انهيار حوض ترسيب بقناة السويس الجديدة وفقدان 250 عاملا

**مُصْطٓفٓى** · 19-01-2015 06:42 AM

في اليوم التالي لزيارة السيسي لمشروع قناة السويس

اعلن الدكتور هشام الشناوي وكيل.وزارة الصحة.بمحافظة الإسماعيلية، عن حاله الطورئ القصوي في جميع مستشفيات المحافظه والاستعانه بالاطباء من المركز الطبيه، كما اعطي توجهاته الي جميع سيارات الاسعاف بالانتقال الي شرق.قناة السويس.لنقل جميع المصابين.

كما اعلنت مصادر امنيه مطلعه لـ " التحرير " عن فقد اكثر من 250 عامل من شركه فاضلكوا العامله في مشروع حفر قناه السويس الجديده في الساعات الاولي من صباح الاثنين وذلك بسبب تدفق المياه من قناه السويس الاولي الي القناه الثانيه اثناء العمل مما ادي الي فقد اكثر من 250 عامل وسائق بالشركه وجميع المعدات.

http://www.tahrirnews.com/news/details.php?ID=338690

**mr_vampire** · 19-01-2015 07:07 AM

لا حول ولا قوة الا بالله.

الي الله المشتكي.

**Anaslbda** · 19-01-2015 07:27 AM

يعني ايه فقدان 250 عامل؟؟؟؟

**مُصْطٓفٓى** · 19-01-2015 07:35 AM

المشاركة الأصلية كتبت بواسطة anaslbda

يعني ايه فقدان 250 عامل؟؟؟؟

يعني المياه تسربت بشكل مفاجئ وبقوة من قناة السويس الاصلية
الى مكان الحفر المنخفض في المشروع الجديد

تخيل حضرتك الموقف
تخيل ان المياه تندمج مع التراب الموجود في المشروع
وتبقى طينة وفيها العمال اللي كانوا شغالين
يعني محدش حيعرف يعوم لان الطينة محوطاه من كل جانب

حضرتك متخيل المأساة ؟

ربنا يستر وينجي العمال الغلابة اللي راحوا بسبب اهمال نظام

**reda elgohary** · 19-01-2015 07:36 AM

طبعا ولا قناة هتتكلم ، ولا مذيع هيذيع ،، لو صح هذا الخبر ، فهى كارثة بكل المقاييس ، وحسبنا الله ونعم الوكيل فى كل المقصرين .

**Anaslbda** · 19-01-2015 08:04 AM

يُقال ان مفيش خسائر بشرية

**مُصْطٓفٓى** · 19-01-2015 08:18 AM

المشاركة الأصلية كتبت بواسطة anaslbda

يُقال ان مفيش خسائر بشرية

يقال ايضا ان الاسماعيلية اعلنت حالة الطوارئ القصوى في جميع المستشفيات
استدعاء كافة سيارات الإسعاف في المحافظة في منطقة الانهيار
وصول بعض الطيارات المهيئة طبيا لمكان الحادث

مش اهتمام بالعمال
لكن لحصر الجريمة والفضيحة

**MACATHIUS** · 19-01-2015 09:00 AM

http://www.youm7.com/story/2015/1/19...2#.VLyrwE2_xFp

**عبدالحكيم** · 19-01-2015 09:15 AM

أولاً: مشروع قناة السويس مشروع وطني ممتاز وإن شاء الله يُقدّر له النجاح والاكتمال في الوقت المحدد.. أي مواطن بيحب بلده بغض النظر عن ميوله السياسية يفرح ويسعد بازدواج قناة السويس..

ثانياً: أنا كنت قرأت على موقع إخباري كندي بأن مشروع القناة سيئ جداً من الناحية الإدارية (التخطيط)، خصوصاً وأن من خططه لم يترك سوى مسافة بسيطة بين القناتين مما يسهل تسرب المياه عبر الرمال أو انحدارها فجأة نحو الأماكن المحفورة مما يعطل العمل ويطيل مدة رفع الرمال المبلله بالمياه..

هذا ما قاله الموقع الكندي والله أعلم بالتفاصيل..

عموماً نتمنى السلامة للجميع..

**ahmedwagdy03** · 19-01-2015 09:25 AM

فى المواقف اللى زى دى و بعد خبرة عشرات السنين مع الإعلام المصرى الحكومى و المعارض أنصح بالتريث و الهدوء حتى نتيقن الخبر .

ممكن جدا يكون فعلا حصل إنهيار و 250 مفقود و الإعلام الحكومى واكل طاطورة و بيكذب ( ده شيىء وارد و معتاد )

ممكن يكون الموضوع بسيط و الإعلام المعارض بيهول .

التجربة المصرية بتقول متصدقش أى حاجة ( وبالذات اللى بيقولها المصدر المسئول اللى بيرفض يقول إسمه ) إلا لما تتأكد من مصدر محايد (غالبا أجنبى ) أو تشوف بعينك أو تشوف ردود أفعال بعد فترة تؤكد الخبر