اللوجان Mcv الـ 7 راكب

**mostafabakry** · 04-11-2008 03:47 PM

اولا السلام عليكم و رحمة الله و بركاته

يا جماعة انا بحاول اجد اي معلومات عن العربية دي وو لكن انا ملاحظ ان العربية ما حدش بيتكلم عنها هنا في المنتدي الا قليل جدا جدا
طبعا انا عارف ان العربية لسه انتشارها قليل في البلد و يمكن ما حدش اشتراها في المنتدي هنا
بس يا ريت لو اي حد من حضراتكم يعرف اي معلومة عنها حتي و لو كانت عن طريق النت يعني مثلا اراء الناس فيها سواء في اوروبا او اي مكان اخر يقولنا ايه انطباعات الناس عنها
لو حد يعرف حد اشتراها ممكن يفيدنا بالمعلومات اللي عنده
لو حد شايف عيوب في العربية او له تعليقات علي شئ معين فيها
يعني اي معلومة ممكن تفيد
انا اللي اعرفة ان العربية ال 7 راكب الفول اوبشن سعرها 98 الف جنية و بصراحة انا شفت العربية دي مرة واحدة و ركبتها و هي واقفة من غير ما اتحرك بيها يعني اتفرجت عليها بس و حسيت انها واسعه جدا و مريحة ولكني ما تمكنتش من اني اتفحصها كويس عشان اقدر احكم عليها بدون تسرع
و لكن مبدئيا انا عاجبني شكل العربية و متقبله لكن طيبعا يهمني اداء محرك العؤبية و هي محمله 7 راكب و اداء العفشة و استهلاك البنزين و اداء التكييف و ارتفاعها عن الأرض هي و محمله كل حمولتها و اتزانها من غير كامل الحموله
طبعا انا اللي قلقني من العربية ان محركها 1600 سي سي ب 8 صباب مش 16 فمش عارف هل دا هيبقي كويس مع حموله 7 راكب بامتعتهم في السفر
انا مش غاوي جري و سحب جامد بالعربية بس في نفس الوقت عاوز احس ان انا راكب عربية ممكن تنجدني في اي وقت و احس ان الموتور العربية مرتاح والعربية بكامل حمولتها

متظر ردودكم
جزاكم الله خيرا

**askoda** · 04-11-2008 03:49 PM

ana kan fi wa7ed mashy gamby embare7 3ala elda2er wkaan m7amel a3taked 6 persons

wkanet el3arabya sa7baha kwayes 2awy :)

**mostafabakry** · 04-11-2008 05:11 PM

شكرا علي اهتمامك و ردك اللي طمني شويه علي العربية دي

**mostafabakry** · 06-11-2008 04:10 PM

ايه يا جماعة ماحدش عارف اي حاجة عن العربية دي
هي للدرجة دي مش منتشرة ؟؟؟؟؟؟؟
يا جماعة مش لازم تكون معلومات فنية عن العربية يعني لو حد شافها و هي ماشية في الشارع يقولنا ايه انطباعة علي شكل العربية مقبول و لا وحش
المهم اي حاااااااااااااااجة
انا لسه منتظر اي معلومة عن العربية ممكن تفيدني

**askoda** · 06-11-2008 04:15 PM

ana ha2olk

bsra7a el3arabya di a7la keteer mn elsedan bta3etha

w i think enaha bgad kwayesa

E3mel est5arra wrabena yekremak isA

**hesham_tawfiq** · 06-11-2008 04:16 PM

ماهى المشكله ان كل اللى شافها شافها فالشارع بس وانا بشوفها كتير فى 6 اكتوبر
فلو هتفكر بطريقه عمليه حتعجبك العربيه انما لو حطيت الشكل من ضمن العناصر اللى تحدد قرارك يالشراء اظن الافانسيس تكسب غير كده هتلائى اى موديل تانى من فوق ال 150 الف وطالع.

**mostafabakry** · 06-11-2008 04:54 PM

المشاركة الأصلية كتبت بواسطة askoda

ana ha2olk

bsra7a el3arabya di a7la keteer mn elsedan bta3etha

w i think enaha bgad kwayesa

E3mel est5arra wrabena yekremak isA

يا باشا ربنا يكرمك دايما بتاخد بخاطري و رديت عليا مرتين

انا زي حضرتك شايف ان العربية شكلها احلي من النسخة السيدان بتاعتها و انها افضل منها انها متعددة الأغراض
يعني ممكن تشيل 7 راكب او 2 راكب و تبقي العربية فاضية من ورا تشغلها زي ما انت تحب
عموما شكرا لحضرتك اتني مره

**mostafabakry** · 06-11-2008 05:04 PM

المشاركة الأصلية كتبت بواسطة hesham_tawfiq

ماهى المشكله ان كل اللى شافها شافها فالشارع بس وانا بشوفها كتير فى 6 اكتوبر
فلو هتفكر بطريقه عمليه حتعجبك العربيه انما لو حطيت الشكل من ضمن العناصر اللى تحدد قرارك يالشراء اظن الافانسيس تكسب غير كده هتلائى اى موديل تانى من فوق ال 150 الف وطالع.

طبعا انا بفكر بطريقة عملية وفي نفس الوقت نفسي اركب عربية شكلها مقبول نوعا ما
اللوجان MCV لما شفتها عجبتني بالرغم اني ما بحبش العربيات الهاتشباك بس اللوجان عربية مريحة بالنسبة لشكلها و طبعا امكانياتها مقبوله
بالنسبة للأفانزا انا بصراحة شفتها مرة واحدة و ما ارتحتلهاش حسيت ان عالية بدرجة كبيرة و اتزانها ممكن يتأثر بارتفاعها دا
و تقريبا عرفت ان موتورها 1300 سي سي مش 1600 سي سي و انا اعتقد انه صغير جدا بالنسبة لعربية 7 راكب وممكن تسافر

انا سؤالي هو اي اخبار اعتمادية العربيات الداتشيا
بمعني ان شركة داتشيا دي ايه اخبار سمعتها و خبرتها في صناعة السيارات

بالنسبة لموضوع روماني دي انا مش قلقان منها لأنها علي الأقل ملتزمة بمواصفات الإتحاد الأوروبي و في اسوأ الأحوال مش هتكون اقل من الصيني اللي ملا البلد و الناس بتشتريه عادي و ما بتخافش منه زي الاول
انا اعرف ان رومانيا متقدمة جدا في صناعة المعدات الزراعية زي المحاريث الزراعية و غيرها و دا في حد ذاته يبين انهم ليهم خبرتهم في الصناعة بس مش عارف هل دا بينطبق علي المعدات الزراعية فقط ولا السيارات كمان

منتظر تفاعل اكتر من اخواننا الأعضاء

**hesham_tawfiq** · 06-11-2008 05:57 PM

هو بالنسبه لعربيتى انا مرتاح منها جدا لحد دلوئتى والحمد لله مفيش اى شكوى واعتقد دا راى باقى الشباب اللى معاهم لوجان هنا فى المنتدى
توكل على الله وهاتها لانها فعلا انا شايف من وجهة نظرى انها عربيه كويسه جدا بسعر كويس جدا

**mostafabakry** · 07-11-2008 01:17 PM

أ/ هشام
هي عربية حضرتك لوجان سيدان ولا Mcv ????

الموضوع: اللوجان Mcv الـ 7 راكب

LinkBack

أدوات الموضوع

عرض

اللوجان Mcv الـ 7 راكب - انشر الموضوع فى :

-

-

-

-

-

المواضيع المتشابهه

سعر اللوجان ال7 راكب ؟؟؟

طلب بخصوص اللوجان 7 راكب

سمعت ان اللوجان ال 7 راكب فرنساوى فهل ده صحيح وهل الكارينز 7 راكب افضل

هوه فيه فى اللوجان نازل 7 راكب اتوماتك

حد جرب اللوجان Mcv سبعة راكب ؟؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة