ايه الأحسن و ليه مع العلم إني مش فارق معايا لا السعر و لا موضوع البنزين ال95 :) و شكرا مقدماً !!!
عرض للطباعة
ايه الأحسن و ليه مع العلم إني مش فارق معايا لا السعر و لا موضوع البنزين ال95 :) و شكرا مقدماً !!!
محصليش شرف قيادة العربيتين لكن ابرز الفروق بين العربيتين
ال X1 دفع خلفى واطول حاجه بسيطه
ال GLA موتور اصغر في السعه لكن اقوى فى الأداء واستهلاك بنزين أفضل وشكل أحدث
في الوقت الحالي اختار ال gla لكن ممكن ال X1 الجديده تبقى أجمد المفروض هاتنزل في خلال سنه
انا فى نفس الحيرة دية بس الى مقلقلنى موضوع المواتير الى باظت بتاعت مرسيدس بس gla200 أميز كتير من ال X1 بمراحل كشكل وموتور والنتريور بتاعها جميل جدا البى ام تتفوق فى الدفع الخلفي فقط
بدون تفكير ال gla :)
كل تصميمات و موديلات المرك حاليا ثوريه جدا و تتفوق ...
على الاقل حتى تغيير البى ام القادم ...
تحياتى ...
Eng. Safwat Saleh جاب لحضرتك الفايدة بتاعت الموضوع، والله أعلم.
ال GLA200 ركبتها داخل معرض هى والادى Q3 وكنت بقارنهم من فترة للشراء لصديق لى واختار GLA واحب اقولك انها افضل من X1 حتى المواصفات من راى افضل كانتريور وتصميم داخلى وخارجى واداء
لو حضرتك بتقارن يبقى مع اودى Q3 البى ام انا بحترمها جداً وعامل تقارير عنها ولاكن الفترة الاخيرة مرسيدس واودى من راى سيارتهم تتفوق
ودة مقارنة سريعة بين المحركات
مرسيدس GLA 200
1.6 - 156 حصان /5300 دورة فى الدقيقة
عزم / 250- نيوتن/م
السرعة القصوى / 215 كم /س
من 0 ل 100/ 8.8 ثانية
ناقل الحركة / 7G- DCT
معدل الانضغاط / 10.3
معدل استهلاك الوقود / 7.1 لكل 100 كم
اودى Q3
1.4TFSI
- 150 حصان
عزم / 250- نيوتن/م
السرعة القصوى /200 كم/س
0 ل 100كم / 8.9 ثانية
ناقل الحركة /6s-stronic
معدل الانضغاط / 10.0
معدل استهلاك الوقود / 7.7 لتر / 100 كلم
bmw x1
2.0 - 150 حصان / 6400 دورة فى الدقيقة
عزم / 200 نيوتن/ م
السرعة القصوى / 200 كم/س
0 ل 100 كم / 10.4 ثانية
ناقل الحركة / 8s-steptronic
معدل الانضغاط / 10.5
معدل استهلاك الوقود / 10.9 لكل 100 كلم
..
[youtube]http://www.youtube.com/watch?v=Fq2bUpwwtbs[/youtube]
http://nileup.com/up/uploads/nilemotors_14214417931.jpghttp://nileup.com/up/uploads/nilemotors_14214417933.jpghttp://nileup.com/up/uploads/nilemotors_14214417932.jpg
لو بنتكلمعلى كل المرسيدس الجديد ... هى تعليمات كتيب التشغيل حد ادنى ٩٣ ...
فلو ٩٢ بيور مفيش مشكله مع عدم الضغط على العربيه ...
ب ٩٥ سليم او حتى لو وصل ٩٣ مفيش اى مشكله ان شاء الله ...
الى بيحط ٩٥ بتبقى المحطه سمعتها كويسه مثل الامارات ... و الكل اجمع عليها ...
او محطات اخرى عندها ٩٢ و ٩٥ فقط ... لعدم الغش ب ٨٠ ...
و فى حاله غش البنزين ... او اوكتان اقل ... العربيه مجهزه ب knock sensor لتقليل ال compression ratio ... و عندك اعراض اخرى مثل الكركره و خبط الموتور و لمبه التشك انجن ... فى الحاله ده لازم عدم الضغط على الموتور و تفضى التنك و تفول ٩٥ ...
هى اغلب المشاكل لغش البنزين حصلت فى الفتره الى تم فيها رفع الاسعار و زياده الفجوه بين ٩٢ و ٩٥ ... و بتحليل بعض المواتير اتضح ان لاوكتان ٨٧ يعنى ال ٩٢ مغشوش ب ٨٠ !!!
حاليا الموضوع ماشى طبيعى ...و مفيش شكاوى ... و المبيعات ابتدت تزيد ... بعد ما كانت شبه متوقفه ...
تحياتى ...
طيب لية المواتير باظت بالرغم من وجود knock sensor حتى مع بنزين ٩٥ بردة المواتير باظت هل الكلام دة صحيح ولا الواحد يريح دماغة ويجيب ال ٣١٦ وخلاص بالرغم ان مفهاش ولا زينون رلا لِيد وواطية عن الارض وسعرها أغلى من ال gla ولسة هتعلى كمان على كلام بتاع المبيعات
ما انا وضحت لك الى حصل بالتفصيل :)
طالما البنزين مش مغشوش .. مفيش مشاكل .. دى الخلاصه ...
و ال knock sensor له حدود يعمل بها ... يعنى لو 87 اوكتان حيعمل ايه ؟؟
ما هو لو الموضوع كده سهل كان ممكن أستعمال 80 :)
المرسيدس الجديد مفيهوش اى مشاكل مع ال 95 ...
موضوع البى ام ده يرجع لك ... انا و ضحت بهدوء و كل حياديه الى حصل ... و كل واحد يفكر و يحسبها بطريقته الخاصه و ما يناسب ظروفه ...
تحياتى ...
أنا ان شاء اللة هعمل test drive ليها يوم الخميس الى جاى ان شاء اللة هبقى اقولكوا الانطباعات الأولية
Gla 200
انا عملتها تست دريف انهاردة العربية وهم يا جماعة وتسارع فوق الممتاز وعالية عن الارض وفيها كل المميزات فوق الوصف
كاوبشنز و تكنولوجيا ال gla تتفوق طبعا
ال x1 موديل قديم و خصوصا اللي عندنا بمتور و فتيس الe90
فلو زي ما بتقول ال95 مش فارق معاك يبقي GLA طبعا
gla اقتنعت بيها اكتر اخيرا
ولسه محلصش تغير فالبي ام
كلامي رأي ليس الا