عفشة نوبيرا

**midogad331** · 13-01-2015 01:16 AM

عندي نوبيرا لما بيركب حد معايه بتنزيل خالص وتحك هل اغير السوست ولا اركب علايات وهل تاثيرها على ثبات ايه

**midogad331** · 13-01-2015 01:17 AM

ولو حد يعرف سعر السوست بكام

**Sameh samy** · 13-01-2015 11:35 AM

لو عربيتك ارتفاعها وهي فاضية طبيعي انصحك ماتلعبش فيها لان التعلية ليها تاثير سلبي علي الثبات فلو بتجري متعليش العربية وعموما حاول متركبش سوست غير الاصلي لانها متناسبة مع وزن العربية من ناحية الصلابة ممكن تطلع ناشفة وتدب او طرية وتعوم لو هاتعلي ركب علايات ومتزودش العلاية عن اللي راكبة فيها غير بزمبة واحدة فقط كفاية يعني لو فيها علاية زنبة تركب 2 زنبة لمجرد انك تعوض فرق الانضغاط اللي حصل للسوستة

**ahmedelrayan** · 13-01-2015 11:54 AM

المشاركة الأصلية كتبت بواسطة sameh samy

لو عربيتك ارتفاعها وهي فاضية طبيعي انصحك ماتلعبش فيها لان التعلية ليها تاثير سلبي علي الثبات فلو بتجري متعليش العربية وعموما حاول متركبش سوست غير الاصلي لانها متناسبة مع وزن العربية من ناحية الصلابة ممكن تطلع ناشفة وتدب او طرية وتعوم لو هاتعلي ركب علايات ومتزودش العلاية عن اللي راكبة فيها غير بزمبة واحدة فقط كفاية يعني لو فيها علاية زنبة تركب 2 زنبة لمجرد انك تعوض فرق الانضغاط اللي حصل للسوستة

وممكن مع الكلام ده تركب صدادة ودى هتمنع ان العربية تهبط للاخر مهما كانت الحمولة

**midogad331** · 14-01-2015 12:07 AM

انا فعلا معنديش علايات خالص وجرب العلايه والصداده وقولكم خاصة انا النهارده رحت سالت على السوست الاثنين الخلفي ب٤٥٠ عند ابو الحسن وتشكر جدا لردكم

**hema111** · 14-01-2015 02:23 AM

الصددات الخلفية باظت وكل اللى هاتحتاجة عدد 2 صدادة خلفية واحدة لكل عجلة ولسة عملها قريب

**midogad331** · 15-01-2015 12:30 AM

انا النهارده رحت للعفشجي وهو انسان كويس وفكينا الالمساعدين والسوست طلع بالفعل الصدادة بيظه خالص وركبت علاية ثم وكان في عندي خبط ورا طلع جلب قاعدة شداد وهي شبه كبير بجلب المقصات ومفيش منها خالص سالت عليها وفي الاخر حشيناها جلد وفكييت الجزء الامامي وطلع البطاحات تعبانه بتاثر على الدريكسيون كان تقيل ودي معلومه جديده بالنسبه ليه لاني كنت فاكر طرمبة الباور وكنت بدور عليها بس هو قالي دي بطاحات مريحة على المساعد وبتحك والحل كان انه ركب ورده ٢٢بلدي علشان يرفع البطاحة شويه وقالي بعد كده اول لما الدريكسيون يتقل تاني هنغير البطاحات وانا سالت عليهم الاثنين gm ب٣٥٠ والحمد لله العفشه اصبحت تمام وجزاكم الله خيرا