هجره داخل مصر الي شرم الشيخ او الغردقه

**Bassem Youssef** · 13-01-2015 11:32 PM

مش انا طبعا :)))

شريكي في العمل قرر يتجوز و يشتغل لوحده

طبعا هو مش طايق الاوضاع القذره اللي احنا فيها

و في نفس الوقت لا يقدر ان يترك مصر ابدا

انا اقترحت عليه شرم الشيخ او الغردقه

هو ليس لديه مانع و ممكن يقنع زوجته المستقبليه

المشكله اننا لا نعرف شئ عن العيشه في المدينتين دول

هو ممكن يأجر او يشتري شقه

و كمان عايز يأجر محل عشان يبتدي مشروعه

فعايز معلومات مؤكده عن اسعار الايجارات

و اسعار الشقق و نظام العيشه في المدينتين دول

و شكرا

**أبو آسر** · 14-01-2015 07:08 AM

المشاركة الأصلية كتبت بواسطة باسم يوسف

مش انا طبعا :)))

أنا استغربت برده

قلت أمال راحت فين كينيا وتنزانيا

**Bassem Youssef** · 14-01-2015 10:18 AM

المشاركة الأصلية كتبت بواسطة أبو آسر

أنا استغربت برده

قلت أمال راحت فين كينيا وتنزانيا

بغض النظر عن رائحه التهكم في ردك و لكن احب اقولك ان البلاد اللي مش عاجبه حضرتك دي انضف من هنا بمليون مره و علي الاقل الشعوب هناك شعوب محترمه

المشاركة الأصلية كتبت بواسطة mohamed_selim

شرم مش بلد ... شرم شوية فنادق و طلعلها بلد ... مش هتلاقى فى اهل بلد كتير عشان مشروعه ينجح الا لو الموضوع ليه علاقه بالسياحه و دى برضه مش وقتها دلوقتى
الغردقه بلد و فيها ناس و الفرص اكتر اكيد ... بس برضه المنافسه هتكون اكتر
العيشه فى الغردقه ارخص و احسن ... دا رأيى

هو ناوي يفتح استوديو تصوير زي ما كان شغال معايا

هل المشروع ممكن ينجح ؟؟؟ انا عن نفسي مش قادر احدد

زوجه صديقي بتشتغل مدرسه لغه انجليزيه

فممكن تدور علي شغل في المدراس هناك و الله اعلم

**mohamed_selim** · 14-01-2015 11:47 AM

ما هو شرم مفيش مدارس كتير الغردقه اكتر
معرفش استوديو التصوير اصلا مستقبله عامل ازاى فى اى حته مع انتشار الكاميرات الديجيتال (انا عن نفسى استخدامى للاستوديو مره كل سنتين تلاته لو عايز صور 4x6) .... بس بالنسبه و التناسب الاستوديو هيشتغل اكتر لو عدد السكان اكتر و خصصا لو جزء من الدخل تصوير عرايس و كده اكيد محتاج مكان يكون فيه مصريين كتير و ده هتلاقيه فى الغردقه مش فى شرم

كلمه اخيره محدش عارف رزقه فين انا بقولك تفكيرى الشخصى ممكن هو يكون ليه وجهة نظر مختلفه و ربنا يكرمه فيها ....
ربنا معاه و معاك و معانا جميعا :)

**أبو آسر** · 14-01-2015 02:58 PM

المشاركة الأصلية كتبت بواسطة باسم يوسف

بغض النظر عن رائحه التهكم في ردك و لكن احب اقولك ان البلاد اللي مش عاجبه حضرتك دي انضف من هنا بمليون مره و علي الاقل الشعوب هناك شعوب محترمه

رائحة التهكم ؟!
يعني منهزرش معاك يا عم باسم ؟؟؟
خلاص ياعم حقك عليا !

**أبو آسر** · 14-01-2015 10:39 PM

المشاركة الأصلية كتبت بواسطة باسم يوسف

عفوا .. انا مش اخدت بالي ان حضرتك بتهزر :))

اصل ناس كتير بتتهكم علي الدول دي و هي مش فاهمه حاجه

عذرا مره اخري

ماشي يا سيدي مقبولة :)

وانت عارف رأيي في الهجرة أساسا حتى لو لبوركينا فاسو على الأقل أحسن من أم التنيا :))

**Bassem Youssef** · 15-01-2015 12:24 AM

المشاركة الأصلية كتبت بواسطة mohamed_selim

انا فاهم شويه فى التصوير و عارف اللى بتقوله بس السؤال مش على اللى بيصور ... اللى بيتصور عايز ايه و ايه السوق بتاع محل تصوير عشان يفتح بيت ... جاوب على السؤال ده و حدد هيعوز ناس كتير و هيشتغل حاجات صغيره ولا هيشتغل مع السياحه و يصور رحلات سفارى و كده و لو كده الفيديو افضل من التصوير العادى و لو هيفتح اكتر يبقى تحت الميه مع الغطس .... بيعملو ال cd للناس اللى اول مره تنزل ب ٢٠ يورو و هو راس المال مجرد كاميرا و هاوسينج و مرتب غطاس بس تانى السياحه نايمه فى شرم او الغردقه ....

عموما احنا بنصور افراح و اعياد ميلاد و اوت دور

مش عارف النظام ده هيمشي هناك و لا لأ

ربنا يسهل

-

-

الموضوع: هجره داخل مصر الي شرم الشيخ او الغردقه

LinkBack

أدوات الموضوع

عرض

-

-

-

-

المواضيع المتشابهه

الغردقه

داخل كليه الطب - عندك حد داخل طب خش و اسال اللي انت عاوزه

هجره ابليس من مصر (منقول من منتدى آخر لكاتبه : glabawy)

الكلمات الدلالية لهذا الموضوع

المفضلات

المفضلات

ضوابط المشاركة