السلام عليكم
ياجماعه العربيه الاكسنت Rb العربيه دى كويسه ولا لا واهم حاجه ثابته علي الطريق ولا خفيفه ؟
انا عاوز اجيبها بس الناس بتخوفنى منها بيقولوا خفيفه ... ياريت تردوا عليا ضروري بالله عليكم ..
عرض للطباعة
السلام عليكم
ياجماعه العربيه الاكسنت Rb العربيه دى كويسه ولا لا واهم حاجه ثابته علي الطريق ولا خفيفه ؟
انا عاوز اجيبها بس الناس بتخوفنى منها بيقولوا خفيفه ... ياريت تردوا عليا ضروري بالله عليكم ..
علي فكره المنتدي عمره مكان كده .... الواحد كان ديما يلاقي الدعم هنا
بلاش منها
ناس كتير قالوا عليها خفيفيه جدا وهوا علي الطريق
معظم الكورى خفيف
يعنى حضرتك تشترى عربية ب 100 الف و شوية و تتوقع منها اداء عربية ب 200 الف مثلا
عموما لو عايز تزود الثبات يبقى لابد من شراء جنوط 15 مع كاوتش عريض و اجرى براحتك
العربية لحد 120 كويسة جدا بعد كدة تبدى تقلق و اصلا انا ضد فكرة الجرى لان الطرق هنا لا تساعد على الجرى و طرق سيئة جدا
و شوارع مكسرة و حفر
العربية اداءها مرضى جدا جدا
شكل حديث و صالون عصرى و موتور مجرم و استهلاك بنزين ممتاز و قطع غيار منتشرة و فى المتناول و ممتعة جدا فى القيادة و سعر اعادة بيع عالى
عربيه محترمه
مش هتندم!
العربيه ممتازه وثباتها كويس جدا
انا عامل بيها فوق 100 الف كيلو اغلبهم سفر على طريق القاهره الغردقه
الاكسنت اول ما تشتريها ركب جنوط 16 195/50 وهتحس بثبات محترم
انا جربتها لغايه 200 كم/س وما شاء الله
خلى بالك البودى الخارجى ضعيف ودا بيخليها عامله زى الريشه
ياباشا هقولك علي حاجه
طرق بلدك كلها زحمة و دي عربية اوتوماتيك
دا انا بجيب ال 80 و بحس اني طاير!
الكلام دا في المانيوال اقولك لازم تريح رجلك ع البنزين شوية عشان تجري معاك
انما الاوتو من لمسه خفيفة بتجري
العربية محترمة جدا جدا .. و علافكره بقي انا ركبت دي و ركبت اللانسر
اللانسر ورق فعلا .. و لو دخلت علي جروبهم علي الفيس بوك
هتلاقي حوادث خرافيه هتقعد تسأل نفسك هي دي عربية لعبة ولا بجد :d
اشتري الاكسنت و اتوكل ع الله
-لو بتسافر كتير..بلاش منها
العربية دى بلاش منها
مع احترامى لاصحاب العربية ... انا راكب هيونداى النترا 2010 مش ماركة تانية
بس بلاش ار بى
موتورها قوى جدا ما شاء الله بس مافيهاش فرامل ... خااااااااالص ... فراملها ضعيفة جدا جدا جدا على الموتور
تانى مشكلة هتقابلها لو بتسافر كتير التنطيط فى العفشة ... اقسم بالله سافرت بيها مرتين كنت راكب ورا رجعت من كتر الترزيع فى العفشة ... طبعا قدام مش بتبقى جامدة قوى زى ورا
ده غير ان خامات الصالون فقيرة جدا جدا ... بلاستيك سىء و لو العربية مش مظبطة زوايا او ترصيص الباب بيترج مع العربية ... حتى و هو مقفول خصوصا الابواب الخلفية و دى حاجة ماشفتهاش قبل كده غير فى ار بى و فى كذا عربية مش واحدة بس
لو بتفكر فيها مستعمل خليك فى النترا احسن كتير ... هى اه شكل اقدم بس احسن فى كل حاجة
و لو بتفكر فيها زيرو فيه حاجات كتير فى نفس الرينج افضل بمراحل
بص أنا كنت محتار زيك لحد لما اشتريت الاكسنت أر بس .
مبدايا فعلا هي العربية خفيفة بعد 120 بتحس انك مش متحكم بيها اووي بس شغااال بس كل العربيات ال في الرينج ده فيه نفس العيب .
ثانيا فعلا الشوارع متسعدش على الجري خاااالص انسى موضوع الجري ده الا في مواقف وطرق معينة
بس استهلاك البنزين ماشاء الله روعة أنا مشيت 500 كيلو وفولت أول مره وطبعا في طرق زحمة
والعربية فعلا بطنط كثير بس في الطرق الغبية وال فيها فواصل غير كده لا
والفرامل كويسة وبتلحقك أن شاء الله
والعربية مجمل كويسة بس هي غالية بس طبعا سعر السوق كله ضارب
موضوع الثبات ده موضوع نسبي يعني لو كنت راكب الماني قبل كده اكيد هتبقي خفيفه و لو كنت راكب عجله قبل كده هتبقي بردوا خفيفه عارف ليه ؟ عشان دي اربي اسواء عربيه انتجت في العالم و بسعر مبالغ فيه بشكل مش طبيعي , مع العلم اني باجيب بيها 200 عادي وساعات ببقي شارب و مش مركز في الطريق اصلن علي 140 بس مشكله الاربي مش مشكلة ثبات مشكله الاربي في كل حاجه فرامل و عفشه سيئه جدا كرهتني في السواقه من كتر الزع و التخبيط من اصغر ظلطه في الشارع و عزل داخلي مش موجود اصلن انت بتبقي رافع الازاز كله و سامع كل حاجه بتحصل في الشارع و الاقصدام اللي قدام بيطق لو لمست اي حاجه و التابلوه متصمم انو يلم تراب في الاساس و يخلي العربيه شكلها و حش من جوه حتي لو مغسوله من يومين وبتاكل معايا بنزين كتير حتي لو سايق في زحمه و العربيه ديقه جدا من جوه و بتحك في المطبات لو تلاته في العربيه و السنتر بيعلق و حاجات غريبه اوي بتحصل و العربيه المفروض لسه زيرو انا عامل بيها 25000 في سنه و 8 شهور و المسند اللي في النص للسواق بس !! طب كانت هتفرق معاهم في كام لو حطوا مسند عدل زي اللي في كل العربيات !! و النور مش قوي علي طرق السفر , من الاخر عربيه فقيره اوي بسعر مبالغ فيه و محدش يزعل من موضوع العجله :] و اسمع مني الكلام ده عشان محدش هيقلهولك غيري ده حتي عفشة الفيرنا نفسها ارحم بكتير و الكلام ده من بق مهندس الصيانه في غبور الفرع بتاع العبور
يا باشا العربية مع كل الناس و محدش اشتكي من الشكاوي العجيبة اللي انت مشتكي منها دي دا مبدئيا !
ثانيا انت شوهت العربية و مقلتش فيها ولا ميزة واحده و دا معناه اني الكلام مش حيادي نهااااااائي
كل الشكاوي اللي جت من الناس اللي راكبة العربية دي انها خفيفة ( بعد ال 120 )
هو انت اصلا في بلدك دي هتعرف توصل لل 80 في الزحمة ؟؟
و بعدين اساسا لو حتي علي طريق السفر مفيش حد طبيعي يجيب 120 متواصل يعني
مهو دا اللي مودينا في داهيه .. اني الناس بتسوق علي 120 و ازيد و فاكره نفسها ماشية في الشارع لوحدها
علافكرة كل العيوب العربية تتضمن في انها خفيفة ع السرعات العالية و العزل بتاعها زي عزل اي عربية
امال لو ركبت ال جين 2 ولا البيرسونا هتوقل ايه بقي ؟!
عما اي عربية لازم يطلع فيها عيوب لاني اللي عملنها ( بشر )
و كل البشر لازم تغلط او تقصر في حاجه علي حساب حاجه
لانه لو دا مش بيحصل كانت هتيجي شركة واحد ه تصنع عربية واحده فيها كل المواصفات بسعر قليل و تضرب الاسواق و الشركات كلها
خليك حيادي يا بوب
مميزات الاربى
1- ماتور كويس
2- ناعمة
3- استهلاك بنزين كويس
4- حجمها كويس تصلح للاستخدام اليومى
عيوب الاربى :
1- خفيفة جدااا
2- فرامل فى الضياع
3- ضيقة خصوصا الكنبة الخلفية
4- اصوات تزييق بداخل السيارة من الجهة الخلفية خصوصا
5- منخفضة على الارض
6- خامات بلاستيك سيئة
7- عوامل الامان قليلة على سعرها
8- الاوبشن المعتاد بتاع اى سيارة اقل من سعرها
9- اول حاجة لازم تغيرها وانت بتشتريها الكاوتش يعنى اعمل حسابك على 3 الاف جنية كاوتش فوق سعرها
10- قطع غيار غالية ,. يعنى قطع غيارها فى التوكيل تقريبا قريبة جداا من قطع غيار سيارات اعلى منها فى الفئة
دة تقييمى للاربى بعد استخدام اكتر من 5 شهور , لانها كانت مع زميلى فى الشغل وكنا رايحين جايين بيها على طول , وعمل حادثتين تصادم على سرعات قليلة بسبب الفرامل
11- العفشة ناشفة خصوصا الخلفية
ياريت تبص على اللانسر شارك هية بس عيبها قطع غيارها غالى لكن سيارة ممتازة
شوف ثبات العربيه جميل لكن مقدرش اقارنها بينها وبين فئه اعلي لكل تقيمي ليها جيد جدا
اما بقي العيب اللي نازله بيه فهما المساعدين وبيتغيروا مجانا تبع الضمان وده كان في موديل 2012 معوبتبقي العربيه جميلة جدا
جربت سواقتها مره زمان هيا خفيفه اوي معجبتنيش مش حاسس بالكنترول العالي والثقه زي البروتون مثلا
لكن فيه ناس بتحب العربيات الخفيفه خصوصا في الزحمه
يعني هيا مسألة راحه نفسيه على حسب احساسك في القياده
كويسه وناعمه جدا وموتور جبار بس خفيفه وشنطتها تحس انها مش ثابته عشان كدا الهاتش بتاعتها اثبت ودا كلام واحد من ملاكها
السلام عليكم ورحمة الله،،
بلاش ال rb معايا موديل 2012 ماشية 75000 كم وغيرت المساعدين الخلفي بعد 1000 كم وغيرت علبة دريكسيون مرتين وكاسيت وقربة سنتر و قطمة كل ده في الضمان وحاليا محتاجة علبة دركسيون للمرة التالتة وطبعا دي بره الضمان لأن ضمانها 60000 كم بس وفيه نتشة في الفتيس مش عارف أوصل لسببها مع العلم انها ظهرت عند 20000 كم.
التوكيل مش بيعارضوا في التغيير داخل الضمات بس المشكلة ان الحاجة اللي بتتغير بترجع تبوظ بسرعة شديدة.
كان معايا الانترا 2009 قبلها وكانت برقبتها بعتها ماشية 100000 كم ومشتكيتش منها ولا مرة وكل اللي كنت بعملة صيانتها المنتظمة وبنزين وزيت.
دي تجربة واحد راكب العربية 3 سنين وبراحتك ياباشا في ناس هتهتجم وتقول خليت ايه في العربية وكلام من ده بس أنا بقوللك اللي حصل معايا
ياجماعه العربيه الاكسنت هيا الكيا ريو . العربيات الألماني ثباتها محترم . بس كده كده الكورى والصيني شغال . كمان موضوع الثبات دا نسبي يعني ممكن اتنين يركبو عربيه واحده ويقول كلام مختلف .. افضل حل جرب العربيه علي الطبيعه وانت تحكم بنفسك
انا معايا العربية دى من 2011 و سافرت بيها مسافات طويله بنتكلم عن 1200 كيلو فى السفرية الواحده فى السعودية و كنت بمشى بيها 180 عادى جدا
الثبات ممتاز لكن المناورة سيئه
السحب على المانيوال سئ ..... معرفش الاوتوماتيك نظامه ايه
الهيكل الخارجى ضعيف
بلاستيك كتير فى كل حاجه
بلاستيك ضعيف من لمسه بيتكسر
العفشه مش حلوه العربيه بيتلعب بيها الكورة مع شويه طوب فى الارض ولا عين قطه
الفرامل ضعيفه جدا
لا انصح بها نظرا لارتفاع السعر بالنسبه للامكانيات و عوامل الامان