك كتير
يعني هي مجرد نصيحه
وربنا يوفقك
من رأيي خليك في اللانسر .. عربية جميلة واحسن من الالنترا
وقطع غيارها اسهل وارخص من الجولف والاوكتافيا
الانسر الحصان الرابح
مع العلم اني راكب النترا md
أخي الكريم
إحذر ثم إحذر ثم إحذر من النيسان صني الشكل الجديد ...فيها مشاكل في الفرامل و عامله كوووووووارث و مرفوع عليهم قضايا و جهاز حماية المستهلك - اللي هوا بيقف مع الشركات ضد الزباين - على خلاف المتوقع .. محول شركة نيسان مصر للنيابه بخصوص مصايب الصني الجديده
رأيي خليك في اللانسر بما إنك عارفها ... و لو هتغير هات إلنترا لأني جايبها و عربيه خرااااااافه بجد
ربنا يرشدك للإختيار الأصلح ... و مبروك الزواج ...
السلام عليكم
الف مبروك ولو انك هتندم علي الجواز قدام
اللانسر جميله وعمليه زيها زى الالنترا 2010 الاتنين حلوين فعلا
بس لو انت بتجرى هات لانسر عفشتها ناشفه عن الهيونداي ولو معظم مشاويرك جوه المدينه هات النترا استهلاك بنزين افضل وانعم واسرع واطرى
لكن انا لو معايا المبلغ كاش وبشترى لنفسي هجيب اسكودا
واو
ثبات قوه معمرة قطع غيار مش غاليه اوى بس بتعيش كمان وجاهه وتحس انك نقلت نقله لقدام
الالنترا شكلها احدث من اللانسر و انعم منها
اللانسر موتورها صوته عالى شوية عكس الالنترا
انا بحس ان الالنترا ركوبة عن اللانسر الحقيقة و دة رأى شخصى
انا بعت الالنترا عاملة 180000 كيلو من غير ماغير اى قطعة غيار غير التيل و الصيانة الدورية و موتور طرمبة البنزين فقط :)
و لو رجع بيا الزمن ماكنتش بعتها و جبت الاسكنت ار بى
بس انت ليه مش حاطط السيراتو فى اختياراتك ؟
نفس الحيره بتاعت حضرتك انا كنت فيها
والغريب ان كذا واحد من أعضاء المنتدى كان فى نفس الحيره بالظبط
انا كان قدامى النترا 2010 ولانسر 2007 هاف سبورت
النترا عامله 80.000 كيلو ومتحافظ عليها جدا
لانسر عامله 47.000 ومتحافظ عليها جدا جدا جدا جدا جدا
والاتنين فابريكه بره وجوه وبتوع ناس اعرفهم (الالنترا فعليا بتاعتنا من الزيرو)
وفعلا كنت فى حيره مهوله لغاية لما ركبت الاتنين ورا بعض
بجد فرق شاسع لصالح الالنترا بينها وبين اللانسر
الالنترا انعم بمراحل - التسارع بتاعها جبار - صوت الموتور بتاعها انعم بكتيييييير من اللانسر
قولت يمكن اللانسر فيها مشكله - جربت واحده تانيه وكانت صوره طبق الاصل من اللانسر الاولى
ركبت اللانترا يوم واحد وفعلا سيطرت على دماغى تماما وبما انى بطلت أجرى فا موضوع ال abs مش فارق معايا اوى
من وجهة نظرى ان اللانسر تتفوق على الالنترا فى الثبات والفرامل وعوامل الامان فقط
تقييمى
نعومة العفشه : النترا 8/10 ---- لانسر 6/10
العزل : النترا 8/10 ------- لانسر 7/10
تسارع : النترا 8/10 ----- لانسر 5/10
ثبات تحت ال 90 : النترا 7/10 ------ لانسر 7/10
ثبات فوق ال 90 : النترا 6/10 ------ لانسر 7/10
عوامل أمان : النترا مصرى وكيل 3/10 (لو النترا خليجى هاى لاين يبقى 6/10) ------- لانسر 6/10
شكل خارجى : النترا 7/10 -------- لانسر 5/10
شكل داخلى : النترا 7/10 ------- لانسر 2/10
اتساع داخلى وشنطه : النترا 9/10 ------ لانسر 7/10
قطع غيار معمره : النترا 7/10 -------- لانسر 8/10
سهولة اعادة البيع : النترا 10/10 ------- لانسر 9.5/10
للمره الاخيره تقييمى ده بناءا على خبره شخصيه بسيطه وذوقى الشخصى وليس تقييم مبنى على اساليب علميه
يعنى بنسبه كبييييييييره جدا وارد وجود معلومات خاطئه والله أعلم
-شوف عداد الأوكتافيا كام و لو معدية ال100000 يبقي سيبك منها
-الالنترا أحسن بكتير من اللانسر في العفشة و العزل و استهلاك البنزين و الوسع
-اللانسر أحسن في الثبات و بالنسبة للتسارع ماحستش بفرق كبير و إن كان في صالح الالنترا
-ابعد تماما عن نيسان صني و اوعي حتي تفكر فيها لأن (صني=موتة)
بس فعلا هو حضرتك مش ضايف السيراتو ليه
انا شخصيا افضل النترا عن لانسر
ولو سيراتو يبقى افضل من الاتنين