10 استفسارات عن الجيلي امجراند 7 2015

1- لاحظت انها بتهبط من ورا لما بيكون في ناس قاعده علي الكنبه الخلفيه ... المفروض الطبيعي ان يكون في شخصين بالغين علي الاقل قاعدين علي الكنبه الخلفيه مثلا ... هل دي مشكله في العفشه و لا ايه ؟؟؟

2- لاحظت برضه ان الجنط صغير و داخل لجوه او جوانب العربيه هي اللي بارزه ... مش قادر احدد بالظبط

3- قريت بعض المواضيع ان الجنوط بتتكسر بسهوله .... الجنوط دي مش المفروض الومنيوم؟؟؟ هل في عيوب صناعه ظهرت فيهم؟؟؟

4- العربيه دي بتشد زي الفيرنا و اللانوس و لا بطه بلدي ؟؟؟

5- هل في مراكز صيانه في شرم الشيخ و الغردقه ؟؟؟

6- خاماتها و تقفيلها زي الفيرنا و اللانوس و لا اسوأ ؟؟؟

7- هل العربيه دي ممكن تعيش و تمسك سعر في المستعمل زي الفيرنا و اللانوس ؟؟؟

8- سمعت انها ماتور و عفشه تويوتا ... انا قصدي علي التصميم فهل ده صحيح ؟؟؟ علي اساس اننا ممكن نعمل عمره للمحرك بأجزاء من محرك تويوتا و نغير العفشه بعفشه تويوتا

9- اخبار العربيه ايه في السفر لمسافات طويله ؟؟؟ مثلا من المنصوره لشرم الشيخ

10- بكام حاليا ؟؟؟ و بتستلم امتي لما تحجز و لا التسليم فوري في التوكيل ؟؟؟

متابع

السلام عليكم,

هجاوب حضرتك علي حسب معلوماتي المتواضعة لأني لسة جديد,

1. لا مافيش مشكلة, ودي حاجة طبيعية في اغلب العربيات, خلي بالك انت بس من المطبات ومع التعود هتنحل المشكلة جزئيا ان شاء الله

2. جوانب العربية هي اللي بارزة

3. ربنا يستر, معتقدش ان السر بيؤدي لحادثة, لكن العكس هو اللي بيحصل, يعني الحادثة يتكسر فيها الجنط

4. عادة مابحبش السرعات العالية و متوسطي 80 و اخري قوي 120 ولو مشيت شوية علي 100 يبقي خير و بركة :d , بس مابحسش ان العربية تقيلة معايا ولا حاجة الحمد لله

5. معرفش بصراحة, ممكن تكلم خدمة العملاء تسالهم عن اقرب فرع ليك

6. كويسة مافيش مشاكل فيها الحمد لله, يعني شوية مشاكل بسيطة, الكايست بدأ يعلق معرفش من ايه دي اكتر حاجة مدايقاني لعند دلوقت و اما اشوفله حل هاقول باذن الله

7. حسب السوق, فسعرها زاد من حوالي 76 الف لـ 87400 في اقل من سنة, فده مؤشر الي ان سعرها عالي و في اعادة البيع هتقل زي العربيات الطبيعية ان شاء الله

8. الموتور تويوتا ياريس, اقصد 2015, معرفش الموديلات الاقدم ايه

9. مجربتش بصراحة, اطول مسافة من الشرقية للقاهرة مع شوية دوخة و لف جوة القاهرة كانت كويسة الحمد لله

10. سعر التوكيل حاليا 87400 ج, حسب المعرض لو متوفر هتستلم علي طول, لو لسة هيجيلك مثلا لون انت عاوزه او حاجة هتستني اسبوع ولا حاجة مش كتير يعني, لو عاوز تخطف رجلك وتنزل علي التوكيل تشوف بنفسك و تشتري و تستلم يكون افضلك لو مستعجل

نتكلم على الخلاصه العربيه مش وحشه وجميله بس وخلى بالك من بس دى .... انا لسا واصل امبارح من الاسكندريه سافرت من الغردقه لا اسكندريه والعربيه تمام كلمه ( بس ) بقى تيجى العربيه جميله بجد بس معاك لحد 120 بعد كدا اوعى العربيه مش ثابته وكمان الدريكسون بيخف جدا على 140 فيما فوق لدرجه تخوف فكك من اللى بيقول الجنوظ بتكسر والجو الرخيص دا معلش هى مش جنوز سكوتر يعنى من الاخر لقدر الله مطب جامد ااااااوى كمان ممكن حادثه لقدر الله وربنا يبعدنا سعرها فى تزايد ملحوظ وكمان ايوه ليها توكيل فى الغردقه (غبور) انا عايش فى الغردقه .. العربيه جميله مش وحشه شكلا ووسع رهيب وسحب انا كنت بلعب دوده وتخيل بعربيه جيلى على الدائرى القاهره واسكندريه الصحراوى وبتسد بس اكتر من 120 لا لا لا لا لا ومليون لا انا عارف اى عربيه فى السرعات العاليه مش كويسه بس العربيه دى مش كويسه خالص خالص خالص على 130 ولو 140 تكون رابط بقى حزامك لقدر الله بس العربيه مش وحشه وكمان سعرها بيزيد وانتشرت جدا

طيب ياجماعة لو أنا رايح أستلمها أيه هي الحاجات المهم إلي أبص عليها وأيه موضوع الصدء الي بسمع عنه ده

اخبار الصداء ايه في الموديلات الجديده

مفيش اى مشكله اتكل على الله انا مشترى عربيتى من ٣ شهور وما شاء الله ولا الهوا كله تمام والعربيه ماشيه ولا الكلام ...مبروك مقدما

فى كلام ان مفيش صدأ فى الموديلات الجديده والله اعلم

متابع

موضوع الصدأ ده ممكن يكون عيب صناعه ظهر في بعض العربيات و تم تلافيه في موديل 2015

عيوب العربيه دي كانت الصدأ طبعا والتيل اللي بينزل رايش ع الجنوط وفبرة التانك وضعف التكييف واعطال ف الكاسيت
ياترى ايه اخبار الجديد دلوقت؟