جبت اخري و طهقت من الايباد و هجيب اندرويد تابلت اسمع اقتراحاتكم
مساء الخير
مش فاهم الغباء المطلق بتاع شركة ابل
الايباد كجوده و شاشه و فخامه مفيش بعد كده انما حتة القفله السوده اللي بتخليك تنزل اي حاجه بطلوع الروح و استحاله تعرف ترتب الفيديوهات و او تستعرض صور من الفلاش ميموري خنقتني و خصوصا اني هاوي تصوير و عايز استعرض الصور الاول و عندي فيديوهات بالهبل اول ما بتنزل بتسيح على بعض عشان مش بيرتبهم فولدرات فاستخدامه مش اكتر من فيس و انترنت
طبعا و انا كلي اسف قررت اسيب الايباد لبنتي و اشوف حاجه اندرويد و بعد بحث لقيت samsung note 2014 edition عليه عرض ب ٣٢٢٥ جنيه و لسه هشتري لقيت واحد صاحبي معاه الجهاز و بيقولي فيه عيب باور و لازم البطاريه تتشال و تركب تاني عشان يشتغل مع العلم ان الضهر اتكسر منه و هوا بيفكه عشان مش مصمم ان المستخدم يفكه و البطاريه بتاعته بتبقى ليها كابل رفيع داخل في البورده و قال لي ان العيب ده بيحصل مره كل شهر
يا ريت يا جماعه تنصحوني اجيب ايه مع العلم اني عايز اجيب احسن حاجه عشان ما اتحسرش على ايام الايباد