حساس ركن و لا كاميرا خلفية أفضل

إن شاء الله ناوى أركب إما حساس ركن أو كاميرا خلفية للعربية (بيجو406)

حساس الركن لو جبته هيبقى wireless لاسلكى يعنى الوصلة بين الشنطة و لوحة البيان فى التابلوه لاسلكية و كمان ,لوحة البيان ممكن اجيبها من النوع اللى تشتغل على الطاقة الشمسية ال solar يعنى هوفر فى التوصيلات و مش هاخد وصلة كهرباء للوحة البيان من الولاعة او غيره

الكاميرا الخلفية ممكن أجيبها لاسلكية برضه بس السعر هيعدى و مش عارف كناحية عملية أفضل و لا حساس الركن و لازم آخد وصلة كهرباء، يعنى مكان الولاعة ملغى مقدما (مش محتاجها للتدخين) بس ممكن احتاجه لحاجة تانية مثلا ، و ناس بتقول شاشة الكاميرا بتبقى مغرية لكسر الزجاج و سرقتها و هجيب مرايا و الأصلية موجودة يعنى مرايتين جوة العربية !!!

حد عنده خبرة فى الموضوع ؟

...

اعتقد الكاميرا افضل من احساسات

معلش يا باشا ممكن توضيح زيادة افضل فى ايه ؟

الحساس بيعطى المسافة على الشاشة بالسم و دا مفيد فى اماكن الركنة الضيقة زائد انه متوزع على طول الاكصدام الخلفى

هل استهلاك الطاقة للكاميرا اللى هيتاخد من سلك المارشدير مؤثر على لمبة الرجوع ؟؟؟

هل الكاميرا زاويتها كاشفة العربية كلها من الخلف ؟؟؟

انا ركبت عربيات فيها الكاميرا وعربيات فيها حساسات بس ... استريحت الحقيقة فى الحساسات عن الكاميرا لانى فى الحساسات باسمع الصوت بس وعينيا على المرايات لكن الكاميرا بتبقى مركز على الشاشة بس

اقتباس:

---

المشاركة الأصلية كتبت بواسطة م/أحمد عبد الفتاح

انا ركبت عربيات فيها الكاميرا وعربيات فيها حساسات بس ... استريحت الحقيقة فى الحساسات عن الكاميرا لانى فى الحساسات باسمع الصوت بس وعينيا على المرايات لكن الكاميرا بتبقى مركز على الشاشة بس

---

يعنى تقصد حضرتك فى كشف الاجناب او حتى الرؤية الخلفية الحساسات بتساعد اكتر عن طريق التركيز فى المرايات و الاعتماد على الصوت

طيب بالنسبة لمدى الحساسات...هل ال Scan بتاع الحساسات له زاوية معينة او حدود معينة

يعنى لو حاجة عمودية تحت الاكصدام بيعرف يكشفها ؟

و متشكر لحضرتك

اقتباس:

---

المشاركة الأصلية كتبت بواسطة م أحمد

يعنى تقصد حضرتك فى كشف الاجناب او حتى الرؤية الخلفية الحساسات بتساعد اكتر عن طريق التركيز فى المرايات و الاعتماد على الصوت

طيب بالنسبة لمدى الحساسات...هل ال scan بتاع الحساسات له زاوية معينة او حدود معينة

يعنى لو حاجة عمودية تحت الاكصدام بيعرف يكشفها ؟

و متشكر لحضرتك

---

هو المدى بتاعه فى مستوى افقى ولو كان فيه حاجه اقل من مستوى الحساس مش حيحس بيها وانت بتعرف بعد الحاجه من كتالوج الجهاز بيبقى فيه جدول يعنى صفارة متقطعة بيبقى وراك كذا سم ولو بقت الصفارة متقطعة بس سريعة بتبقى المسافة بقت كذا ولما تثبت الصفارة بيبقى خلاص لازم تقف ... حسب نوع الجهاز وفى الغالب بيبقى المدى من ٢٠٠ سم الى ١٥ او ٢٠ سم حسب النوع بتاعه

متابع
عايز اعمل الحوار دة بجد لاني لسة جديد في السواقة ومحتاج الحساس دة
بس كنت عايز اسأل ههو يعمل كام واجيبة منيين ؟

الحساسات أنواع كتير و مش كله بيقولك المسافة اللي فاضلة ... الكاميرات برضه أنواع كتير و بتختلف في زوايا الرؤية !!!
-فيه كاميرات بتجيب الoverview بتاع العربية و ديه موجودة في نيسان pathfinder علي سبيل المثال و ديه أكتر حاجة عجبتني فيها
-فيه أنواع حساسات زي بتاعت البي ام و ديه كويسة و صوتها مش مزعج و المسافة بتظهر علي الشاشة
الفكرة كلها في النوع اللي هتجيبه و كله بتمنه :)

اقتباس:

---

المشاركة الأصلية كتبت بواسطة haitham gamal

متابع
عايز اعمل الحوار دة بجد لاني لسة جديد في السواقة ومحتاج الحساس دة
بس كنت عايز اسأل ههو يعمل كام واجيبة منيين ؟

---

حساس الركن ب 120 جنيه من التوفيقية وسط القاهرة
الكاميرا بلوتوث مع الشاشة 450 جنيه و من غير بلوتوث 400
الاتنين وصلات سلكية

اقتباس:

---

المشاركة الأصلية كتبت بواسطة ENG.MaRk

الحساسات أنواع كتير و مش كله بيقولك المسافة اللي فاضلة ... الكاميرات برضه أنواع كتير و بتختلف في زوايا الرؤية !!!
-فيه كاميرات بتجيب الoverview بتاع العربية و ديه موجودة في نيسان pathfinder علي سبيل المثال و ديه أكتر حاجة عجبتني فيها
-فيه أنواع حساسات زي بتاعت البي ام و ديه كويسة و صوتها مش مزعج و المسافة بتظهر علي الشاشة
الفكرة كلها في النوع اللي هتجيبه و كله بتمنه :)

---

لما سألت فى التوفيقية قالو لى ان الكاميرا بتيقى كاشفة الإكصدام بالكامل بس للأسف ما لقيتش عندهم حاجات وايرلس ولا هى ولا الحساسات و اكيد طبعا مفيش solar لتغذية الشاشة
أنا فعلا دورت على النت و لقيت حاجات كتير

بتاعة النيسان عاملة 45 دولار من غير الشاشة و بتكشف 170 درجة بس مش وايرلس و نقطة انها تجيب الoverview بالكامل أكيد مرتبطة ببرمجة كمبيوتر العربية على أبعادها يعنى مخصوصة للعربية دى بس

اللى يهمنى جودة الارسال بس بتاعت الوايرليس مش عايز و لا بلوتوث و لا افلام و لا حاجة من دى لان قالو انهم جابوه فترة بس كان بيعمل مشاكل على كلامهم ، و الله أعلم بجودة الحاجة اللى كانو جايبنها

الكاميرا من وجه نظرى اكثر افاده وخصوصا فى الظﻻم ﻻنها بتكشف وكانه كشاف وممكن تركب شاشه صغيره (7 بوصه حوالى) اكثر شياكه من شاشه التاكسى المرأه وفيه ناس بتعمل الحساسات مع الكاميرا بس كتير من غير داعى

اقتباس:

---

المشاركة الأصلية كتبت بواسطة yousef.kamel

الكاميرا من وجه نظرى اكثر افاده وخصوصا فى الظﻻم ﻻنها بتكشف وكانه كشاف وممكن تركب شاشه صغيره (7 بوصه حوالى) اكثر شياكه من شاشه التاكسى المرأه وفيه ناس بتعمل الحساسات مع الكاميرا بس كتير من غير داعى

---

كمان الكاميرا هى ثقب واحد فى الاكصدام او الحلية و شكرا و كمان الثقب فى الشنطة هيكون لسلك واحد

اما الحساسات اضرب *4

شكلها كدة كاميرا

انا ركبتها فوق النمره بنفس لمبه النمره

السلام عليكم
الكاميرا الخلفيه تحفه انت بترجع للوراء وشايف فيها كل حصوايه ورا العربيه كانك سايق للامام
وبتجيب زاوية العربيه كلها وشايف كل حاجه لو جربتها هتعرف ان حساس الركن مالوش قيمه حمبها عربيتي فيها كاميرا خلفيه وصاحبي حساسات والله فرق السما والارض
الشاشه ايللي بتركب ع المرايا انا جايب نوع معقول ب 250ج فيها كل حاجه مدخل كاميرا وبلوتوث والزياده كمان مخرج فيديو موصله بشاشه ثانيه ع المسند ورا حاجه راءعه والكاميرا ب80ج والنضيفه بتاعت الرؤيه الليليه ب 110ج من المنصوره
لو حضرتك من القاهره هتبقى الاسعار احسن
رقمي 01119958076 لو محتاج اي استفسار تحت امرك
انا جبت الشاشه والكاميرا وانا ايللي ركبتهم وركبت الماميرا كمان وحفرتلها في الاكسدام وكل حاجه الموضوع ظريف جدا
وفيه برضوا كاميرا بتركب مكان نور النمر لو مش عايز تحفر في الاكسدام يالا هي اي خدمه

اقتباس:

---

المشاركة الأصلية كتبت بواسطة رامي مصطفى

السلام عليكم
الكاميرا الخلفيه تحفه انت بترجع للوراء وشايف فيها كل حصوايه ورا العربيه كانك سايق للامام
وبتجيب زاوية العربيه كلها وشايف كل حاجه لو جربتها هتعرف ان حساس الركن مالوش قيمه حمبها عربيتي فيها كاميرا خلفيه وصاحبي حساسات والله فرق السما والارض
الشاشه ايللي بتركب ع المرايا انا جايب نوع معقول ب 250ج فيها كل حاجه مدخل كاميرا وبلوتوث والزياده كمان مخرج فيديو موصله بشاشه ثانيه ع المسند ورا حاجه راءعه والكاميرا ب80ج والنضيفه بتاعت الرؤيه الليليه ب 110ج من المنصوره
لو حضرتك من القاهره هتبقى الاسعار احسن
رقمي 01119958076 لو محتاج اي استفسار تحت امرك
انا جبت الشاشه والكاميرا وانا ايللي ركبتهم وركبت الماميرا كمان وحفرتلها في الاكسدام وكل حاجه الموضوع ظريف جدا
وفيه برضوا كاميرا بتركب مكان نور النمر لو مش عايز تحفر في الاكسدام يالا هي اي خدمه

---

و عليكم السلام و رحمة الله و بركاته
متشكر لرد حضرتك
انا عارف طريقة التركيب بس المشكلة ان مش هينفع اركبها فى باب الشنطة لان مالهاش مكان فيه
غير كدة هيبقى فى حلية الاكصدام و دى لونها اسود و عيبها انه مكان بارز
او فى الاكصدام فوق النمرة و دا انسب مكان بس هضطر اخرم فى الشنطة علشان ادخل الاسلاك لو ما لقيتش سلك لمبة النمرة
بس اللى اعرفه ان التوصيل لازم مع لمبة نور المارشدير و لا لمبة نور النمرة بتنور هى كمان فى المارشدير ؟
و ان شاء الله هكلم حضرتك

تتوصل فقط مع لمبة الريفرس
بالمناسبة كنت عايز اسأل الناس اللي ركبت شاشة مرايا ، ايه اخبار الريزليوشن بتاعها و سرعة عرض الافلام الكبيرة عليها و هل الافلام بتقطع ؟؟؟؟

انا ركبت كاميرا الاول
بس ماكنتش عارف اقدر المسافه
روحت مركب حساسات
لكن لو انت هاتختار واحده بس ...يبقى الحساسات عمليه اكتر

بصراحه وعن تجربه الحساسات افضل بكتير والافضل والافضل والاحسن الاتنين مع بعض يكملو بعض الكاميرا والحساس

عن تجربة حساسات الركن افضل لكن مشكلتها بس انك بتخرم في الاكصدام ودي اكتر حاجه بتضايقني لو حد ريح عليك من غير قصد كذا مره بيتفكو لكن من ناحية الركن باليل بالذات والاماكن الضيقه الحساسات افضل بكتير

الحساسات أفضل عشان التعود على المراية الا لو واحد بيتعلم جديد وهيتعود من الأول على الكاميرا بس مش هيعرف يركن من غيرها

والله انا مركب الاتنين وبرضو سعات بخبط في حجات بس وجود الاتنين ظريف الحساسات صوتها بيلحقك لو مخدتش بالك بتصوتلك وبتخليك تنتبه لو سرحت وانت راجع والكاميرا مفيده في الارصفه والحجات الواطيه الي مبيكشفهاش الحساس سعات

ودي تنفع لاي عربية ولا