سؤال إلى الإخوة الخبراء والزملاء (أرجو الرد بسرعة)
السلام عليكم
عربيتي دايو ريسر موديل 1994
العربية لو ضبطت الدركسيون على خط مستقيم وسيبته تجيب شمال، المهم رحت للميكانيكية والعفشجية وسمعت الفتاوي التالية:
واحد قال الشاسية مأخر من قدام شمال وكان عايز يعمل حاجة اسمها شبلونة وطنشته.
واحد قال المقص اللي قدام شمال مأخر علشان كدة بتجيب شمال وكان عايز يعمل زرجينه على المقص وطنشته.
واحد قال المساعد مش نازل مستقيم يعني مايل وبرده طنشته.
المهم إمبارح رحت لبتاع زوايا ورصصت الأربع عجلات والزوايا وحكيت له على الموضوع، فقام مبدل العجل الأمامي يعني عكسه دي مكان ديه وقاللي لو العربية جابت يمين بدل ما كانت بتجيب شمال يبقى ده عيب كاوتش لأن فيه فرده أثقل من فرده!!!.
وبالقعل بعد ماعملنا كده العربية بقت بتجيب يمين.
السؤال هل ده فعلا عيب كاوتش؟ ولو هوه عيب كاوتش أنقل الكاوتش اللي ورا قدام ولا أشتري كاوتش جديد قدام؟
وشكرا على مساعدتكم
أنا آسف أضطريت أنشر الموضوع في منتدى الدايو مع إني حطه في منتدى الورشة ولكن لإني محتاج رد سريع
