السلام عليكم
انا اشتريت عربية افيو فيها تصريح لحد 31/1/2015 والضريبة مدفوعة لحد 10/2015 ومعايا توكيل من صاحب العربية بس مفيهوش تجديد وترخيص السؤال بقى لما اجي اسلم التصريح واخد الرخصة هايبقى في مشكلة ولا عادي ممكن تمشي بالتوكيل اللي معايا ؟؟ شكرا للاطالة
تمشي بالتوكيل بإذن الله.
شكرااا جداا
عليكم السلام
لو انا فهمت قصدك صح انت اشتريت عربيه بتوكيل بيع لنفسك او للغير
دلوقتي التصريح هينتهي في اخر يناير
انت بتسئل انت ممكن تجدد التصريح ولا لازم صاحب العربيه؟
لو تقصد كده فعلا يبقي في حاجتين
اولا انت مش هتعرف تجدد لان التوكيل بيع فقط وليس به تجديد وترخيص
وفي الحاله دي انت هتحتاج تبيع لنفسك الاول ,كده هتحتاج شهاده بيانات علشان تنقل ملكيه في الشهر العقاري لانهم حسب كلامهم غير معترف بالتصريح في نقل الملكيه
ثانيا هتروح المرور تقدم عقد البيع والتوكيل وتفحص وتكمل الاجراءات
ولو المرور ده فيه ملف العربيه الاصلي هتعمل رخصه حسب ما تدفع سنه او 2 او 3
ولو الملف فى مرور تاني هتعمل تصريح 3 شهور وهتعمل طلب استعجال للملف
وهتجدد التصريح كل 3 شهور بدون فحص طبعا لحد ما الملف ييجي
ربنا يعينك علي بتوع المرور, قول امين