الموضوع: لو لم اكن .... لوددت ان اكون ....

المشاركة الأصلية كتبت بواسطة MomoMedo

على فكرة يا بشمهندس كمال
وانا واقف في معمل الكيميا كدة ( انا في قسم غاز وبتروكيماويات)
ولما افكر بحس ان الهندسة مدني وعمارة بس
واللي احنا بنعمله دة مالوش اي علاقة بالهندسة

على فكرة انا بحمد ربنا على أنى دخلت هندسة لأنى بالعربى منفعش غير فيها فالحمد لله , هى المشكلة انك كل ما بتكبر فى المهنة دى كل ما مسؤلياتك بتكتر و المشاكل اللى مطلوب منك حلها بتكتر , وزى ما قلت لحضرتك عيبها وميزتها فى نفس الوقت انها عبارة عن فريق فللأسف لو فيه عضو مش مضبوط بيبقى خميرة عكننة , وممكن تلاقى أحدهم يمسك بمعول هدم ليهد نجاحك لينسبه لنفسه ونفسه بريئة من أى نجاح , لكن الأعمال الفردية أى نجاح او فشل انت الوحيد الذى تتحمله , وفى ناس كتير محترمة بتراعى ربنا و من الآخر ان الله لا يضيع أجر من أحسن عملا , فالواحد بيعمل اللى عليه وربنا يبارك ويستر , ونسأل الله حسن الخاتمة .
و على فكرة كل واحد يعتبر مهندس فى مجالة لأنى بأعتبر المهندس هو من يبتكر ويستطيع حل المشاكل بأ قصر وأسرع الطرق و ممكن تلاقى من يحمل بكالوريوس هندسة ولكنه مش مهندس معلش طولت عليك و ... ربنا يوفقك.

المشاركة الأصلية كتبت بواسطة Miss_Pharma

لا لا صدقني انت فاهم الموضوع غلط ..
واسأل مجرب

بالعكس دا انا فاهمه صح الصح لأنى خالى صيدلى وعنده صيدلية وماشاء الله عليه ما بيسبش النادى و يادوبك بيطل طلة بس على الصيدلية وخلاص على كده ....هوه انتم بتعملوا حاجة ....:k48:

لو لم أكن ....... لوددت أن اكون أنا
على فكره انا كنت عايز ادخل صيدلية وبعدين حربية وربنا مقسمليش لا دي ولا دي .. ودخلت تجارة ..
ودلوقتي بشتغل في المجال الي بحبه ..
يعني الموضوع انت مش ايه الموضوع انت عايز تعمل ايه ..
وياما هناك أمثلة لدكاترة بقوا رجال أعمال
او مهندسين فاتحين محلات .. وبقوا تجار
وناس تجاره .. وبقوا مهندسين (شبكات وخلافه)

مش المهم لو مكنتش ايه..
المهم
انا عايز أكون إيه

تحياتي لصاحبة الموضوع للاعضاء

أنا الحمد لله راض بما قسمه الله لي...
أنا كاتب تقني (Technical Writer)
لكن كنت أحب أكون طبيب نفساني :

لو لم أكن مهندسا لو لوددت أن أكون ضابطا (علشان أقبض على الأشكال الغريبة اللي انتشرت في شوارعنا) أو لاعب كمال اجسام (علشان البلد دي بتمشي بالدراع) أو .... حاجات كتييييير.

لو لم أكن محاسبا لوددت ان أكون ميكانيكيا