السلام عليكم ورحمة الله وبركاته
مين الأفضل فى اللاب توب .. كارت فيجا ATI ولا Geforce ؟
السلام عليكم ورحمة الله وبركاته
مين الأفضل فى اللاب توب .. كارت فيجا ATI ولا Geforce ؟
الجي فورس طبعا
هتلاقي نفس اللاب اتش بي مثلا
بالجي فوري اغلي من اللي ب ati
ال geforce افضل وده بشهاده واحد صاحبي شغال في صيانه اللابتوب
ال g force أفضل طبعا في الأداء بس ليه مشكلة مع الأجهزة hp وكانت مشكلة overheat وعشان كده اغلب الhp بينزل بati دلوقتي
زى مقال الشباب الجى فورس ال ATI ممكن يديك شويه Specs اعلى بس التكنولوجيا و الدعم الموجودين فى الجى فورس افضل بمراحل الصراحه حتى لو فى كروت Ati ممكن تديك FPS اعلى شويه بس صدقنى فرق الاداء مش بس FPS
علي جسب الموديل الموجود في كل جهاز يا أفندم ..
مفيش حاجة أسمها أن بطاقات nvidia أحسن من amd أو العكس (الكلام ده كان زمـــــان) ..
المقارنة بموديل من ناحية بموديل من الناحية الأخري ..
ايه الموديلات اللي حضرتك بتقارن بيها يا أفندم ؟
بص يا سيدي
مفيش حاجة اسمها GEFORCE احسن من AMD كل حاجة و ليها المواصفات بتاعتها صحيح دلوقتي الكروت GTX SLI بتاعة GEFORCE اعلى في المواصفات و الاداء بس ما لعتقدش ان الكروت دي موجودة في مصر و كمان الكاتيجوري ده اسعاره في السماء (سعر اللاب ممكن يوصل ل 23 الف جنيه)
في الرينج العادي بتاعنا لازم تقارن بين كروت الشاشة و انتا بتشتري و ممكن تبص على اداء كروت الشاشة و مقارنتها ببعض من على الموقع ده
Notebook / Laptop Reviews and News - NotebookCheck.net
ياباشا مافيش مقارنه كده في الدنيا
انهي كارت جي فورس وانهي كارت ati ؟؟
شكرا يارجاله أنا بقارن بين
جهاز لاب توب ديل انسبيرون 15 3542
معالج انتل كور i5-4210 (ذاكرة مؤقتة 3M، سرعة المعالج تبدأ من 1.7 جيجاهرتز حتى 2.70 جيجاهيرتز)
بكارت فيجا
انفيديا جي فورس 2 جيجا 820M DDR3L
ولاب توب آخر
ديل انسبريون 15-5537 معالج انتل كور الجيل الرابع المعالج: معالج انتل كور الجيل الرابع i5-4200U (3 ميجا كاش، 1.6 جيجاهرتز حتى 2.60 جيجاهرتز)
معالج رسومات: 2 جيجابايت، AMD RADEON HD 8730M
مين الأقوى فى الجرافيك والألعاب ؟
ماشي ياباشا بص
في المثال ده الجهاز اللي فيه جي فورس اقوى بشئ بسيط
(لو بتقارن الكروت ببعض, كارت ال ati ده نزل في 2012 تقريبا وهو اقل شويه من الجي فورس ده)
لكن انت اشرت لنقطه
(الجرافيك والألعاب)
فهنا هقوللك لا ده ولا ده
لأن دي مش لابتوب للجيمز
بنفس السعر ال pc هيكون اقوى
ولاب توب الجيمز سعره معدي
فمهما كانت قوة الكارت اللي في اللاب توب, طالما مش لاب جيمر ماتتوقعش منه كتير بصراحه ولو ده الهدف الاساسي خساره الفلوس