مين بيحب ركوب العجل "الدراجات الهوائية" وبيمارسها كهواية من فترة للتانية او كرياضة ؟
مساء الخير جميعا يارب تكونوا في احسن حال
مين من المنتدى بيحب رياضة ركوب العجل وبيمارسها كل فترة او منتظم فيها كرياضة احترافية ؟
مؤخرا بدأ موضوع ركوب العجل ينتشر في مصر وظهرت مجموعات كتير في مناطق مختلفة تتجمع وتكون فرق مع بعض كدا وينزلوا في جولات بالعجل منها جولات صغيرة وبيمشوا بسرعات بسيطة ومنها الاكثر احترافية وبيسافرو مسافات طويلة وعلى سرعات اعلى
الموضوع بقى مشجع جدا للكل بنات و اولاد اطفال وشباب وخاصة ان معظمنا بيعرف يركب عجل من صغره و اللي نسي سهل يفتكر لو نزل مرتين تلاتة مع اي جروب من دول خاصة انهم عاملين اوشن تأجير لو معندكش عجلة ودي كمان حاجة هايلة وبتسهل الموضوع
رياضة ركوب العجل في حد ذاتها مفيدة جدا للي عاوزين يقللوا وزنهم ويحركوا عضلات جسمهم وبتدي لياقة هايلة و ممارستها في اماكن مفتوحة وممكن كل مرة الجولة تبقى في مكان شكل فا متحسش بملل
رأيكم ايه ومين جرب ينزل مع مجموعة من دول اللي ليهم صفحات على فيس بوك وراح فين واتبسط ولا لأ و ايه انطباعاته ؟ مميزات الموضوع وعيوبه ؟
وبما اننا في منتدى سيارات ودراجات بخارية يبقى لازم كمان نشجع رياضة الدراجات الهوائية ونعمل جروب نايل موتورز للدراجات الهوائية وننطلق بقى ولا ايه رأيكم ؟
