٧ ده في تكاليف المعيشةاقتباس:
المشاركة الأصلية كتبت بواسطة mmolazem
كمثال لو مشوار ٥ كيلو بالتاكسي هيكلفك في مصر ١٠ جنيه تقريبا... في البحرين نفس المشوار هيكلفك ما يساوي ١٢٠ جنيه :)
مثال آخر: لو انت مربتك ٥٠٠٠ درهم في دبي... هيعيشك أكن مرتبك ١٥٠٠-٢٠٠٠ جنيه في مصر بالظبط رغم ان الدرهم بـ ٢ جنيه :))
باستثناء الهند بعدنا والصين في نفس المستوى تقريبااقتباس:
المشاركة الأصلية كتبت بواسطة أبو آسر
أنا معاك في دي
بس برضو لو كان عدد سكاننا فضل ثابت زي ماحنا سنة ١٩٨٠... كنا هنبقى في نفس متوسط دخل أسبانيا أو البرتغال :))
دا كان يعتبر ميزة كبيرة جدا لأى مستثمر خارجى انه ييجى يستثمر فيها لقله التكاليف
بس طبعا الفساد اللى مالى البلد ضيع علينا الميزة دى
اقتباس:
المشاركة الأصلية كتبت بواسطة ainshouka
سعر الاراضى فى القاهرة الجديدة .. المتر بـ 4 آلاف جنيه للمصريين و بـ 300 جنيه للإماراتيين
امال انتو هتاخدوا الملابس المستعمله مجاناً !!!
علي فرض ان العيشه في مصر رخيصه مع انها مش رخيصه و في ناس بتاكل من الزباله بس همشي مع الفرضيه دي
احنا بناخد خدمات قذره في مقابل العيشه الرخيصه الوهميه دي
احنا بنمشي علي مدقات مش اسفلت بتاع بني ادمين بس العيشه رخيصه
ده مجرد مثال
نيجي بقه للواقع المرير
شقه في مكان قابل للسكن مش هتقل عن 400 الف جنيه يعني اكتر من 50 الف دولار
عربيه خامات تعبانه تقفيل مصري هتخش في ال 90 الف جنيه دلوقتي يعني اكتر من 12 الف دولار
قال العيشه رخيصه :))))
العربيات غاليه نظرا لموضوع الجمارك البائس
الرجل صاحب الموضوع يجماعه قصدو حاجه تانيه
طبعا خدمات البلد منيله واسفلت منيل وده يتعاب عليه من الاداره او الحكومه
انما الرجل بيقول من ارخص الدول اللى تعرف تعيش فيها وده ملموس لاى حد سافر بره
حتى الشقه اللى انت بتقول عليها حضرتك ب 400الف بره فى دوله زى المانيا ب 200الف يورو و 150الف يورو
ربنا يصلح حال بلدنا رغم الادراه الفاشله اللى ماسكاها
في ناس بتاكل من الزبالة في العالم كله وفي أوروبا وفي أمريكا زي هنا بالظبطاقتباس:
المشاركة الأصلية كتبت بواسطة باسم يوسف
أنا معاك في دي... الخدمات العامة سيئةاقتباس:
المشاركة الأصلية كتبت بواسطة باسم يوسف
بس برضو أحيانا بعض الخدمات الأخرى هنا بتبقى كويسة وزي برة لكن أرخص بكتير
عشان كده ممكن تلاقي واحد جاي مصر مخصوص يعمل ليزك مثلا
معاك في دي مفيش كلام.... بس برضو خلي بالك ان بره في بعض الدول بيدفع ضرايب قد تصل لـ ٦٠٪ من مرتبه عشان يحصل على خدمة نضيفة أو طريق متسفلت.... لكن ده برضو لا يبرر سوء بعض الخدماتاقتباس:
المشاركة الأصلية كتبت بواسطة باسم يوسف
رخيصة جدا جدا جدا جدا بالنسبة لأي دولة تاني في العالماقتباس:
المشاركة الأصلية كتبت بواسطة باسم يوسف
كمثال في لندن على أطراف المدينة الشقة المتر بـ ٥ آلاف جنيه استرليني وفي وسط المدينة الضعف
http://www.numbeo.com/cost-of-living...om&city=London
يعني الشقة الـ ١٠٠ متر في لندن تقف عليك بحوالي ٦ مليون جنيه في العبور و الضعف يعني ١٢ مليون جنيه في مدينة نصر :)))
عشان كده مفيش حد هناك بيشتري شقق أصلا كله ايجار.... تخيل لو الشاب البريطاني مطلوب منه يحوش ويشتري شقة بـ ٦ مليون عشان يتجوز... عشان كده كمان مفيش حد بيتجوز بره أصلا :))
في الكويت ايجار الستوديو ١٥٠ دينار أقل حاجة يعني ٣٨٠٠ جنيه
في دبي ايجار السرير (مش الأوضة وأحيانا سرير علوي) ١٠٠٠ درهم
دي معاك حق.... هي مصر رخيصة في كل حاجة ماعدا العربيات وبعض الالكترونيات (مش كلها) زي الموبايلاتاقتباس:
المشاركة الأصلية كتبت بواسطة باسم يوسف
لكن في المقابل الدول اللي فيها زحام مروري زي مصر بتعمل بعض القيود... زي مثلا في المكسيك بعض الألوان أو النمر مسموح لها تمشي في العاصمة بعض ٣ أيام في الأسبوع والألوان الباقية باقي أيام الأسبوع
وفي ماليزيا أو اندونيسيا أظن في عدد محدد من السيارات مسموح بشرائه سنويا داخل كل مدينة
في مصر القيود دي مش موجودة لكن في جمارك لأنه لو قللها هيبقى في اقبال أكبر على السيارات
عموما كده كده الجمارك هتتلغي عالأوروبي في خلال ٥ سنين
الهدف من الموضوع ببساطة ان في ناس عاوزة تهاجر برة وخلاصاقتباس:
المشاركة الأصلية كتبت بواسطة amrelsha3er
الهجرة نفسها مش غلط ولا يقلل من من وطنية أي حد في شيء
لكن مش هجرة في أي حتة ولآي حاجة وخلاص
يعني لازم يكون في هدف أو في فرصة حلوة متترفضش أو مرتب عالي ويكون مخطط هيعمل ايه هناك
أنا اتكلمت مع ناس كتير أجانب والدنيا يعني عندهم مش الجنة زي ماحنا متخيلين.... ولا هما مبسوطين... ولا بيمشوا في الشارع يغنوا الحياة لونها بمبي
وفي كتير في أمريكا أو أوروبا لو سألتهم حلم حياتهم انهم يشتغلوا في دبي.... وفي دول زي أوكرانيا مثلا نفسهم يعيشوا حتى لو في مصر
تاني مبدأ الهجرة مش غلط ومش عيب.... لكن العيب في اللي عاوز يهاجر ويشتم في البلد وفي أهلها ويقولك "ربنا أخرجنا من هذه القرية الظالم أهلها" على أساس يعني انه مهاجر من مكة للمدينة.... وهو أصلا بنسبة ٩٩٪ مهاجر لدنيا يصيبها أو امرأة ينكحها
احصائيات كويسة ! .. بس .. هل ده يغير من الواقع شيء ؟ .. الهوة في الترتيب بين الدخل القومي و دخل الفرد .. و حسب مصادرك .. دليل على سوء توزيع الثروة .. ما فيش في الاحصائية ربط بين تكلفة المعيشة و متوسط الدخل .. ما فيش اي ذكر لفرق الجودة بين نفس الخدمة بالدول الرخيصة و الدول المكلفة ! .. مشكلة الارقام الصماء انها احيانا لا تنقل الواقع بدقة ! .. طيب .. حضرتك شخصيا .. تفضل تعيش في .. و حسب مصدرك في ترتيب الدول .. في اعلى 3 دول مكلفة .. و لا في ارخص 3 دول ؟
الاحصائيات عموما بالنسبة لـ "نصيب الفرد من الدخل القومي" بتفترض توزيع الدخل القومي بالتساوي على عدد السكان....اقتباس:
المشاركة الأصلية كتبت بواسطة forever.leo
لكن الواقع غير كده وفي فعلا في سوء في توزيع الدخل القومي.... لكن دي مش مشكلة مصر.... دي مشكلة البشرية كلها إلى أن يرث الله الأرض ومن عليها.... وموجودة في الدول المتقدمة زيها زي الدول المتخلفة.... والنقطة بالذات كانت محور الصراع العالمي لنصف قرن كامل بين المعسكر الرأسمالي والمعسكر الشيوعي.... ونظريات كتير اتعملت زي الماركسية وثورات وملايين الناس ماتت وفي النهاية البشرية موصلتش لأي حاجة والمشكلة موجودة زي ما هي وكل يوم أكبر من الأول
بالنسبة ليا أفضل أعيش فين؟
أنا أفضل أشتغل في أي دولة مرتباتها جدا كام سنة (سنتين تلاتة عشرة) لغاية لما أعمل مبلغ محترم وبعدين أستقر في بلد من البلاد اللي تكلفة المعيشة فيها منخفض زي مصر (ومش شرط مصر ممكن المغرب مثلا لو الأوضاع في مصر مش كويسة وقتها لا قدر الله)
يعني لو مثلا اشتغلت في ألمانيا ٧ سنين وحوشت ٣٠٠ ألف يورو مثلا.... المبلغ ده هناك عادي مش مبلغ ضخم قوي وهتعيش كمواطن عادي خالص.... انما لو جيت هنا مصر هعيش بيه ملك فوق القانون أصلا :)) و مش هحتاج أشتغل تاني أصلا بقيت حياتي.... يعني بدل ماعيش مواطن درجة تالتة بره... أعيش درجة أولى هنا أحسن
ومفيش مانع طبعا ان أزور أوروبا أو أي حتة مرتين تلاتة أربعة في السنة بعد كده
ولو جيت مصر مش هعيش في القاهرة.... لأ هعيش في مدينة هادية زي الغردقة أو الجونة أو شرم أو دهب
يعني هي طريقة تفكيري ومش شرط أكون صح....... (وناس كتير قبل الثورة كانت عايشة برة وبتفكر كده فعلا وكانوا بيفكروا يرجعوا)!!!!!!!