الموضوع: 308 الجديدة 2015 صور + مواصفات + السعر

السلام عليكم
دى يارجالة الـ 308 الجديدة 2015
انا شوفتها إمبارح والحقيقة فى منتهى الجمال والشياكة الفرنسية الأنيقة وشكلها يجنن :)
عجبنى جدااا نظام الإضاءة الليد الأمامى تحفة والعدسات شياكة والنور خيال
هى لسه نازلة بقالها تقريبا يومين تلاتة ومفيش اى معلومات عنها ولا حتى عملوا بورشور ليها
ولا يعرفوا تسليم امتى ولا اى حاجة لسه ميعرفوش !

المواصفات :

موتور 1600 تيربو 164 حصان 240 نيوتن على 1400 RPM
Euro 6
من 0 لـ 100 8 ثوانى (مش متأكد)
فتيس اوتوماتيك 6 نقلات
سقف بانوراما
أنوار full led
جنط 17 ( 225/45 )
حساسات خلفية وأمامية
مثبت سرعة
فوج لايت
هاند بريك كهرباء
شاشة تاتش
هو تقريبا مش ناقصها حاجة غير البصمة
بنزين 92 مع تأكيد منهم هناك

السعر : ...... هخليه بعد الصور فى الأخر :)


الصور :






















































السعر : 235 ألف جنية مصرى فقط لاغير :)

وشكرااااااا

المشاركة الأصلية كتبت بواسطة OldVic

طيب و بالنسبة لعناصر الأمان؟ يعني كام إيرباج؟ فيه esp ولا لأ؟

جميع مواصفات الامان موجودة طبعا
وفيها esp و 6 ايرباج ودول شوفتهم بعينى :) ان مكنش اكتر

المشاركة الأصلية كتبت بواسطة M.Radwan

دي كده جديدة؟ دي نازلة في أوروبا بقالها أكتر من سنة :d
بس بصراحة تحفة فنية!

بالنسبة لمصر لسه جديدة نوفى :)
ولو شوفتها على الطبيعة هتنبهر :)

المشاركة الأصلية كتبت بواسطة Ramy_2R

حلوه ك تصميم خارجي
بس أيه التبلوه الغريب ده :d

لذيذة من جوة مش وحشة :)

المشاركة الأصلية كتبت بواسطة tamerkhalid

المشكله بتحتاج بنزين 95

بتاخد 92 عادى

المشاركة الأصلية كتبت بواسطة ENG.MaRk

العربية تحفة فنية و سعرها مبالغ فيه و أنا مادفعش فيها كل ده !!!

متنساش ان دى أعلى فئة وممكن ينزلوا فئات اقل بسعر اقل طبعا
وكمان دى بتخاطب فئة معينة وبتنافس الجولف وشوف الجولف بكام؟
اول فئة ب 230 الف ودى قرعة وتانى فئة ب 260 ومفيش فيها اللى فى ال 308
ومننساش الفتيس الجميل اللى واقف سوقها
وفى رأى البيجو تكسب ومتقلش فى اى حاجة عن الجولف غير فى العفشة المالتى لينك :)

المشاركة الأصلية كتبت بواسطة ahmedwagdy03

السعر عادى بالنسبة للفئة

المهم بلد المنشأ إيه مغرب و لا حاجة تانى

بيتهيألى فرنساوى كلها بس مش متأكد