انا من الغردقه واهلا بيك وبصديقك واى سؤال انا تحت امرك
مبدئيا السياحه اليومين دول نايمه تماما الغردقه كلها شغلاه على هذا القطاع الحساس
حتى البقال او السوبرماركت بيشتكى لانها كلها حلقه واحده وكله مصدر رزقه من السياحه ده مبدئيا عشان يكون عندك خلفيه
مشروع استوديو فى الاونه الاخيره فتح 2 استوديو حاجه ماشاء الله خرافيه ووهميه مشوفتش المستوى ده فى القاهره صراحه بس مش بشوف عندهم ناس ولا زباين ولا زحمه والله اعلم شغالين ولا مش شغالين
لو حضرتك اوت دور حفلات واافراح وكده مرشحلكش الموضوع ده فى الغردقه
نظرا لتل اربع السكان كلهم مغتربين فالافراح هنا قليله كل فين وفين لما بشوف زفه وزفه صعيدى كمان شويه زمامير بالعربيات وصواريخ وخلاص ده من وجهه نظرى الشخصيه ولا اقصد اى احباط ليك
انا بنقلك الصوره من وجهه نظر فرد عايش فى البلد
البلد نضيفه وهاديه ومفيش الضغظ بتاع القاهره ودى مميزات حلوه اوى بالنسبه لى انا كشخص
اى استفسار انا تحت امرك
وربنا يوفقنا جميعا لما يحبه ويرضاه
المفضلات