الموضوع: نقصان مياه التبريد بشكل ملحوظ

المشاركة الأصلية كتبت بواسطة maged_samy

المشكلة عندى بقالى اسبوع مياه الريدراتير بتنقص بمعدل كبير يعنى تقريباً 2 لتر كل 100 كم وبالكشف على جميع الخراطيم والوصلات والكوليهات وجدت سليمة تماما و مفيش فيها اى تسريب وبالكشف على الريدراتير من ناحية المروحة ومن اسفل لا يوجد تسريب و بعد كل ده بقى شكى فى حاجتين :
1- ان فيه تسريب من الناحية الامامية للريدراتير و الهواء بينشف المياه قبل ما تنقط و صعب اكشف عن وجه الريدراتير لوجود سربنتينة التكييف امامه .
2- ان يكون فيه تلف فى جوان وش السلندر من ناحية المياه :
وعلشان كده :
**** مليت القربة للاخر ودورت مفيش كبس فى القربة .
**** فكيت البوجيهات مفيش عليها مياه .
**** مفيش عندى اى اعراض سخونة الا لو المياه خلصت .
**** مفيش اى تقطيع او صعوبة فى الدوارة و الزيت مش طحينة .
**** بفكر اجيب مياه خضراء واضحى بيها علشان تعلم فى مكان التسريب السرى العجيب .
اللى عنده افكار يفكر معايا ممكن يكون ايه تانى والمياه بتروح فييييييين ؟؟؟؟

انا تفكيري يتجه نحو تسريب غير مرئي وفكرة المياة الخضراء بردو فكرة كويسة بس هقترح عليك تجيب ماية من الحنفية عادي وتضيف ليها لون (( مثلا الزهرة الزرقاء بتاع الغسيل هههههههه او اى لون صناعي وتوفر تمن الماية الخضرا بعد انتهاء المشكلة وبالمناسبة عاوز حضرتك تدور العربية ع السلانسية ولما العربية تاخد درجة حرارتها الطبيعية بطل وحاول تنزل تحت العربية لان كان عندي مشكلة مشابه واكتشفت ان التسريب من صدر الردياتير والتنقيط بيكون على الاكصدام من جوة

لو جوان وش السلندر بيسرب المبه بتنزل اما فى الزيت او فى الجكمان او داخل السلندر
لو فى الزيت طبعا كنت حتلاقى طحينه
لو من الجكمان حتلاقى بخار ميه زىى تعريق الموتور بس كتير قوى زىى العربيات اللى دايرة غاز
لو بتدخل جوة السلندر كانت العربية برجلت منك ولاقيت البوجيهات مصديه
اعتقد انه تسريب من ناحية الشجرة اللى جنب الموتور ده مش بيبان او من كوعه الترموستات
لو حطيت ميه حمراء حتبين مكان التسريب بتعمل بقعه بلون الميه
وربنا يقويك ؟؟