الموضوع: استفسارات بخصوص السجائر الالكترونية

من يومين جاتلى سيجاره اليكترونيه ego هيديه بمناسبة عيد ملادى
عجبتنى الفكرة حيث انى هقدر اشربها بسهولة فى اى مكان زى المكتب او باص الشغل اة حتى فى البيت من غير ما اؤذى حد..وكمان شايف انى ابطل التدخين دلوقت قبل ما اعانى من امراضه
المهم..انا دلوقت عجبتنى السيجاره الالكترونية دى بس لسه مش فاهم,انا ازاى كده هبطل تدخين؟!
هل كل الفكرة انى كنت بشرب سيجارة مؤذيه فبقيت بشرب سيجارة اقل اذى؟
ولا انا مع الوقت هكره السيجارة العادية وازهق من الالكترونية؟وازاى هزهق من الالكترونية اصلا وانا اسمع انها فيها نيكوتين برضه؟
هل انتوا مقتنعين بالسجاير الالكترونية اصلا؟

المشاركة الأصلية كتبت بواسطة mastr_n

خش اكتب على الجوجل بس اضرار السيجارة الاليكترونية وقابل ياباشا
بص من الاخر التدخين دة فية نوعين من الادمان

1- ادمان جسدى ودة بيروح خلال 4 ايام والنيكوتين ييخرج من الجسم
2- ادمان عقلى ودة عايز ارادة واقتناع ودة اصعب شىء
انا عايز اوصلك ان السيجارة الاليكترونية هاتزهق منها وهاترجع تانى علطول للسجاير العادية دة غير ان طعمها غبى جدااااا ماحبتهاش خالص
نصيحتى لو عايز تبطل بطل مرة واحدة كل انواع التدخين وساعتها هاتحس انك واحد تانى
الحمد للة مبطل من شهرين ونص بعد 15 سنة تدخين ومش ناوى ارجع تانى

انا مقتنع بنصيحتك جدا بس الفكره ان السيجاره الالكترونيه بقت عندي فعلا فبحاول استفيد منها وتساعدني ف تبطيل السجاير..بالنسبه لاضرار السجاير الالكترونيه فده حواليه كلام كتير خصوصا ان شركات السجاير طبعا من مصلحتها تشوه منها بس تقريبا اتفقت الاراء ان السيجاره الالكترونيه في أسوأ الظروف اضرارها اقل من السيجاره العادية
احييك طلعا علي ارادتك القويه بس خد بالك.. انا قبل كدة بطلت السجاير 3 شهور ورجعتلها تاني :d