حد يفهمنى ايه موضوع الاتوبيس الخاص بتاع التويوتا البرادو

**agamy2** · 04-11-2008 04:02 PM

حد يفهمنى ايه موضوع الاتوبيس الخاص بتاع التويوتا البرادو انا سمعت انو بيشيل الجمارك من عليها لو هيا من بره و كمان بينزل ضرايبها حاجه كدا ياريت حد يفهمنى يا جماعه

**Islam_galal** · 04-11-2008 04:05 PM

لو اترخصت اتوبيس خاص (لازم كنبتين) لازم لشركة مش ملك لشخص و بتبقي الضرائب أقل كتير
لو اترخصت ملاكي ممن باسم فرد بش الضرائب هييييييييييييييييييا

**محمد ابراهيم 1** · 05-11-2008 02:44 AM

شوف يا سيدى لو إترخصت أوتوبيس يبقى لازم سجل تجارى وبطاقه ضريبيه وشركه فيها موظفين وحركات
فى الحاله دى حتدفع 40% جمرك فقط وضريبة مبيعات 15% على السعر والجمرك معا وكأنها عربيه ملاكى سعتها 1600 فأقل
وطبعا حتفرق جامد فى السعر لأنك لو رخصتها ملاكى حتدفع 135% جمرك و45% ضريبة مبيعات على السعر والجمرك معا
وكانت البرادوا بتنفع عشان البرادو ممكن تبقى 8 كراسى وكان القانون بيشترط أن تكون السياره فيها 8 كراسى على الأقل

لكن لما لقوا العمليه زادت عن حدها فخلوها عشر كراسى على الأقل وبكده خرجت البرادو من الموضوع ده ويكاد يكون توقف تماما

**galaxy** · 10-11-2008 01:17 AM

ايوه ياعني تبقي بكام لو لشركة

**hero** · 10-11-2008 08:37 AM

في حوالي من 250 الف لـ 300 الف....
الكلام دة كان بيطبق علي اللاند كروزر....والنيسان الباترول...

**sa3dawy** · 11-11-2008 05:05 PM

انا وااحد صاحبى والده كاان لسه شاريها من اسبوعين كده مستعمله بس مسالتوش سعرها كاام....هى على فكره ديزل ...وملهااش علاقه خالص بالبرادو البنزين الا الشكل الخارجى بس....صوت المكنة مش لطيف والسحب ضاايع دا انا بهدلته يومها رايح جاى بالياريس .....مش عااارف تحس كده انها برااادو صيييينى ..ههههههههههه

**mohmd76** · 11-11-2008 10:39 PM

دى لعبة لعبها البعض معدومى الضمير وجدوا ثغرة فى القوانين الجمركية انه اذا كانت سيارة عدد مقاعدها 10 مقاعد واستطعت ان تثبت ان لديك شركة اى شركة وعدد عملاها اكثر من 10 افراد تسطتيع ان ترخص سيارة مستوردة على ان تكون اتوبيس خاص
كما حدث

**hesham2004** · 12-11-2008 01:03 PM

المشاركة الأصلية كتبت بواسطة sa3dawy

انا وااحد صاحبى والده كاان لسه شاريها من اسبوعين كده مستعمله بس مسالتوش سعرها كاام....هى على فكره ديزل ...وملهااش علاقه خالص بالبرادو البنزين الا الشكل الخارجى بس....صوت المكنة مش لطيف والسحب ضاايع دا انا بهدلته يومها رايح جاى بالياريس .....مش عااارف تحس كده انها برااادو صيييينى ..ههههههههههه

فعلا العربية البرادو الديزل ، خسارة فيها الفلوس ( 225 الف ) هى شكل بس ، انا منت بافكر اجيبها و ارخصها اتوبيس خاص ، لاكن حسيت انى لو جبت نص نقل حتكون احسن ، كفاية صوت الموتور الديزل بتعها و سحبها الى ملهوش لزمه .
وعلى حد علمى ان البنزين منها بيعدى ال 600 الف

**hesham2004** · 12-11-2008 01:12 PM

المشاركة الأصلية كتبت بواسطة mohmd76

دى لعبة لعبها البعض معدومى الضمير وجدوا ثغرة فى القوانين الجمركية انه اذا كانت سيارة عدد مقاعدها 10 مقاعد واستطعت ان تثبت ان لديك شركة اى شركة وعدد عملاها اكثر من 10 افراد تسطتيع ان ترخص سيارة مستوردة على ان تكون اتوبيس خاص
كما حدث

ليه معدومى الضمير ؟ هو حد منهم اخد حق بتاع حد ، و لا وهو ماشى طلع لسانه للناس و قلهم انا اذكى منكم ، او انا عندى شركة و انتو لأ
دى قوانين و لوائح جمركية تنظيميه ، قابلة للطبيق على كل الناس الى عاوز يستفيد منها و تنطبق عليه الشروط مافيش مشكلة و الى مش حتنطبق عليه الشروط مش حيستفيد منها . و الموضوع مش لعبة ولا حاجه