خليك قاعد ياباسم هنا كده كده العالم بينهار اساسا وشكلها هترسى على حرب عالمية تالته ومش هيبقى فيها لا هجرة خارجية ولا داخلية ولا الحمالة
خليك قاعد ياباسم هنا كده كده العالم بينهار اساسا وشكلها هترسى على حرب عالمية تالته ومش هيبقى فيها لا هجرة خارجية ولا داخلية ولا الحمالة
اقعد فين يا عم الحاج ؟؟؟؟
العيشه هنا بقت تكفر الواحد و الله
كميه مواقف حقيره بتحصل كل يوم
انا ضغطي بقي عالي بسبب البلاوي اللي بتحصل كل يوم
كفايه كده
حرب و لا مش حرب مش فارقه المهم اغور من ام المخروبه دي
حاجه تقرف
ياريت كان عندى معلومات افيدك بيها
بس انا داخل اقولك ربنا يوفقك و يحافظ عليك
و يكرمك و يساعدك فى تحقيق حلمك بحياة افضل
و لو ما كانش فى نصيب فى الحياة الافضل بره
ففى السفر سبع فوائد اقلها انك هتبقى خضت التجربة بدل ما انت قاعد تحلم و تفكر و يعذبك التفكير و بس
أنا اشتغلت في السودان فترة صحيح مش كبيرة بس أقدر أقول لك الحياة أصعب من مصر عموماً.
مفيش بنية تحتية سليمة ولا أماكن ترفيه كويسة.
انصح حضرتك تفكر في ناميبيا.
أنا سافرت السودان مرتين؛ بلد تعيسة بمعنى الكلمة. الاقتصاد هناك تعبان و الناس فقيرة و الحاجة غالية (خصوصا المستوردة) نتيجة انخفاض قيمة الجنيه السوداني. الأستاذ اللي عايز يسافر المفروض يشوف بلد أحسن من مصر، مش أسوء. ده طبعاً. غير المشاكل الصحية هناك زي الحمى الصفراء و المالاريا. أما الفساد هناك فعايز مجلدات.
السودان ظريفة جدا لو دخلك عالي ...... غير كده هتكره عيشتك و ايامك ....... انا عشت هناك 8 شهور
والله الموضوع ده سببلي كابة بجد
هي حصلت نروح السودان نصور ورق؟!
بص يا استاذ باسم.. انا ليا زميل اشتغل ف السودان سنتين او تلاته.. كان في الخرطوم وبيقولي انها من اغلي عواصم العالم! ثم السودان بلد عربيه اسلاميه"لو هنتكلم ع شمال السودان"افريقية.. يعني فيها كل المشاكل اللي وقعت مصر
انا كان ممكن اتفهم واحد رايح علي فرصه شغل مغريه او رايح يستثمر ف الاراضي الزراعيه هناك..
لكن اللي انت بتفكر فيه ده والله عيخليك تصعب علي نفسك، مش للدرجه دي يا راجل
على فكرة الفكرة بتاعة باسم مش شاذة و لا حاجة لان فيه بزنسز كتير في الخرطوم ملك مصريين و شغالة الله ينور
محلات ايس كريم, مطاعم سمك, مكتبات, صرافة ...... الخ الخ الخ