قبل قرار الشراء رايكم بين موبيلين توب huawei و samsung

فيه مواضيع كتير بتتكلم عن الموبيلين

Samsung Galaxy Note4

http://phandroid.s3.amazonaws.com/wp...9757110559.jpg


Huawei ascend mate 7 32gb

http://scr3.golem.de/screenshots/140..._01_screen.png

انا كنت خلاص هشتري النوت بس الهواوي امكانياته مقاربه للنوت وبسعر اقل

يمكن عيوبه من مراجعات كتير

البيكسل دنستي قليله او درجة وضوح الشاشه

الكاميرا مش بنقاء النوت فور وخصوصا الفيديو

البطاريه ثابته مش ممكن تغيرها

الواجهه مختلفه عن النوت في انها كل الابلكيشنز في مكان واحد

مفيش السنسورز الموجوده في النوت

هاواوي كشركه مش بنفس قوت سامسونج وممكن ميكونش ليها نفس الدعم البرمجي

مدى توافر الاكسسوارات وقطع الغيار

وبرضوا النوت فور عيوبه

بصمه مش عمليه

تصميم مشابه لمعظم اجهزه سامسونج

بطاريه عليها ملاحظات وعلامات استفهام كتير

موضوع الفرق ما بين الشاشه والفريم

صوت من الاسبيكر مش نقي


رايكم نسخه 32 من هواوي ب 4500 في موبيل شوب

النوت فور ب 5800 في دريم 2000

يعنى كل العيوب دية ولسة بتقول مين افضل ؟؟

اكيد النوت 4 طبعا

هو بس عيب النوت 4 البطارية بتاعتة , فى الالعاب متواصل من بطارية مشحونة 90% الى 5% قعد 3ساعات تقريبا

وفى الاستخدام العام عموما يوم واحد شغل متوسط ,. ويوم ونصف شغل خفيف , بدون نت

بالنسبة للبصمة دية الحاجة الوحيدة اللى بيتفوق فيها الهواوى على المنافسين حتى ابل

انت أولي بفارق السعر
هواوي جهاز ممتاز وبشريحتين
وبطاريته جبارة

انا اول مرة اسمع عن موبايل اسمه هواوي!
انت ازاي بتفكر تحط فيه مبلغ كبير زي ده؟! انا عن نفسي مشجع كبير للنوت من يوم ما نزل النوت1 بس الحقيقه الحاله المعدنيه مش سامحه اني اجيب ال نوت4 دلوقت.. لكن انا شايفه اعلي من اي مقارنه

على فكره هواوي النسخه ال 32 اللون الدهبي نزلت النهارده دريم فرع تريمف ب 4077 ج

يا جماعة انا معاكم ان النوت اقوى كمواصفات بس متنسوش فرق السعر

المفروض يبقى السعر مقابل القيمه

وده اللي محيرني :(

مفيش اراء تاني ؟
الهواوي بقي ب 4100

mobile dreem

لو من هواة نقاء الشاشه والفيديوهات هات نوت 4 بلا تردد لان ميت 7 الوان باهته نسبيا

الشاشه السوبر ايمولد اختراع

اقتباس:

---

المشاركة الأصلية كتبت بواسطة hossam_elwani

لو من هواة نقاء الشاشه والفيديوهات هات نوت 4 بلا تردد لان ميت 7 الوان باهته نسبيا

الشاشه السوبر ايمولد اختراع

---

بصراحة النوت فالنقطة دي متفوق 515 ppi pixel
مقابل ~368 ppi pixel

انا كمان عاوز اجيب موبيل الاسبوع الجاي ان شاء الله ... و كنت برده محتار بين الموبيلين دول ..... بس في الاخر قررت اشتري الهواي نسخه ال ٣ جيجا ...... ملحوظه علي جنب كده الهواي بيجي معاه جراب فخم و شيك هديه :)