-
تجربتى مع النترا
انا عضو منذ مده معكم ولكن لظروف عملى وسفرى المتكرر كنت اتابع موضوعاتكم دون كتابه موضوعات احكى لكم عن تجربتى مع نيو النترا انا اشتريت السياره فى 3-2007 شامله كافه الكماليات تكيف تاتش وجنوط و سبب شراء الالنترا يرجع الى حبى لماركه هيونداى و اقتناعى بها بالاضافه الى امتلاكى اكسنت خليجى98 وكانت سياره فوق الممتازه واستخدمتها لمسافه 650000 الف كيلو وكانت ممتازه ليوم بيعها نعود الى النيو النترا انا استخدمتها لمسافه 41000 حتى الان وكانت جيده جدا السياره تمتاز بالثبات على السرعات العاليه ونسبه الضوضاء منخفضه داخل السياره و تكيف اكثر من رائع و نظام صوت جيد جدا و محرك قوى و شكل مميز مقارنه بالانسر و الكرولا 2007 اما السلبيات وهى انخفاض السياره نسبيا مما يودى الى الاحتكاك فى المطبات فى شوارعنا الجميله و الحاجه الى تربيط العفشه الخاصه بها كل فتره خاصه وان السياره ناشفه شويه مش ناعمه زى الكرولا انا باعمل الصيانه بتاعتها فى كارتك العبور بانتظام والى خلانى اروح هناك ترشيحكم للمركز وانه كويس ووجود م - بهاء هناك وهو مهندس محترم وشاطر جدا انا السياره بتاعتى حاليا هناك فيها مشكله فى ماستر الفرامل والظاهر انو عيب تصنيع وههتصلح فى الضمان ومنتظر يخلصوها بسرعه ارجو ان اكون افيد من يريد شراء الالنترا اى استفسار انا استطيع افادتكم بخصوص الالنترا :k1: ______________________________________ - ممنوع استخدام اللون الأحمر في الكتابة حيث أنه مخصص فقط للمداخلات الإدارية، تم تغيير لون الكتابة.
يرجى مراجعة قواعد المنتدى إ.م.3
-
هل الي معاك مانيوال ولي اوتوماتيك وفية فرء بينهم ولي المانيوال كويسة
-
انا اللى معايا اوتوماتيك وبالنسبه للفرق اعتقد ان دى مساله ارتياح فى شخص بيحب المانوال وتانى الاتوماتيك بس انا راى الشخصى ان المانيوال محتاجه الشباب اللى عايز يشد بالعربيه اما الاوتوماتيك فهى للى عايش فى المدن الزحمه زى القاهره وبيوقف كتير فى الاشارات والزحمه وبالتالى الاوتوماتيك افضل لانو مش بيبهدل فى الفتيس و الغيار بتاع السرعات و الفتيس الاتوماتيك والمانويل فى الالنترا كويس عن تجربه منى بس هيا اذواق
-
على فكره اللون الاحمر خاص بالاداره فقط
.
-
:k10:اسف لعدم علمى بالقواعد مع عدم التكرار
-
ربنا يباركلك فيها و الإلنترا عربية ممتازة فعلاً و عقبال المليون إن شاء الله..
على فكرة ونا بعمل صيانة الـ 10000 كان فيه عربيات إلنترا شركات سياحة بتعمل صيانات 50000 دورية بدون أي شكاوي.
إستفسار بسيط بس... الأكسنت فعلاً كانت عاملة 650 ألف بدون مشاكل؟... ما شاء الله.. أنا الأول شكيت في الرقم بصراحة إن يكون في صفر زيادة... بس أنا فعلاً مقتنع إنها عربية ممتازة و كمان الإكسيل و الإتنين حمالين أسية فعلاً.
-
السلام عليكم
ربنا يباركلك فيها اولا و يكفيك شرها
كنت عايز اسئلك علي معدل استهلاك البنزين فيها داخل و خارج المدينة ؟؟ و صينتها عشان انا سامع زي الكل علي معملة الوكيل ؟؟؟
معلش هتعبك معايا
-
بالنسنبه للاكسنت انا بايعها عامله 650000 الف كيلو بجد بس بامانه هيا كانت خليجى وانا كنت المالك الاول ليها وكانت زى الفل معايا
اما بالنسبه لاستهلاك البنزين انا العربيه اللى معايا مواصفات مصريه وبامانه فى داخل المدينه مع الزحمه بتاكل بنزين شويه اما على الطرق السريعه وفى السفر زى الفل مفيش استهلاك للبنزين خالص يعنى 20 لتر يمشوك مثلا من 250الى 280 ك حسب السرعه والتكيف
اما الصيانه فهى مكلفه بعض الشئ فى اوقات معينه بمعنى ان فى اوقات هتحتاج فلتر بنزين او تيل فرامل او فلتر تكيف او فلتر هواء بالاضافه للصيانه الدوريه وفى الحاله دى مكلفه اما الصيانه الدوريه مش مكلفه
الوكيل الى حد ما كويس انا جربته فى الاكسنت كتير اما الالنترا مره واحده فى صيانه 1000 ك وكان فى قليوب كانت زحمه جدا وبتاحد وقت كتير هناك ومن بعدها انا بعمل الصيانه فى كارتك العبور وهما ناس كويسه جدا جدا ومش بتاخد وقت خالص
ولكن لو مشكله مهمه انصح بغبور ابو رواش لانهم بيوفر قطع الغيار بسرعه لانه المركز الرئيسى
ونصيحتى لكل اللى عايز يشترى النترا يشترى اللى من الوكيل لعد ه اسباب :
1- الضمان وانا باكد على الضمان خاصه انى تعرضت لموقف وهو ماستر الفرامل هرب والعربيه لسه جديده وبصراحه اشكر المهندس عاطف لسرعه انهاء الاجراءات واتغير الماستر فى الضمان
2- العربيات الخليجى من ناحيه الكماليات ممكن تكون زياده ولكن مصممه للبلاد دى مفيش مطبات العفشه مختلفه والماتور مختلف فى بعض مكونات وده بياثر فى البنزين و استهلاكه وانا شفت الالنترا الخليجى بالمناسبه ومش حاسس باختلاف غير abs وده مش مؤثر بمعنى ان الالنترا الجديده فراملها كويسه جدا لاعتمادها على نظام جديد
3- العربيه الخليجى لو ارخص من الوكيل فالضمان بيغنيك عن مشاكل انت فى غنا عنها خاصه وان السياره جديده وقطع غيار مكلفه جدا فى الاول وبالتالى فالزياده انت بتريح بالك
ارجو ان اكون افدت الجميع واجبت على استفسار تهم
-
شكرا علي الرد
بس المعدل دا 250/280 في البنزين دا في الطرق السريعة ولا داخل المدينة
-
Content Relevant URLs by
vBSEO 3.6.0 PL2