هل في حاجه أو جهاز بيركب يخلي السنتر يقفل لواحده لما العربية سرعتها تعدي قيمة معينه؟

**ArafatEHegazy** · 04-11-2008 03:56 PM

السلام عليكم
أنا عندي سنتر في العربية وكنت عايزه يقفل لواحده اتوماتيك لما سرعة العربية تعدي قيمة معينه (يعني 20 كيلو في الساعه مثلا) ويفتح لما العربية تقف ...أنا شوفته في عربيات تانيه بس موش عارف دا أصلي ولا حاجه بتتركب.

أنا عايز أعمل كده علشان عندي أطفال صغيرين وموش عايز استخدم قفل الباب اللي في الجنب وامنع الفتح من الداخل لأنه بيركب معايا ناس تانيه كتير ...فبتبقي قصه ...

هل الجهاز دا موجود؟

**osamaelbaz** · 04-11-2008 11:32 PM

اى نوع سنتر متركب معاه انذار بيقفل لوحده بعد فترة من تشغيل العربية مش جهاز بيتركب ولا حاجة

**red_elantra** · 05-11-2008 12:41 AM

فى الالنترا عندى مع اول فرامل يقفل كل الابواب ودة نازل معاها وواول متبطل العربية وتشيل المفتاح تفتح ......... ودة مع الانذار والسنتر وفى زرار لفتح قفل الابواب وإن شاء الله همدك بالصور اللى توضح اكتر ........... انت ممكن تشترى سنتر الالنترا او حاجة زية بس اللى عندى دة ماشى حتى الان تمام وهو موجود مش نادر زى مالناس بتقول .

**MoMohsen** · 05-11-2008 11:10 AM

السنتر الولف العادى فيه الامكانية دية مع انها رخمة فى حاجه انك لو وقفت مثلا عشان تنزل واحد صاحبك بتضطر انك تفتح السنتر مانيوال بس المشكلة الاكبر ان اللى جانبك لما ييجى ينزل بيحاول يفتح الباب و يستعفى على الاوكرة وهو مش واخد باله ان السنتر مقفول..هو طبعا لو فية امكانيه انك تقفل الاوبشن ده هيبقى افضل بكتير

**محمد ابراهيم 1** · 05-11-2008 11:13 AM

الأوبل كورسا السيدان بتقفل بعد 100 متر من تحركها

وده أصلى

وفيه اللى مع اول فرمله وده بيتركب

**جمال** · 05-11-2008 01:31 PM

الهايما فاميلى بتقفل السنتر بعد سرعة 10 كم/ساعة وبفتح مع قفل الكونتاكت , وده بينزل معاها من المصنع

**wael_adel31** · 06-11-2008 09:18 AM

المشاركة الأصلية كتبت بواسطة MoMohsen

السنتر الولف العادى فيه الامكانية دية مع انها رخمة فى حاجه انك لو وقفت مثلا عشان تنزل واحد صاحبك بتضطر انك تفتح السنتر مانيوال بس المشكلة الاكبر ان اللى جانبك لما ييجى ينزل بيحاول يفتح الباب و يستعفى على الاوكرة وهو مش واخد باله ان السنتر مقفول..هو طبعا لو فية امكانيه انك تقفل الاوبشن ده هيبقى افضل بكتير

1000000000000000+

**hosiny** · 30-11-2008 03:27 PM

This option can be activated by connection the maintenance computer yo your car if it is Skoda combi.I bought my car Octavia A4 without this option and my mechanic activated it for me(close center when you reach 20KM per hour)

You don't have to buy anything
Sorry don't have arabic keyboard right now