عرض للطباعة
السلام عليكم
عايز أشتري أول عربية ليا تكون في حدود 15 ألف علشان هاتعلم عليها السواقة والمفترض تقعد معايا في حدود سنتين بأمر الله.
أسرتي صغيرة ومشاويري اتنين تلاتة متوسطين في الأسبوع، وسفر نادر يمكن مرة أو مرتين في السنة.
ناس اقترحت 128 آخر الثمانينات، وناس تانية مازدا 323.
وطبعا عايزها متقرفنيش خصوصا إنها أول عربية.
حد عنده أي اقتراحات؟
وجزاكم الله خيرا مقدما
دور على 128 مشدودة يعنى معمول لها عمرة و مظبطة شاسيه و دوكو
كدة ريحت دماغك من 2500 جنيه عمرة
1600 دوكو
1000 سمكرة
وكبيرك عمل شوية شغل فى العفشة او الراديراتير لن يزيدوعن 1500 جنيه
المازدا بهذا السعر فاسدة !!!
المهم تكون حالة كويسة وتكشف عليها citroen AX
هات 127 بحيث يبقى معاك فلوس تعرف تشدها
أنا مبدئيا إن شاء الله استقريت على 128 أواخر الثمانينات تكون حالتها كويسة لكذا سبب، أولا أتعلم عليها السواقة ومتقرفنيش، ثانيا أتودك فيها ع الميكانيكا، وأخيرًا إن شاء الله هي هتكون عربية مؤقتة وشوية وهافكر أغيرها.
تسلمو يا جماعة على الردود