كاوتش الأوبترا

**Karim_Monir** · 21-01-2015 11:19 AM

بريدجستون عنده انواع رخيصه شويه زي my02
تقدر تكلمهم علي 19187 وتستفيد بخصم المنتدي لو معاك الاستيكر 5% علي الكاوتش و 50% علي الخدمات
وعندهم نوع تركي اسمه ستار ماكس ركبته في السريون بتاعت المدام ممتاز قوي بس عيبه صوته علي السرعات شنيع
فبما انها عربيه سيتي كار مش فارق معايا بس كاوتش حمال اسيه قوي بصراحه

**J A G U A R** · 21-01-2015 03:02 PM

المشاركة الأصلية كتبت بواسطة mona_881

اﻷخ jaguar صلوا ع النبي الموضوع مش مستاهل تشاحن وتلاسن علشان خاطر شوية هوا في اطار كاوتش شايلين العربية واللي راكبها دا هو كله ستر ربنا مش اكتر وﻻ اقل
انا قريت الموضوع اللي في اللنك وهما اتنين اللي ظهر عندهم البلالين واحد مركب جنط 17 والتاني اخد مطب شديد علي سرعة عالية زي ما حصل معايا شخصيا بالظبط والحمدلله بالونة صغيرة جدا جدا ومشيت عليها فترة كبيرة لأني مكنتش واخدة بالي منها من صغرها
وعلي فكرة كان لونها اسود لأن الكاوتش لونة اسود هههههه
ربنا يسترها معانا جميعا ويكتب لنا الخير وتصبحوا علي خير

عليه الصلاه والسلام
وطبعا مفيش حاجه مستاهله كله بستر ربنا والله

بس حاجه انا هاقولها وربنا هيحاسبنى عليها .. الفرده الكومهو اكستا فى المقاس ده تحديدا 185/65/r14 انا لبست بيها فى حفر ومطبات وطرق مكسره ومفيش اى بلالين ظهرت .. وطبيعى جدا يظهر بلالين فى الجنط ال 17 ايا كان نوع الكاوتش .... وفى حاجه كمان احنا دلوقتى بنتكلم على فرده ب 450 جنيه وادائها بالنسبه لسعرها يعتبر ممتاز وده مش معناه انها افضل حاجه .. بس احنا بنتكلم كقيمه مقابل سعر .. انما بقى اللى ربنا موسعها عليه ويقدر يجيب فرده ب 800 جنيه يبقى ربنا يباركله

**ahmed106** · 07-02-2015 10:05 AM

انا مغير الكاوتش من حوالي سبعة شهور ركبت نوع حلو اسمه اكسليرا كان بحوالي 375 جنيه الفردة غيرت اربع فرد كويس الحمد لله معايا لغاية دلوقتي ما شي بيه 5000 كم زي الفل كانت جايبه من اشرفكو في ميدان السواح امام قصر القبة الميزة الحلوة ان انتاجه شهر 5 / 2014